2 Samuweli 6:19 - IBAYIBOLO 2024

¹⁹ Po u Devedi akabagabila aba Izilayeli bosi abanavuli na bakolo ichibama, ni chipuza icha nyama inyoche, sona ni chitumbuwa ichipapate. Pabumalilo abantu bosi bakabwela.

2 Samuweli 6:19 Iomraidhean Croise

2 Samuweli 6:18

Bo amala pakubika ivyakwiyipa ivyakocha ni vyakwiyipa ivyabupoka vila akabasaya abantu mwitabwa ilya Mwene Uwamaka Ghosi.

2 Samuweli 6:20

Bo u Devedi abwela kunyumba pakubasaya abamunyumba yache, u Mikali umwana uwa Sabuli, akafuma kuzi pakukomana nawe, po akati, “Ilelo u mwene uwa Izilayeli isamula mwene pakwivula pamaso pa bazya bache abalindu, umwakusita isoni nazimozimo ngati we chipena.”

1 Abamwene 8:66

Pisiku ilya 15 u Solomoni akababwezya abantu bala. Bope abantu bala bakamulagha u Solomoni nu lusayo, po bakabwela bo bahobokite nkani nukusekela pachifukwa icha vintu ivyiza vyosi vivyo u Mwene akamubombela umubombi wache u Devedi, poka na bantu bache aba Izilayeli.

1 Imbili 16:3

Po u Devedi akabagabila aba Izilayeli bosi abanavuli na bakolo ichibama ni chipuza icha nyama inyoche sona ni chitumbuwa ichipapate.

1 Imbili 16:43

Po abantu bosi bakabwela, u Devedi wepe akabwela pakubasaya abamunyumba yache.

2 Imbili 30:24

U mwene u Hezekiya uwamu Yuda akabapa abantu bala inkambaku 1,000 ni ng'ozi 7,000 sona ni mbuzi sona amakambala ghakabika inkambaku 1,000 ni ng'ozi 10,000 sona ni mbuzi. Pakabalilo kala abaputi abinji nkani bakipaghula bene.

2 Imbili 7:10

Pisiku ilya 23 ilya mwezi waseveni akababwezya abantu, bo bahoboka nukusekela ukukulu nkani pachifukwa icha vyiza vivyo u Mwene akamubombela u Devedi nu Solomoni sona na bantu bache aba Izilayeli.

Nehemiya 8:10

U Nehemiya akati, “Bukagha pakusekela kunyumba zyinyu. Mugabanaye na bantu babo bate ni chakulya pamo uvinyo uwakukwana. Isiku ili lipaghuliwa kwa Mwene. Po mutakabanje ni chitima, pakuti Mwene weyuyo akubapa amaka aghakuti muhobokaye.”

Inyimbo izya Solomoni 2:5

Undyesyanje amampesya amumizu, sona unsangalusyanje na manyele, pakuti indi nizala iya lughano.

Ezekiyeli 45:17

Yikwiza pakuba mbombo iya bamwene pakubika ivyakwiyipa ivyakocha, ni vyakwiyipa ivya busu ni vyakwiyipa ivya vinyo ivyapa lusekelo nu Kupanta ukwa Mwezi sona na Masiku Aghakutuzya palusekelo ulwa nyumba iya ba Izilayeli. Akwiza pakubika ivyakwiyipa ivyakupepesezya mbibi, ni vyakwiyipa ivya busu, ni vyakwiyipa ivya kocha sona ni vyakwiyipa ivyabupoka, pakuba vyakwiyipa ivyakupepesezya imbibi izya ba Izilayeli.

Hoseya 3:1

U Mwene akambuzya akati, “Bukagha ughanane sona nu mukolo yula napapo ali nu mwanavuli uyunji, sona nukuti umukolo yunuyu we malaya. Umughanaye ngati mumo u Mwene abaghaniye aba Izilayeli, napapo abantu banaba bakubiputa abachala abanji, sona nukuti abaghanite nkani pakubika ichakwiyipa icha ivitumbuwa ivipapate ivya mampesya.”

Imbombo 20:35

Muvintu vyosi nabalanjizya ukuti pakubomba nkani imbombo bunubu, tubaghiye pakubavwa abadedebazu. Mukumbukaye amazyu ghagho u Mwene u Yesu akanena ukuti, ‘Ukupa kukumusaya umuntu nukuchila ukupokela bulo.’ ”

Aba Efeso 4:8

Amasimbo ghakuti, “Bo akukwela kumwanya, akasenda akabukatila aka bakayidi abinji nukukwela nabo, sona akabapa abantu ivyabupi.”

Yoshwa 22:6

Po u Yoshwa akabasaya nukubabwezya, sona bosi bakabwela.