2 Samuweli 9:3 - IBAYIBOLO 2024

³ U mwene akamulalusya akati, “Nkimba atasyalako yumo uwa munyumba iya Sabuli, uwakuti ningamupelela ichisa icha Chala?” U Ziba akamwamula akati, “Asyalako weka umwana uwa Yonatani. Loli alemaye inyayo zyache zyosi zibili.”

2 Samuweli 9:3 Iomraidhean Croise

2 Samuweli 19:26

U Mefibosheti akamula akati, “Wee mwene wane, uwambombo wane weyuyo akanzimbula. Nkamubuzya nkati, ‘Umbikile ichakwikalila pampunda yane ukuti nkwelepo nukubuka poka nu mwene wane,’ pakuti ane ne wambombo wako ne mulemazu.

2 Samuweli 19:27

Po anjebagha ane ne mubombi wako pamaso papako awe mwene wane. Loli awe we mwene wane uli ngati wantumi uwa Chala. Po bomba bulo chosi chicho chingakuhobosya.

2 Samuweli 4:4

U Yonatani umwana uwa Sabuli akaba nu mwana yuyo inyayo zyache zyosi zibili zikaba ndemazu. Umwana yunuyu akaba we Mefibosheti, sona akaba na maka fayivi bo u Sabuli nu Yonatani baghoghiwa mu Yezileli. Umuntu yuyo akamulelagha akamunyamula nukuchimbila, loli bo ali palubilo lula, umwana yula akawa pasi nukulemala.

2 Samuweli 9:13

U Mefibosheti akikala mu Yelusalemu, pachifukwa ichakuti akabalilo kosi akalyanga poka nu mwene, sona akalemala inyayo zyache zyosi zibili.

2 Samuweli 9:7

U Devedi akamubuzya akati, “Utakanyilaye. Nkulonda pakukupelela ichisa pachifukwa icha ghuso u Yonatani. Nkwiza pakukunyosezya ichisu chosi chicho chikaba cha ghusokulu u Sabuli, sona ukwiza pakulya poka nane akabalilo kosi.”

Luka 6:36

Mubanje bantu abachisa ukuyana namumo Ughuso abeleye ni chisa.

Ukukumbusya Amalamulo 10:15

Loli u Mwene akabaghana nkani abanyenya binyu, sona akabasala amwe mwe baluko lwabo pakasi pa inko zyosi ukuyana namumo vibeleye nilelo bulo.

Ukukumbusya Amalamulo 4:37

Pachifukwa ichakuti akabaghana nkani abanyenya binyu, akabasala amwe, mwe baluko lwabo nukubefyamo mu Ijiputi nu bubapo bwache, sona na maka ghache amakulu nkani.