2 Samuweli 6:5 - IBAYIBOLO 2024

⁵ U Devedi poka naba Izilayeli bosi bakasekelagha na maka ghabo ghosi pamaso pa Mwene, bo bakwimba inyimbo nukulizya ivinanda ni vivisekeseke na malongi ni ngwaya sona na mapango.

2 Samuweli 6:5 Iomraidhean Croise

2 Abamwene 3:15

Loli munyitizizye umuntu yuyo amenye nkani pakulizya ipango.” Bo umuntu yula ali pakulizya ipango, amaka agha Mwene ghakinjila mwa Elisha,

1 Imbili 13:8

U Devedi poka naba Izilayeli bosi bakasekelagha na maka ghabo ghosi pamaso pa Chala bo bakwimba inyimbo nukulizya ivinanda na mapango ni vivisekeseke nu malimba sona na mapati.

1 Imbili 15:28

Po aba Izilayeli bosi bakiza ni Bokosi ilya Lufingo ilya Mwene bo bakukolomoka nkani nukulizya impembe izya badubi na mapati na malimba na mapango sona ni vinanda.

2 Imbili 20:28

Bakafika mu Yelusalemu nukubuka ku Nyumba iya Mwene, bo bakulizya amapango ni vinanda na mapati.

Masalimo 47:5

U Chala akakwela bo abantu bakukolomoka pachifukwa icha buhobosu, sona u Mwene akwela kumwanya, bo abantu bakulizya amapati.

Daniyeli 3:10

Wee mwene, wabika ululaghilo ulwakuti nanti umuntu wesi ivwa bulo ukulila ukwa lipati na malongi na mapango ni vinanda ni ng'oma ni visekeseke sona ni vyakwimbila vyosi ivyakulekanalekana afughamaye pasi pakuchiputa ichifwani icha golide

Daniyeli 3:15

Losi ulu nanti mwivwa bulo ukulila ukwa lipati na malongi na mapango ni vinanda ni ng'oma ni visekeseke sona ni vyakwimbila vyosi ivyakulekanalekana, chingaba chiza nkani ukuti mufughamaye pasi pakuchiputa ichifwani chicho nkapanga. Loli nanti mutakuchiputa, mukwiza pakusumbiwa lubilolubilo mumoto uwa muvuno. Po nkimba chala wenu yuyo akwiza pakubapoka munyobe zyane?”

Daniyeli 3:5

Nanti mwivwa bulo ukulila ukwa lipati na malongi na mapango ni vinanda ni ng'oma ni visekeseke sona ni vyakwimbila vyosi ivyakulekanalekana, mufughamaye pasi pakuchiputa ichifwani icha golide, chicho u mwene u Nebukadineza akachisimika.

Daniyeli 3:7

Po bo bivwa bulo ukulila ukwa lipati na malongi na mapango ni vinanda ni ng'oma ni visekeseke sona ni vyakwimbila vyosi ivyakulekanalekana abantu bosi naba inko zyosi nuluko losi sona na baneno izyakulekanalekana, bakafughama pasi nukuchiputa ichifwani icha golide chila, chicho u mwene u Nebukadineza akachisimika.

Amosi 5:23

Mutakanzumaye ni nyimbo zyinyu, ntangateghelezya inyimbo zyinyu izya ipango, awe.

Amosi 6:5

Mwighanite nkani pakwata inyimbo ngati we Devedi nukwimba ni vyakwimbila.

1 Samuweli 10:5

Pisinda pache ukwiza pakubuka kwighamba ilya Chala ku Gibeya, kuko kuli akabukatila aka basilikali aba ba Filisiti. Bo ukupalamila ku kaya akakulu, ukwiza pakukomana na kabukatila aka balaghuzi, kako kakufuma kubuzilo ubwakwiputilako, bo bakulizya ivinanda ni visekeseke na malongi sona na mapango, bo bakulaghula.

1 Samuweli 16:16

Wee Songo, utwitikizye aswe twe bambombo bako ukuti tukulondele umuntu yuyo amenye pakulizya ipango. Umuntu yunuyu akwiza pakulizya ipango nanti umuzimu uwakufuma kwa Chala winjila mumwako, po ukwiza pakuba akiza sona.”