2 Samuweli 7:8 - IBAYIBOLO 2024

⁸ “Losi ulu umubuzye umubombi wane u Devedi uti, ‘U Mwene Uwamaka Ghosi akuti: Nkakwefyako kuludimo kuko ukadimagha ing'ozi ukuti ubanje we mulaghili uwa bantu bane aba Izilayeli.

2 Samuweli 7:8 Iomraidhean Croise

2 Samuweli 12:7

Po u Natani akamubuzya u Devedi akati, u Mwene u Chala uwa ba Izilayeli, ati, “Umuntu yunuyu wewe! Ane nkakupakazya amafuta pakuba we mwene uwa ba Izilayeli, sona nkakupoka munyobe izya Sabuli.

2 Samuweli 14:13

Umukolo yula akalalusya akati, “Nkimba choni chicho winong'ona pakubabombela bunubu abantu aba Chala? Pakubomba bunubu nkimba kokuti awe wemwene ukwipalaghulila inongwa, pakuti utakulonda ukuti umwana wako yuyo akachimbila anyokele sona?”

2 Samuweli 23:1

Amazyu aghabumalilo agha Devedi umwana uwa Yese, umwimba inyimbo uwa Izilayeli, umuntu yuyo u Chala Uwapamwanya Nkani, u Chala uwa Yakobo akamukwezya nukumupakazya gho agha:

2 Samuweli 24:17

Bo u Devedi amwennya uwantumi yuyo akabakoma abantu bala, akamubuzya u Mwene akati, “Nene nananga, sona nabomba imbibi. Nkimba abantu banaba babomba choni? Unfunde ane na bamunyumba yane.”

2 Samuweli 5:2

Kale bo u Sabuli we mwene witu, awe ukabalongolela aba Izilayeli kubwite, sona u Mwene akakubuzya akati, ‘Ukwiza pakuba we mulaghili uwa bantu bane aba Izilayeli, sona ukwiza pakuba we mwene wabo.’ ”

2 Samuweli 6:21

U Devedi akamubuzya u Mikali akati, “Nkamuchindika u Mwene yuyo akansala ukumuchila ughuso, pamo umuntu yumo uwa munyumba yache, bo akunsala ukuti imbanje ne mulaghili uwa bantu bache. Nkwiza pakusekela pamaso pa Mwene.

1 Abamwene 3:6

U Solomoni akamwamula akati, “Wee Mwene wane, ukamughana nkani u tata wane u Devedi pachifukwa ichakuti akaba muntu musubiliwa nu mugholosu, sona wanaloli. Umughanite nkani, sona wamupa umwana umulumendo ukuti ikalaye pachitengo icha bumwene mupaka nilelo bulo.

1 Abamwene 8:16

“Ukwandila pisiku lilyo nkabefezya abantu bane aba Izilayeli mu Ijiputi, ntasalitepo akaya akakulu nkani pakasi panko izya Izilayeli ukuti banzengele inyumba iyakuti nchindikiliwanjemo. Loli namusala u Devedi pakubalaghila abantu bane aba Izilayeli.

1 Imbili 17:7

“Losi ulu umubuzye umubombi wane u Devedi uti, ‘U Mwene Uwamaka Ghosi akuti: Nkakwefyako kuludimo kuko ukadimagha ing'ozi ukuti ubanje we mulaghili uwa bantu bane aba Izilayeli.

1 Imbili 21:17

U Devedi akamubuzya u Chala akati, “Nkimba ntakaba nene nkalamula ukuti abasilikali babelengiwe? Po nene nananga nukubomba ichintu ichibibi chinichi. Abantu banaba ng'ozi bulo. Nkimba banangite choni? Wee Mwene wane, umfunde ane poka na bamunyumba yane. Loli utakabafundaye abantu banaba pakubawisizya ichiwaya.”

Amosi 7:15

Loli u Mwene akanyefya kuko nkadimagha ing'ozi nukumbuzya ukuti, ‘Bukagha pakulaghula pakasi pabantu bane aba Izilayeli.’

Imbombo 7:46

U Chala akahoboka nkani nu Devedi, po u Devedi akamulaba ukuti amwitikizye ukuti amuzengele inyumba iyakwikalamo u Chala uwa Yakobo.

1 Samuweli 10:1

U Samuweli akasenda ibotolo ilya mafuta nukughapungulila pamutu uwa Sabuli, po akamufyofyonta. Akanena akati, “U Mwene akupakazya ukuti ubanje we mwene uwa bantu bache aba Izilayeli. Ukwiza pakubalaghila abantu bache nukubapoka munyobe izya balwani babo.

1 Samuweli 2:8

Akubakwezya abapina ukufuma palufumbi, nukubanyamusya abapotwe ukufuma pachituntululu icha itoyi. Akubikazya poka na bamwene, nukubapa ichitengo icha muchizi. “Ulwalo ulwa chisu ichapasi lwa Mwene, sona akachikazya ichisu ichapasi palwalo lulalula.

1 Samuweli 9:16

“Indabi pakabalilo ngati kanaka nkwiza pakumutuma umuntu uwa muchisu icha Benjamini. Umupakazye amafuta ukuti abanje we mwene uwa bantu bane aba Izilayeli. Akwiza pakubapoka abantu bane munyobe izya ba Filisiti. Naghennya amayimba agha bantu bane, sona nivwa ukulila kwabo.”