2 Samuweli 7:24 - IBAYIBOLO 2024

²⁴ Wabikazya abantu bako aba Izilayeli pakuba bako na bako bwila na bwila, po awe we Mwene waba we Chala wabo.

2 Samuweli 7:24 Iomraidhean Croise

Ubwandilo 17:7

Ulufingo lwane ulwa bwila na bwila lukwiza pakwikala pakasi papako nane, sona napa baluko lwako ni nkulilo zyosi izya muntazi. Nkwiza pakuba ne Chala wako, sona nu Chala uwa baluko lwako.

Ubwandilo 17:8

Nkwiza pakukupa awe poka na baluko lwako ichisu ichi awe we muyeni. Ichisu chosi icha Kenani chikwiza pakuba cha baluko lwako bwila na bwila, sona nkwiza pakuba ne Chala wabo.”

2 Samuweli 7:23

Nkimba bo bawenu babo bayanite na bantu bako aba Izilayeli, uluko loka muchisu ichapasi, lulo u Chala akabuka pakwitabulila mwene, nukuti itabwa lyache limanyikwanje pakubomba iviswigho ivikulu ni vyakoghofya. Ukazichimbizya inko izinji, poka na bachala babo pamaso pabantu bako, babo ukabatabula mu Ijiputi?

2 Samuweli 7:25

“Wee Mwene u Chala, losi ulu sunga ilayizyo lyako ilya bwila na bwila, lilyo ukandayizya ne mubombi wako na bamunyumba yane. Bomba vivyo ukalayizya,

1 Imbili 17:22

Wee Mwene, ukabapela aba Izilayeli pakuba bantu bako bwila na bwila, po waba we Chala wabo.

Masalimo 48:14

Pakuti u Chala yunuyu we Chala witu bwila na bwila, sona akwiza pakutulongozya mupaka tufwe.

Ukufuma 15:2

U Mwene we maka ghane, nu lwimbo lwane, sona aba bupoki bwane. We Chala wane, po nkwiza pakumupala, u Chala uwa tata wane, sona nkwiza pakumukwezya.

Ukufuma 6:7

Amwe mukwiza pakuba mwe bantu bane, nane nkwiza pakuba ne Chala winyu. Po mukwiza pakumanya ukuti ane ne Mwene, u Chala winyu, ne nkababula kumbombo inkafu zizyo aba Ijiputi bakabafyenga pakubomba.

Yesaya 12:2

U Chala we mupoki wane, nkwiza pakumusubila sona ntakwiza pakunyila. U Mwene, u Mwene we maka ghane, we bupoki bwane.”

Yelemiya 31:1

U Mwene akuti, “Amasiku ghakwiza ghagho nkwiza pakuba ne Chala uwa luko losi ulwa Izilayeli, sona bakwiza pakuba bantu bane.”

Yelemiya 31:33

U Mwene akati, “Ulu lo lufingo lulo nkwiza pakufingana naba Izilayeli mumasiku ghalaghala. Nkwiza pakubika ululaghilo lwane mukasi mumwabo nukulusimba mumoyo ghabo. Nkwiza pakuba ne Chala wabo, sona abene bakwiza pakuba bantu bane.

Yelemiya 32:38

Bakwiza pakuba bantu bane, sona Nkwiza pakuba ne Chala wabo.

Hoseya 1:10

“Loli ubwinji ubwa ba Izilayeli bukwiza pakuba ngati musesenga uwa mulubazu ulwa nyanja, ghugho ghutangapimiwa pamo ukubelengiwa. Pabuzilo bubo bakaneniwa ukuti, ‘Amwe te mwe bantu bane,’ bakwiza pakwitiziwa ukuti ‘Bana aba Chala umumi.’

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Yohani 1:12

Loli abantu bosi babo bakamupokela nukumusubila, akabapa ubulaghili pakuba bana aba Chala.

Ukukumbusya Amalamulo 26:18

Ilelo u Mwene itika ukuti amwe mwe bantu abache na bache, ukuyana namumo akabalayizizya, nanti mukughakonka amalamulo ghache.

Ukukumbusya Amalamulo 27:9

Po u Mozesi poka na baputi, babo ba Levi bababuzye aba Izilayeli ukuti, “Mwee ba Izilayeli, banga myee, sona ivwa kuno! Ilelo mwaba mwe bantu aba Mwene u Chala winyu.

Ukukumbusya Amalamulo 32:6

Nkimba momumo mukubombela nu Mwene, mwe bapunganu na basita mahala mwee? Nkimba u Mwene ate we ghuso, yuyo akabapela? Nkimba ate weyuyo akabamata nukubapela pakuba mwe luko?

1 Pitala 2:10

Kale amwe mutakaba bantu aba Chala, loli ilelo mwe bantu bache. Pakabalilo kamo amwe mutakachimanya ichisa icha Chala, loli ilelo mwachipokela ichisa chache.