2 Samuweli 7:27 - IBAYIBOLO 2024

²⁷ “Wee Mwene Uwamaka Ghosi, u Chala uwa ba Izilayeli, wanvumbulila zinizi ane ne mubombi wako. Ukanena ukati, ‘Nkwiza pakukuzengela inyumba.’ Po ane ne mubombi wako niputa bunubu nu bujivu.

2 Samuweli 7:27 Iomraidhean Croise

2 Samuweli 7:11

pakabalilo kako nkabimikila abalongi abantu bane aba Izilayeli. Nkwiza pakukuzighilila kubalwani bako bosi. U Mwene akukubuzya ukuti, akwiza pakukuzengela inyumba.

2 Samuweli 7:13

Umwana yunuyu akwiza pakunzengela inyumba, sona nkwiza pakubwikazya ubumwene bwache bwila na bwila.

1 Abamwene 11:38

Nanti ukuzikonka indaghilo na malamulo ghane, sona na nanti ukubomba ivintu ivigholosu pamaso papane ukuyana namumo umubombi wane u Devedi akabombelagha, nkwiza pakuba nawe. Nkwiza pakubwikazya ubumwene bwako ukuyana namumo nkabwikazizya ubumwene ubwa Devedi, sona ukwiza pakuba we mwene uwa Izilayeli.

Masalimo 10:17

Wee Mwene ukwivwa ukulaba ukwa bantu abakwiyisya, ughakazyanje amoyo ghabo nukwivwa inyiputo zyabo.

Masalimo 40:6

Utakuhoboka ni vyakwiyipa sona ni vyabupi, loli wanyighula amakutu ghane, sona ivyakwiyipa ivyakocha ni vyakwiyipa ivyakupepesezya imbibi utakuvilonda.

Ukufuma 1:21

Pachifukwa ichakuti abazamba bala bakaba bakumunyila u Chala, u Chala akabapa abana ababo na babo.

Luti 4:4

Bunubu ninong'onagha ukuti nkubuzye pamaso pa basongo bitu, babo bikaye pano ukuti ughule umughunda ghula. Nanti ukulonda pakughughula, ghulagho. Loli nanti utakulonda, umbuzye ukuti imanye. Pakuti atalipo nayumoyumo yuyo ali nu bulaghili ubwakughughula, loli wewe, sona ane nkwiza pisinda papako.” Po akati, “Nkwiza pakughughula.”

1 Samuweli 2:35

Po pisinda pache nkwiza pakwisalila nemwene umuputi umusubiliwa, yuyo akwiza pakubomba zizyo nkulonda. Nkwiza pakuyikazya nkani inyumba yache, sona akwiza pakumubombela umupakiwa wane akabalilo kosi.

1 Samuweli 9:15

Ulutazi bo u Sabuli atizite, u Mwene akamuvumbulila u Samuweli akati,