2 Samuweli 6:17 - IBAYIBOLO 2024

¹⁷ Bakiza nalyo Ibokosi ilya Lufingo ilya Mwene lila nukulibika pabuzilo bwache muchisakasa chicho u Devedi akalizengela, po u Devedi akabika ivyakwiyipa ivyakocha ni vyakwiyipa ivyabupoka kwa Mwene.

2 Samuweli 6:17 Iomraidhean Croise

1 Abamwene 8:5

Po u mwene u Solomoni poka ni chilundilo chosi icha ba Izilayeli bakabungana pantazi pa Bokosi ilya Lufingo nukubika ing'ozi poka ni ng'ombe inyinji nkani insita kubelengiwa.

1 Imbili 15:1

Bo u Devedi izengela inyumba mukaya akakulu nkani aka Devedi, akaliyanizizya ubuzilo Ibokosi ilya Lufingo ilya Chala, nukulizengela ichisakasa.

1 Imbili 15:3

U Devedi akababungannya poka aba Izilayeli bosi mu Yelusalemu ukuti bize ni Bokosi ilya Lufingo ilya Mwene kubuzilo bwache bubo akaliyanizizya.

1 Imbili 16:1

Bakiza nalyo Ibokosi ilya Lufingo ilya Chala lila nukulibika muchisakasa chicho u Devedi akaliyanizizya. Po bakabika ivyakwiyipa ivyakocha ni vyakwiyipa ivyabupoka pamaso pa Chala.

1 Imbili 6:31

Aba bakaba bantu babo u Devedi akabasala ukuti balongozyanje pakwimba mu Nyumba iya Mwene, bo babikamo Ibokosi ilya Lufingo.

2 Imbili 1:4

Pakabalilo kalakala u Devedi akiza ni Bokosi ilya Lufingo ilya Chala ukufuma nalyo ku Kiliyati Yeyalimu nukubuka nalyo papo akaliyanizizya, pakuti akalizengela ichisakasa mu Yelusalemu.

2 Imbili 5:6

Po u mwene u Solomoni poka ni chilundilo chosi icha ba Izilayeli bakabungana pantazi pa Bokosi ilya Lufingo nukubika ing'ozi poka ni ng'ombe inyinji nkani insita kubelengiwa.

Masalimo 132:8

Wee Mwene, vundumuka, ubukaye papo ungatuzyapo, awe poka ni bokosi ilya maka ghako.

Aba Levi 3:9

Asende ichigaba chimo icha chakwiyipa ichabupoka nukwiza nacho kwa Mwene ukuti chibanje chakwiyipa ichakocha. Ivigaba vinivi vyo ivi: Amafuta na mafuta ghosi agha musinda agha papipi nu mongololo na mafuta ghosi ghagho ghamamatiye kumala