2 Samuweli 6:16 - IBAYIBOLO 2024

¹⁶ Bo Ibokosi ilya Lufingo ilya Mwene likwinjila mukaya akakulu aka Devedi, u Mikali umwana umulindu uwa Sabuli akananamizya pibwindo. Bo amwennya u mwene u Devedi akunyelanyela nukwimba pamaso pa Mwene, akanda pakumusamula mumoyo wache.

2 Samuweli 6:16 Iomraidhean Croise

2 Samuweli 3:14

Po u Devedi akamutumila u Ishibosheti umwana uwa Sabuli intumi ukuti, “Unyosezye umuchi wane u Mikali, yuyo nkamusenda bo nalipila utukwela 100 utwa nkule izya ba Filisiti.”

2 Samuweli 5:7

Loli u Devedi akalifyula ilinga ilya Ziyoni, akaya akakulu nkani aka Devedi.

2 Samuweli 6:15

U Devedi poka naba Izilayeli bosi bakiza ni Bokosi ilya Lufingo ilya Mwene lila, bo bakukolomoka nkani nukulizya amapati.

2 Samuweli 6:20

Bo u Devedi abwela kunyumba pakubasaya abamunyumba yache, u Mikali umwana uwa Sabuli, akafuma kuzi pakukomana nawe, po akati, “Ilelo u mwene uwa Izilayeli isamula mwene pakwivula pamaso pa bazya bache abalindu, umwakusita isoni nazimozimo ngati we chipena.”

1 Imbili 15:29

Bo Ibokosi ilya Lufingo ilya Mwene likwinjila mukaya akakulu aka Devedi, u Mikali umwana umulindu uwa Sabuli akananamizya pibwindo, Bo amwennya u mwene u Devedi akunyelanyela nukwimba pamaso pa Mwene, akanda pakumusamula mumoyo wache.

Masalimo 123:3

Wee Mwene, ubanje naswe ni chisa, sona utupelelaye ichisa, pakuti twasamuliwa nkani akabalilo akatali.

Masalimo 69:7

Pakuti natukiwa pachifukwa icha wewe, umwakuti indi ni soni nkani

Yesaya 53:3

Akasamuliwa nukukaniwa na bantu, umuntu uwa chitima, sona nu wakwizubizannya na mayimba. Akaba ngati yuyo muntu bamuvwinka kumaso, akasamuliwa sona tutakamuchindika.

Imbombo 2:13

Loli bamo bakabaseka abitiki nukuti, “Abantu banaba bakolizwe!”

1 Aba Kolinti 2:14

Umuntu yuyo ate nu Muzimu, atangavipokela ivyabupi vivyo u Muzimu uwa Chala akupa pakuti kukwache vya bupunganu sona atangavyaghannya, pachifukwa ichakuti mwene yuyo ali nu Muzimu, weyuyo angavyaghannya ivya buzimu.

1 Samuweli 18:17

Po u Sabuli akamubuzya u Devedi akati, “Nakupa u Melabu, umwana wane usongo uyu ukuti abanje muchi wako. Loli umbombelaye nu bujivu pakulwa ubwite ubwa Mwene.” Pakuti u Sabuli akinong'onagha akati, “Ntakwiza pakumughogha ni nyobe iyane ni yane, loli baleke aba Filisiti bamughoghe.”

1 Samuweli 18:20

Loli u Mikali umwana umulindu uwa Sabuli akamughana nkani u Devedi, sona bo u Sabuli ivwa zinizi akahoboka nkani.