2 Samuweli 7:21 - IBAYIBOLO 2024

²¹ Awe ukazibomba zinizi pachifukwa icha mazyu ghako nu bwighane bwako, sona wabomba ivintu ivikulu vyosi vinivi ukuti umanyisye ane ne mubombi wako.

2 Samuweli 7:21 Iomraidhean Croise

1 Imbili 17:19

Pachifukwa icha ane ne mubombi wako, sona nukuyana nu bwighane bwako, awe wabomba ivintu ivikulu nkani umwakuti wamanyisya ilayizyo lyako ikulu.

Masalimo 115:1

Wee Mwene, te sweswe awe, loli itabwa lyako lichindikiwanje, pachifukwa ichakuti ulughano nu busubiliwa vyako.

Masalimo 138:2

Nkwiza pakufughamila kunyumba yako izelu, sona nkwiza pakulipala itabwa lyako pachifukwa icha lughano nu busubiliwa bwako, pakuti walanjizya ukuti itabwa lyako na mazyu ghako, vili pamwanya ukuchila ivintu vyosi.

Ukubelengiwa 23:19

U Chala te muntu uwakuti angatamanta, pamo te mwana uwa muntu uwakuti angandula inyinong'ono zyache. Nkimba anenitepo chimo ukusita pakuchibomba? Nkimba alayizizyepo chimo ukusita pakuchikwanilisya?

Matayi 11:26

Eee, Tata, umu momumo ukalondela ukuti chibombiwanje.

Matayi 24:35

Kumwanya ni chisu ichapasi vikwiza pakumala, loli amazyu ghane ghakwiza pakuba na maka bwila na bwila.

Luka 1:72

Akanena ukuti akwiza pakubapelela ichisa abanyenya bitu nukukumbuka ulufingo lwache uluzelu.

Luka 10:21

Pakabalilo kalakala u Yesu akizula nu buhobosu nu Muzimu Umuzelu nukuti, “Wee Tata, Mwene uwakumwanya na pachisu ichapasi! Nkukupalizya pachifukwa ichakuti wabavumbulila abantu babo batamanyiye ivintu vivyo ukabafisa abantu abamahala na bamanyi. Eee, Tata, umu momumo ukalondela ukuti chibombiwanje.

Luka 12:32

“Amwe mwe kamudimo akanandi aka ng'ozi, mutakanyilaye pakuti chikamuhobosya Ughuso pakubapa Ubumwene bwache.

1 Aba Kolinti 1:1

Ane ne Pabuli, nene nkitiziwa pakuba mutumiwa uwa Kilisitu Yesu, ukuyana nu bwighane ubwa Chala, sona na ku mukamu witu u Sositeni.

Aba Efeso 1:9

Na mahala ghache ghosi, sona na kivwisizye kache atuvumbuliye izya kubusyefu izya bwighane bwache ukuyana ni chisa chache, chicho akayanizya zila mwa Kilisitu.

Aba Efeso 3:11

U Chala akabomba zinizi ukuti imbatiko zyache izya bwila na bwila zibombiwanje, zizyo akayanizya zila mwa Kilisitu u Yesu u Mwene witu.

Aba Efeso 4:32

Loli mubanje mwe bachisa, sona na bololo na bantu abanji. Muhobokelanaye ukuyana namumo u Chala akabahobokela ukwendela mwa Kilisitu.

Ukukumbusya Amalamulo 9:5

U Mwene u Chala winyu abitikizya pakubachimbizyamo nukwikalamo muchisu chabo, te pachifukwa ichakuti mwe bagholosu, pamo mwe biza awe, loli pachifukwa ichakuti abantu balabala babibi nkani, sona pachifukwa ichakuti akulonda pakukwanilisya ilayizyo lilyo akamulayizya umunyenya winyu u Abulahamu nu Yisaki, sona nu Yakobo.