2 Samuweli 6:14 - IBAYIBOLO 2024

¹⁴ U Devedi akimbagha pamaso pa Mwene na maka ghache ghosi, bo avwalite u efodi umutonte.

2 Samuweli 6:14 Iomraidhean Croise

2 Samuweli 6:15

U Devedi poka naba Izilayeli bosi bakiza ni Bokosi ilya Lufingo ilya Mwene lila, bo bakukolomoka nkani nukulizya amapati.

2 Samuweli 6:20

Bo u Devedi abwela kunyumba pakubasaya abamunyumba yache, u Mikali umwana uwa Sabuli, akafuma kuzi pakukomana nawe, po akati, “Ilelo u mwene uwa Izilayeli isamula mwene pakwivula pamaso pa bazya bache abalindu, umwakusita isoni nazimozimo ngati we chipena.”

1 Imbili 15:27

Pakabalilo kalakala u Devedi akavwala inkazo intonte poka naba Levi babo bakanyamula Ibokosi lila sona na bimbi nu Kenaniya umulongozi uwa bimbi. Loli u Devedi akavwala sona u efodi umutonte.

Masalimo 149:3

Balipalaye itabwa lyache bo bakujina, sona bimbaye inyimbo pakulilizizya ivisekeseke, ni vinanda.

Masalimo 150:4

Mumupalaye pakulizya ivisekeseke nukumujinila, mumupalaye pakulizya utubombelo utwa mpote na malongi.

Masalimo 30:11

Ukandula ichililo chane pakuba kujina. Ukanvula amenda agha pachitima, po ukanvwika amenda agha palusekelo.

Masalimo 87:7

Abimbi naba kwimba batinji, “Imbwibwi zyitu zyosi zili mumwako.”

Ukufuma 15:20

U Miliyamu umulaghuzi umukolo, umuyemba uwa Aloni akasenda ichisekeseke chache, po bope abakolo bosi bakamukonka nukulizya visekeseke vyabo nukwimba.

Ukufuma 15:21

Po u Miliyamu akabimbila ulwimbo ulwakuti, “Mwimbile u Mwene pakuti alanjizya ukupota ukukulu nkani. Ifalasi na bakukwelapo abasumbila munyanja.”

Ukufuma 19:6

Amwe mwe luko ulupaghuliwa, sona mukwiza pakuba mwe baputi. Ubabuzye amazyu ghanagha aba Izilayeli.”

Umulumbilili 9:10

Chosi chicho winong'ona pakuchibomba wiyulaye nkani pakuchibomba, pakuti nanti wasyiliwa mwipumpa kutaliko ukubomba imbombo pamo ukubatika, pamo ubumanyi pamo amahala.

Ezekiyeli 46:10

U mwene abanje pakasi papabo, nukwinjila poka nabo bo bakwinjila sona nukufuma poka nabo bo bakufuma.

Luka 15:25

“Pakabalilo kalakala umwana usongo akaba kumughunda. Bo apalamila bulo kunyumba, akivwa inyimbo nukujina ukwa bantu.

Ukukumbusya Amalamulo 6:5

Mumughanaye u Mwene u Chala winyu nu moyo winyu ghosi nu muzimu winyu ghosi, sona na maka ghinyu ghosi.

Aba Kolosi 3:23

Chosi chicho mukubomba, mubombaye nu moyo winyu ghosi, ngati po mukumubombela u Mwene, abantu awe,

Abalongi 11:34

Bo u Yefuta akubwela ku Mizipa, akamwennya umwana wache umulindu akwiza pakukomana nawe, bo ali pakulizya ichisekeseke nukwimba. Akaba mwana wache mwene na mwene.

Abalongi 21:21

Nanti abalindu aba mu Shilo bakwiza pakwimba, panapo muvundumuke mumaghunda agha mampesya ghala, sona umuntu wesi ilemele mwene umulindu pakuba muchi wache nukubuka nawe kuchisu icha Benjamini.

1 Samuweli 2:18

Loli u Samuweli akamubombelagha u Mwene, bo avwalite u efodi umutonte.

1 Samuweli 2:28

Nkamusala umunyenya wako pakasi pa inko zyosi izya ba Izilayeli pakuba muputi wane, ukuti bambombele pachighemo chane, pakufukizya utwakununkila, sona nukuti bavwalaye u efodi pamaso papane. Sona nkabapa ubulaghili ubwakusungila ichigaba icha chakwiyipa ichakocha.

1 Samuweli 22:18

Po u mwene akamubuzya u Dowegi akati, “Baghoghe.” U Dowegi umu Edomu akabaghogha abaputi bosi bala. Pisiku lilalila akabaghogha abaputi 85, babo bakavwalagha u efodi umutonte.