2 Samuweli 7:23 - IBAYIBOLO 2024

²³ Nkimba bo bawenu babo bayanite na bantu bako aba Izilayeli, uluko loka muchisu ichapasi, lulo u Chala akabuka pakwitabulila mwene, nukuti itabwa lyache limanyikwanje pakubomba iviswigho ivikulu ni vyakoghofya. Ukazichimbizya inko izinji, poka na bachala babo pamaso pabantu bako, babo ukabatabula mu Ijiputi?

2 Samuweli 7:23 Iomraidhean Croise

2 Samuweli 7:24

Wabikazya abantu bako aba Izilayeli pakuba bako na bako bwila na bwila, po awe we Mwene waba we Chala wabo.

1 Imbili 17:21

Nkimba bawenu babo bayanite na bantu bako aba Izilayeli, uluko loka muchisu ichapasi, lulo u Chala akabuka pakwitabulila mwene, nukuti itabwa lyache limanyikwanje pachifukwa icha mwemwe pakubomba iviswigho ivikulu ni vyakoghofya. Ukazichimbizya inko izinji, poka na bachala babo pamaso pabantu bako, babo ukabatabula mu Ijiputi?

Nehemiya 1:10

“Banaba bo babombi bako sona bantu bako, babo ukabatabula na maka ghako amakulu nkani.

Masalimo 106:22

ivyika vivyo akavibomba mu Hamu, sona ni mbombo izyakuswighisya pa Nyanja Inchesamu.

Masalimo 111:9

Akabatabula abantu bache, sona akafingana nabo ulufingo Ulwa bwila na bwila, Itabwa lyache lizelu sona lyakoghofya.

Masalimo 145:6

Bakwiza pakulingannya nizyamaka ghako aghakuswighisya, po nkwiza pakufumusya nizya mbombo zyako izyamaka.

Masalimo 147:20

Atababombeyepo zinizi abantu aba uluko ulunji, sona batazimenye indaghilo zyache. U Mwene apaliwanje.

Masalimo 40:5

Wee Mwene Chala wane, watubombela ivintu ivyinji nkani, Atalipo nayumoyumo umuntu uwakuyana nawe! Watubatikila ivintu ivyinji nkani ivyakuswighisya. Nanti nkavinenagha nukuvivumbula, ngali vyaba vyinji nkani pakuvitambula.

Masalimo 44:3

Batakachifyula ichisu pakubombezya abapanga babo, pamo ukupota ubwite na maka ghabo. Loli bakapota na maka ghako amakulu nkani agha nyobe yako indilo, sona nukulama ukwa cheni chako pakuti ukabaghana nkani.

Masalimo 65:5

Wee Chala Umupoki witu, ukutwamula pakutupoka ni mbombo zyako izyakuswighisya ingolosu. Abantu bosi aba pachisu ichapasi aba pisila ilya nyanja izya kubutali bakukusubila.

Masalimo 66:3

Mumubuzye u Chala mutinji, “Imbombo zyako zyakuswighisya nkani! Amaka ghako makulu nkani umwakuti abalwani bako bakukufughamilila.

Ukufuma 12:12

“Ubusiku bunubu nkwiza pakudumusannya muchisu chosi icha Ijiputi, po nkwiza pakumughogha ukatote wesi umulumendo nu mwana wesi uwakwanda pakupapiwa uwa chinyamana. Nkwiza pakubafunda abachala abanji bosi aba muchisu icha Ijiputi. Ane ne Mwene.

Ukufuma 33:16

Nkimba abantu bangamanya bulibuli ukuti uhobokite na bantu bako, poka nane nanti utakubuka poka naswe? Ububapo bwako bukwiza pakulesannya pakasi pabantu bako na bantu abanji bosi aba muchisu ichapasi.”

Ukufuma 6:7

Amwe mukwiza pakuba mwe bantu bane, nane nkwiza pakuba ne Chala winyu. Po mukwiza pakumanya ukuti ane ne Mwene, u Chala winyu, ne nkababula kumbombo inkafu zizyo aba Ijiputi bakabafyenga pakubomba.

Ukufuma 9:15

Pakuti ukufika pakabalilo aka ngali nakufunda kale na maka ghane amakulu, awe na bantu bako pakubombezya ichiwaya, sona ngali mwebosi mwamala.

Ukufuma 9:16

Loli imbalekite bumi ukuti indanjizye amaka ghane amakulu, umwakuti itabwa lyane limanyikwe pachisu chosi ichapasi.

Yelemiya 32:20

Ukabomba ivyika ni viswigho mu Ijiputi sona uchili ukuvilanjizya nukuvibomba mupaka nilelo, kuba Izilayeli na pakasi pa inko izinji umwakuti ilelo bakumenye kosi na kosi.

Yelemiya 32:21

Ukabefyamo aba Izilayeli mu Ijiputi bo ukulanjizya ivyika ni viswigho namaka amakulu nkani sona nivintu ivyakuboghofya abantu.

Ezekiyeli 20:9

Nkabomba bunubu pachifukwa ichakulivighilila itabwa lyane ukuti litakanyaziwanje pamaso pa inko zizyo aba Izilayeli bakikalagha pakasi papabo, zizyo zikanyennya bo nkubefya aba Izilayeli muchisu icha Ijiputi.

Ukubelengiwa 6:27

Po u Mwene akati, “Nanti u Aloni na bana bache bakulitambula itabwa lyane pakubasaya aba Izilayeli, po ane nkwiza pakubasaya.”

Aba Efeso 1:6

Zagha tumupale u Chala pachifukwa icha chisa chache icha buchindamu pakutupa umwana wache umughaniwa ukuti abanje chabupi bulo.

Ukukumbusya Amalamulo 10:21

Mumupalaye pakuti we Chala winyu, yuyo akababombela ivintu ivikulu ni viswigho ivyakoghofya vivyo mukavyennya na maso ghinyu.

Ukukumbusya Amalamulo 15:15

Mukumbukaye ukuti namwe bulo mukaba mwe bazya mu Ijiputi, sona u Mwene u Chala winyu akabapoka. Ichi cho chifukwa ilelo nkubapa ilamulo linili.

Ukukumbusya Amalamulo 33:29

Mwee ba Izilayeli, mwe basayiwa nkani! Nkimba wewenu yuyo ayanite namwe, mwe bantu babo bapokiwe nu Mwene? U Mwene umwenecho we ngulu yinyu, sona wepanga winyu uwakupotela. Abalwani binyu bakwiza pakukupama, po amwe mukwiza pakubakanyankila pasi.”

Ukukumbusya Amalamulo 9:26

Po nkiputa nkati, “Wee Mwene Uwamaka Ghosi, utakabanangannye abantu bako, babo yo mpyana iyako ni yako, abantu babo ukabapoka mu Ijiputi na maka ghako amakulu.

Titi 2:14

Akiyipa mwene pachifukwa icha sweswe ukuti atusatule ku bubibi bwitu bosi nukuti tubanje bantu bache abazelu, babo balweke pakubomba imbombo inyiza.

Yoshwa 7:9

Pakuti aba Kenani, na bantu bosi aba muchisu chinichi bakwiza pakwivwa zinizi, po bakwiza pakutuzyungulila nukughazimya amatabwa ghitu muchisu ichapasi. Nkimba panapa ukwiza pakubombapo choni ukuti itabwa lyako lyendelele pakuchindikiwa?”

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.