2 Samuweli 6:21 - IBAYIBOLO 2024

²¹ U Devedi akamubuzya u Mikali akati, “Nkamuchindika u Mwene yuyo akansala ukumuchila ughuso, pamo umuntu yumo uwa munyumba yache, bo akunsala ukuti imbanje ne mulaghili uwa bantu bache. Nkwiza pakusekela pamaso pa Mwene.

2 Samuweli 6:21 Iomraidhean Croise

2 Samuweli 5:2

Kale bo u Sabuli we mwene witu, awe ukabalongolela aba Izilayeli kubwite, sona u Mwene akakubuzya akati, ‘Ukwiza pakuba we mulaghili uwa bantu bane aba Izilayeli, sona ukwiza pakuba we mwene wabo.’ ”

2 Samuweli 6:14

U Devedi akimbagha pamaso pa Mwene na maka ghache ghosi, bo avwalite u efodi umutonte.

2 Samuweli 6:16

Bo Ibokosi ilya Lufingo ilya Mwene likwinjila mukaya akakulu aka Devedi, u Mikali umwana umulindu uwa Sabuli akananamizya pibwindo. Bo amwennya u mwene u Devedi akunyelanyela nukwimba pamaso pa Mwene, akanda pakumusamula mumoyo wache.

2 Samuweli 6:22

Nkwiza pakwisamula nkani nemwene, sona nukwikozya isoni ukuchila panapa. Loli abazya abalindu aba bakwiza pakunchindika nkani.”

2 Samuweli 6:5

U Devedi poka naba Izilayeli bosi bakasekelagha na maka ghabo ghosi pamaso pa Mwene, bo bakwimba inyimbo nukulizya ivinanda ni vivisekeseke na malongi ni ngwaya sona na mapango.

2 Samuweli 7:8

“Losi ulu umubuzye umubombi wane u Devedi uti, ‘U Mwene Uwamaka Ghosi akuti: Nkakwefyako kuludimo kuko ukadimagha ing'ozi ukuti ubanje we mulaghili uwa bantu bane aba Izilayeli.

1 Imbili 15:29

Bo Ibokosi ilya Lufingo ilya Mwene likwinjila mukaya akakulu aka Devedi, u Mikali umwana umulindu uwa Sabuli akananamizya pibwindo, Bo amwennya u mwene u Devedi akunyelanyela nukwimba pamaso pa Mwene, akanda pakumusamula mumoyo wache.

Imbombo 13:22

Bo u Chala amwefyapo, akabasalila u Devedi ukuti abanje we mwene wabo. U Chala akanena nizya Devedi akati, ‘Namwagha u Devedi umwana uwa Yese, umuntu uwa pamoyo wane, yuyo akwiza pakubomba chosi chicho ane nalonda ukuti abombe.’

1 Aba Kolinti 10:31

Po manyi mukulya, pamo mukung'wela, manyi mukubomba akantu kosi, mubombaye vyosi bulo ukuti mumuchindike u Chala.

1 Samuweli 13:14

Loli ilelo ubumwene bwako butakwiza pakwikalana. U Mwene ilondela mwene umuntu uwa pamoyo wache, nukumusala ukuti abanje mulaghili uwa bantu bache, pachifukwa ichakuti utaghakonkite amalamulo agha Mwene.”

1 Samuweli 15:28

U Samuweli akamubuzya akati, “U Mwene abuzepula ubumwene ubwa Izilayeli ukubwefyako kukwako ukwanda ilelo, po amupa umuntu yumo umwizapo ukukuchila awe.

1 Samuweli 16:1

U Mwene akamubuzya u Samuweli akati, “Nkimba ukwiza pakuba ni chitima nu Sabuli mupaka liyi, pakuti ane namukana ukuti atakabanje sona we mwene uwa ba Izilayeli? Losi ulu senda amafuta ubuke kunyumba iya Yese mu Betelehemu. Ane namusala yumo umwana wache umulumendo ukuti abanje we mwene.”

1 Samuweli 16:12

U Yese akamutuma umuntu pakumusenda, po akiza nawe. U Devedi akaba muchesamile, sona uwakaboneka akiza nkani. Po u Mwene akamubuzya u Samuweli akati, “Uyu weyuyo, umupakazye amafuta!”