2 Samuweli 8:15 - IBAYIBOLO 2024

¹⁵ U Devedi akalaghilagha mu Izilayeli mosi, sona akabombelagha vyosi mubwanaloli na mubugholosu pakasi pa bantu bosi.

2 Samuweli 8:15 Iomraidhean Croise

2 Samuweli 15:3

Po u Abisalomu akatinji, “Ifundo yako nyiza nkani, sona ngolosu, loli atalipo umwimilili uwa mwene uwakuti alonge inongwa yako.”

2 Samuweli 20:23

U Yowabu akaba we songo uwa basilikali bosi aba Izilayeli. U Benaya umwana uwa Yehoyada akaba we songo uwa ba Keleti naba Peleti.

2 Samuweli 3:12

U Abinala akamutumila u Devedi intumi bo ali mu Hebuloni ukuti, “Nkimba ichisu ichi cha wenu? Zagha tufingane ulufingo, sona nkwiza pakukwavwa ukuti ichisu icha Izilayeli chibanje chako.”

2 Samuweli 5:5

U Devedi akalaghila mu Yuda amaka seveni na mezi sikisi, bo ali mu Hebuloni, sona akalaghila mu Izilayeli, na mu Yuda amaka 33, bo ali mu Yelusalemu.

2 Samuweli 8:14

U Devedi akazenga ubuzilo ubwa bwite muchisu chosi icha Edomu, umwakuti aba Edomu bosi bakaba pasi pabulaghili ubwa Devedi. Po u Mwene akamupa u Devedi ubupoti kosi kuko akabukagha.

2 Samuweli 8:16

U Yowabu umwana uwa Zeluya akaba we songo uwa basilikali. U Yehoshafati umwana uwa Ahiludi akaba musimbi uwa mabuku agha mbili.

1 Abamwene 10:9

Umupalaye u Mwene u Chala wako yuyo ahobokite nawe nukukwikazya pachitengo icha bumwene ubwa Izilayeli. Pachifukwa ichakuti u Mwene abaghanite nkani aba Izilayeli nu lughano ulwa bwila na bwila, akupakazya ukuti ubanje we mwene umwakuti ulaghilaye mubwanaloli na mubugholosu.”

1 Abamwene 4:1

U mwene u Solomoni akalaghilagha muchisu chosi icha Izilayeli.

1 Imbili 18:14

U Devedi akalaghilagha mu Izilayeli mosi sona akabombelagha vyosi mubwanaloli na mubugholosu pakasi pa bantu bosi.

Masalimo 119:121

Nabomba chicho chigholosu sona chanaloli, po utakambikaye munyobe izya abantu abayivyi.

Masalimo 72:2

Po akwiza pakubalongela abantu bako mubwanaloli, sona atakwiza pakwennya icheni nanti akulonga inongwa izya bapina.

Masalimo 75:2

Ukuti, “Nkukasala akabalilo akenecho, nene nkulongela mubwanaloli.

Masalimo 89:14

Ubugholosu bwako nu bwanaloli lo lwalo lwachitengo icha bumwene bwako. Ulughano nu busubiliwa vikukufughamilila.

Yesaya 9:7

Ukonjeleziwa ukwa bulaghili bwache nu mutende butakwiza pakumala. Akwiza pakulaghila pachitengo icha Devedi napabumwene bwache, pakubwikazya nukubukuzya mubwanaloli nu bugholosu ukwanda pakabalilo kalakala sona bwila na bwila. Ulweke ulwa Mwene Uwamaka Ghosi lukwiza pakuzimalizya zinizi.

Amosi 5:15

Mububenge ububibi, mubughane ubwiza, sona mubombe ubwanaloli pabulongi. Lumo u Mwene u Chala Uwamaka Ghosi akwiza pakubapelela ichisa abantu abakusyalako abaluko ulwa Yosefu.

Amosi 5:24

Loli buleke ubwanaloli bwendaye ngati lusoko, bope ubugholosu bwendaye ngati kasoko kako katakupwa nalumo.

Aba Hebeli 11:33

Lukaba lwitiko lulo lukabapela pakulwa ubwite na bamwene bosi aba muvyisu nukubapota. Bakabalaghila abantu nu bwanaloli, po bakapokela zizyo u Chala akalayizya, sona bakighalila imilomo iya nkalamu

1 Samuweli 14:47

Bo u Sabuli aba we mwene uwa ba Izilayeli, akalwa ubwite na balwani babo bakamuzyungulila. Akalwa naba Mowabu naba Amoni sona naba Edomu na bamwene aba ku Zoba sona naba Filisiti. Kosi kuko akabukagha akabapotagha bosi.