2 Samuweli 6:18 - IBAYIBOLO 2024

¹⁸ Bo amala pakubika ivyakwiyipa ivyakocha ni vyakwiyipa ivyabupoka vila akabasaya abantu mwitabwa ilya Mwene Uwamaka Ghosi.

2 Samuweli 6:18 Iomraidhean Croise

Ubwandilo 14:19

Akamusaya u Abulamu akati, “U Chala Uwakumwanya Nkani, yuyo akapela kumwanya ni chisu ichapasi, amusaye u Abulamu.

2 Samuweli 6:19

Po u Devedi akabagabila aba Izilayeli bosi abanavuli na bakolo ichibama, ni chipuza icha nyama inyoche, sona ni chitumbuwa ichipapate. Pabumalilo abantu bosi bakabwela.

1 Abamwene 8:14

Bo ichilundilo chosi icha ba Izilayeli chimiliye palapala, u Solomoni akaghalabukila ku bantu bala nukubasaya.

1 Abamwene 8:15

Po akati, “U Mwene, u Chala uwa Izilayeli apaliwanje, yuyo akwanilisya zizyo akamulayizya nu mulomo wache utata wane u Devedi. Pakuti akati,”

1 Abamwene 8:55

Akimilila nukuchisaya ichilundilo chosi icha ba Izilayeli na mazyu aghapamwanya aghakuti,

1 Imbili 16:2

Bo u Devedi amala pakubika ivyakwiyipa ivyakocha ni vyakwiyipa ivyabupoka vila akabasaya abantu bala mwitabwa ilya Mwene.

2 Imbili 30:27

Abaputi naba Levi bakimilila nukubasaya abantu, po u Chala akabivwa, pakuti ulwiputo lwabo lukafika kumwanya kukaya kache akazelu.

2 Imbili 31:8

Bo u Hezekiya na makambala ghache biza nukwennya ivibunga vila, bakamupala u Mwene, po akabasaya abantu bache aba Izilayeli.

2 Imbili 6:3

Bo ichilundilo chosi icha ba Izilayeli chimiliye palapala, u Solomoni akaghalabukila ku bantu bala nukubasaya.

Masalimo 129:8

Babo bakudumusannyapo batakatinji, “U Mwene akusaye! Tukukusaya mwitabwa ilya Mwene.”

Ukufuma 39:43

U Mozesi akendela imbombo yosi yiyo bakabomba nukwagha ukuti bakabomba vyosi ukuyana namumo u Mwene akamulamulila, po u Mozesi akabasaya.

Imbombo 3:26

Po u Chala akasala umubombi wache nukumutuma tasi kukwinyu, pakubasaya amwe ukuti umuntu wesi apinduke kuzila zyache izya bubibi.”

Yoshwa 22:6

Po u Yoshwa akabasaya nukubabwezya, sona bosi bakabwela.