2 Samuweli 7:16 - IBAYIBOLO 2024

¹⁶ Inyumba yako nu bumwene bwako vikwiza pakubangako bwila na bwila pamaso papane. Ubumwene bwako bukwiza pakwikalana bwila na bwila.’ ”

2 Samuweli 7:16 Iomraidhean Croise

Ubwandilo 49:10

Impalala iya bumwene yitakwiza pakwepamo nalumo munyumba iya Yuda. Akwiza pakubukakatila ubumwene ubu, akwiza pakughasunga amaka ghache mupaka u mwenemaka ghache ize, inko zyosi zikwiza pakumwivwila.

2 Samuweli 22:51

Akumwavwanga u mwene wache ukuti apotaye, akumupelelagha ichisa umupakiwa wache, u Devedi poka na baluko lwache bwila na bwila.”

2 Samuweli 7:13

Umwana yunuyu akwiza pakunzengela inyumba, sona nkwiza pakubwikazya ubumwene bwache bwila na bwila.

2 Samuweli 7:17

U Natani akamubuzya u Devedi amazyu ghosi ghagho u Chala akamuvumbulila.

1 Abamwene 2:4

Bombagha bunubu ukuti u Mwene abombaye zizyo akandayizya ukuti, ‘Nanti abaluko lwako baba ni nkalo inyiza, sona nanti baba basubiliwa pamaso papane nu moyo wabo ghosi nu muzimu wabo ghosi, utakwiza pakusobelwapo nalumolumo umuntu uwakuti alaghilaye ichisu icha Izilayeli.’

1 Abamwene 9:5

nkwiza pakubwikazya ubumwene bwako mu Izilayeli bwila na bwila ukuyana namumo nkamulayizizya ughuso u Devedi, bo namubuzya ukuti, Utakwiza pakusobelwapo umuntu nayumoyumo uwakwikala pachitengo icha bumwene mu Izilayeli.”

2 Abamwene 19:34

Nkwiza pakukazighilila akaya akakulu nkani aka nukukapoka, pachifukwa chanene, sona na pachifukwa icha mubombi wane u Devedi.’ ”

2 Abamwene 8:19

Pope bulo u Mwene atakalondagha pakuchinangannya ichisu icha Yuda, pachifukwa icha mubombi wache u Devedi. Pakuti u Mwene akamulayizya ukuti abaluko lwache bakwiza pakulaghila bwila na bwila.

2 Imbili 6:16

“Wee Mwene, u Chala uwa Izilayeli, ilelo kwanilisya zizyo ukamulayizya umubombi wako utata wane u Devedi, bo ukumubuzya ukuti, ‘Utakwiza pakusobelwapo nalumolumo umuntu uwakwikala pamaso papane pachitengo icha bumwene mu Izilayeli, nanti abana bako bakubomba akiza pakuzikonka indaghilo zyane ngati mumo wabombelagha.’

Yobu 36:7

Abagholosu akubenelezya akabalilo kosi. Akubikazya pavitengo ivya bumwene, nukubakwezya bwila na bwila.

Masalimo 45:6

Wee Chala ichitengo chako icha bumwene chibanjeko bwila na bwila, sona ukulaghila mubwanaloli mubumwene bwako.

Masalimo 72:5

Akwiza pakuba nubumi bo izuba nu mwezi vichili vikulama kumwanya, mupaka inkulilo zyosi izya muntazi.

Masalimo 89:4

‘Nkwiza pakulwikazya uluko lwako pakuba lwa bwila na bwila, sona nkwiza pakuchipela ichitengo chako cha bumwene, pakuba icha maka mupaka kunkulilo zyosi.’ ”

Yesaya 9:6

Pakuti u mwana atupapiliwa aswe, u mwana umwanavuli apeghiwa kukwitu, weyuyo akwiza pakulaghila. Akwiza pakwitiziwa ukuti mumanyisya amahala uwakuswighisya, u Chala Uwamaka Ghosi, U tata uwa bwila na bwila, u Mwene uwa mutende.

Yesaya 9:7

Ukonjeleziwa ukwa bulaghili bwache nu mutende butakwiza pakumala. Akwiza pakulaghila pachitengo icha Devedi napabumwene bwache, pakubwikazya nukubukuzya mubwanaloli nu bugholosu ukwanda pakabalilo kalakala sona bwila na bwila. Ulweke ulwa Mwene Uwamaka Ghosi lukwiza pakuzimalizya zinizi.

Yelemiya 17:25

po abamwene abakwikala pachitengo icha Devedi bakwiza pakwinjila pamulyango uwa kaya akakulu nkani kanaka poka na makambala ghabo. Abene poka na makambala ghabo bakwiza pakukwela mungolo na pafalasi bo bakulongozannya na bantu aba muchisu icha Yuda na babo bakwikala mu Yelusalemu, po abantu banaba bakwiza pakwikalaghamo bwila na bwila.

Yelemiya 33:17

“Umu momumo u Mwene akunenela: U Devedi atakwiza pakupotwapo pakuba nu wakumupyana uwakwikala pachitengo icha bumwene ubwa Izilayeli,

Ezekiyeli 37:25

Bakwiza pakwikala muchisu chicho nkamupa umubombi wane u Yakobo, ichisu chicho abanyenya binyu bakikalaghamo. Babo na bana babo na bizikulu babo bakwiza pakwikala bwila na bwila, sona umubombi wane u Devedi akwiza pakuba we mwene wabo bwila na bwila.

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Daniyeli 7:14

Akapeghiwa ubulaghili nu buchindamu, sona na maka amakulu nkani, ni inko zyosi, nuluko losi sona na baneno zyosi bakamwiputagha. Ubulaghili bwache bwa bwila na bwila, sona ubumwene bwache butakwiza pakunanganika nalumo.

Matayi 16:18

Pitala nkukubuzya ukuti awe we lyalabwe, pilyalabwe ili nkwiza pakuzengapo ichipanga chane nu bufwe bope bute bukachipote.

Yohani 12:34

Ichilundilo icha bantu chikamwamula chikati, “Indaghilo zyitu zikutubuzya ukuti u Kilisitu akwiza pakubangako bwila na bwila. Po, nkimba ukunena bulibuli ukuti u Mwana uwa Muntu abaghiye pakupayikiwa? U Mwana uwa Muntu yunuyu wewenu?”

Aba Hebeli 1:8

Loli bo u Chala anena nizya Mwana wache, akati, “Wee Chala, ichitengo chako icha bumwene chikwiza pakubangako bwila na bwila. Ubugholosu yo ndisa iya bumwene bwako.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

1 Samuweli 25:28

Nalamba unhobokele ne wambombo wako. U Mwene akwiza pakubukazya nkani ubumwene bwako bwila na bwila, pachifukwa ichakuti ukumulwila ubwite u Mwene. Po utakwiza pakubombapo nachimochimo ichintu ichibibi mubumi bwako bosi.