2 Samuweli 8:2 - IBAYIBOLO 2024

² U Devedi akabapota sona aba Mowabu. Akabalambalika pasi mumizele nukubapima nulukusa. Po akabaghogha abantu babo bakaba mumizele mibili iyakwanda yosi nukughuleka umuzele uwabutatu ghosi. Aba Mowabu bakaba bazya aba Devedi nukwanda pakusonka umusonko kukwache.

2 Samuweli 8:2 Iomraidhean Croise

2 Samuweli 12:31

nukubefyamo abantu aba mukaya kala. Po akababombezya imbombo iyakupala amatabwa na bapiki ni ntemo sona bakababombezya imbombo iyakukoma injelwa. Akatubombela bunubu utwaya tosi utukulu utwa ba Amoni. Po u Devedi na basilikali bache bosi bakabwela ku Yelusalemu.

2 Samuweli 8:6

U Devedi akazenga ubuzilo ubwa bwite muchigaba icha Siliya mu Damasika, po aba Siliya bakaba pasi pabulaghili bwache nukusonka umusonko kukwache. U Mwene akamupa u Devedi ubupoti kosi kuko akabukagha.

1 Abamwene 4:21

U mwene u Solomoni akalaghilagha mubumwene bosi bunubu ukwandila kulusoko ulwa Yufuleti mupaka kuchisu icha ba Filisiti nukufika kumpaka iya chisu icha Ijiputi. Abantu aba muvyisu vinivi bakamupa umusonko u Solomoni, sona bosi bakaba pasi pabulaghili bwache mubumi bwache bosi.

2 Abamwene 1:1

Bo u mwene u Ahabu afwa, aba Mowabu bakabasambukila aba Izilayeli.

2 Abamwene 17:3

U mwene u Shalimanesela uwamu Asiliya akiza pakulwa ubwite nu Hosheya nukumupota. Po u Hosheya akasonkagha umusonko umwaka nu mwaka kwa Shalimanesela.

1 Imbili 18:2

U Devedi akabapota sona aba Mowabu, po bakaba pasi pabulaghili bwache nukwanda pakusonka umusonko kukwache.

2 Imbili 26:8

Aba Amoni bakasonka umusonko kwa Uziya, po akamanyikwa nkani mupaka kumpaka iya Ijiputi, pachifukwa ichakuti akaba na maka nkani.

Masalimo 108:9

U Mowabu lyo libeseni lyane ilyakusukusulilamo, u Edomu we chakusumbilapo inkwato zyane. Nkwiza pakukolomoka bo nabapota aba Filisiti.”

Masalimo 18:45

Abantu bosi bakaba nubogha, sona bakafuma mumalinga ghabo, bo bakutetema.

Masalimo 60:10

Wee Chala, nkimba utatulekite twebene, umwakuti utakubuka poka na basilikali bitu?

Masalimo 60:8

U Mowabu lyo libeseni lyane ilyakusukusulilamo, u Edomu we chakusumbilapo inkwato zyane. Nkwiza pakukolomoka bo nabapota aba Filisiti.”

Masalimo 83:6

Banaba bo bantu aba Edomu naba Ishimayeli naba Mowabu sona naba Hagili,

Yesaya 36:16

“Mutakamuteghelezyanje u Hezekiya. Izi zyo zyizyo u mwene uwamu Asiliya akunena akuti, ‘Twitinkane ukuti pabe umutende pakasi pa amwe naswe. Po umuntu wesi uwa amwe akwiza pakulya ivikomwa ivya ikwi lyache ilya mampesya nilya chikuyu nukung'wela amizi aghakufuma muntamba iya mizi iyache ni yache.

Ukubelengiwa 24:17

Nkwennya muntazi, nkwennya uluko lwaba Izilayeli. Umwene yuyo ayanite nu lutondwa, akwiza pakuba wa munyumba iya Yakobo. Indisa iya bumwene yikwiza pakuba ya munyumba iya Izilayeli. Indisa yache yikwiza pakubakoma abalongozi aba Mowabu, sona yikwiza pakulupota uluko ulwa Seti.

1 Samuweli 10:27

Loli abantu bamo abamwalwemwalwe bakati, “Nkimba umuntu yunuyu angatupoka bulibuli?” Bakamusamula u Sabuli, sona batakamupa ivyabupi navimovimo. Loli u Sabuli akaba bulo myee.

1 Samuweli 14:47

Bo u Sabuli aba we mwene uwa ba Izilayeli, akalwa ubwite na balwani babo bakamuzyungulila. Akalwa naba Mowabu naba Amoni sona naba Edomu na bamwene aba ku Zoba sona naba Filisiti. Kosi kuko akabukagha akabapotagha bosi.

1 Samuweli 22:3

Bo epako kulakula u Devedi akabuka ku Mizipa muchisu icha Mowabu nukumulaba u mwene wamu Mowabu ukuti, “Nkimba utangamwitikizya u utata nu mayi ukuti bikalaye nawe kuno mupaka papo nazimanya zizyo u Chala akulonda pakumbombela?”

1 Samuweli 22:4

Po akamulekela u mwene uwa ba Mowabu abapapi bache, sona bakikala kulakula pakabalilo kosi kako u Devedi akavwamagha mumpako.