2 Samuweli 8:14 - IBAYIBOLO 2024

¹⁴ U Devedi akazenga ubuzilo ubwa bwite muchisu chosi icha Edomu, umwakuti aba Edomu bosi bakaba pasi pabulaghili ubwa Devedi. Po u Mwene akamupa u Devedi ubupoti kosi kuko akabukagha.

2 Samuweli 8:14 Iomraidhean Croise

Ubwandilo 25:23

Po u Mwene akamubuzya akati, “Mulwanda lwako muli inko izya bantu babili. Ukwiza pakupapa inko zibili izya bantu babo bakwiza pakubengana. Weka akwiza pakuba wamaka nkani ukumuchila uyunji, sona ukatote akwiza pakumubombelagha umunandi.”

Ubwandilo 27:29

Inko izya bantu zikubombelaye, sona abantu bakufughamililaye. Ubanje we mulaghili uwa bakamu bako bosi, sona abaluko ulwa nyoko bakufughamililaye. Abantu bosi babo bakukughuna, bope baghuniwanje, sona abantu bosi babo bakukusaya, bope basayiwanje.”

2 Samuweli 5:10

Po u Devedi akabanga na maka nkani, pachifukwa ichakuti u Mwene u Chala Uwamaka Ghosi akaba nawe.

2 Samuweli 7:9

Ane nabanga nawe kosi kuko wabukagha, sona nabachimbizya abalwani bako pamaso papako. Losi ulu nkwiza pakulipela itabwa lyako pakuba likulu nkani ngati amatabwa agha bantu abamanyikwe aba muchisu ichapasi.

2 Samuweli 8:15

U Devedi akalaghilagha mu Izilayeli mosi, sona akabombelagha vyosi mubwanaloli na mubugholosu pakasi pa bantu bosi.

2 Samuweli 8:6

U Devedi akazenga ubuzilo ubwa bwite muchigaba icha Siliya mu Damasika, po aba Siliya bakaba pasi pabulaghili bwache nukusonka umusonko kukwache. U Mwene akamupa u Devedi ubupoti kosi kuko akabukagha.

1 Abamwene 11:15

Pakabalilo kako u Devedi akalwanga ubwite naba Edomu, u Yowabu usongo uwa basilikali akabuka pakubasyila abantu babo bakaghoghiwa pabwite, po akabaghogha abanavuli bosi mu Edomu.

1 Abamwene 22:47

Pakabalilo kalakala mu Edomu mutakabamo u mwene, po uwabubili uwa mwene weyuyo akalaghilagha.

1 Abamwene 22:48

U mwene u Yehoshafati akapanga amabwato amakulu nkani ukuti ghabuke ku Ofili pakunyamula ugolide. Loli amabwato ghala ghatakafikako, pachifukwa ichakuti ghakananganikila mu Eziyoni Gebeli.

2 Abamwene 14:7

U Amaziya akabaghogha abasilikali 10,000 aba Edomu mwikombe ilya Mbeya, sona akakafyula akaya akakulu nkani aka Sela pakulwa ubwite nukukita ukuti Yokitele, lilyo litabwa lyache mupaka nilelo bulo.

2 Abamwene 18:7

U Mwene akaba nawe, po ivintu vyosi vivyo akabombagha vikamwendelagha akiza. U Hezekiya akamusambukila u mwene wamu Asiliya, umwakuti akakana pakumubombela.

1 Imbili 18:13

U Devedi akazenga ubuzilo ubwa bwite mu Edomu, umwakuti aba Edomu bosi bakaba pasi pabulaghili ubwa Devedi. Po u Mwene akamupa u Devedi ubupoti kosi kuko akabukagha.

Masalimo 60:1

Wee Chala watuleka twebene, watunnyampannya sona watukalalila, polelo utunyosezye mumo tukabela.