2 Samuweli 5:9 - IBAYIBOLO 2024

⁹ Po u Devedi akafyula ilinga lila, akikala mulamula nukulyita ukuti, “Akaya akakulu nkani aka Devedi.” Po akalizengela ilinga lila akaya akakulu nkani ukwandila kuko kale kukaba ikombe, kubufumilo bwizuba mupaka mukasi.

2 Samuweli 5:9 Iomraidhean Croise

2 Samuweli 5:7

Loli u Devedi akalifyula ilinga ilya Ziyoni, akaya akakulu nkani aka Devedi.

2 Samuweli 5:8

Pisiku lilalila u Devedi akababuzya abantu bache akati, “Umuntu wesi yuyo akulonda pakulwa naba Yebusi endelaye kuzila iya kumizi pakubaghogha abafwamaso na balemazu, babo balwani aba Devedi.” Ichi cho chifukwa pali amazyu aghakuti, “Abafwamaso na balemazu batanginjila mu Nyumba iya Mwene.”

2 Samuweli 6:10

U Devedi atakalondagha sona pakwiza ni Bokosi ilya Lufingo lila ilya Mwene mukaya aka Devedi mu Yelusalemu. Loli akapaghuka nukubuka nalyo kunyumba iya Obedi Edomu umu Giti.

1 Abamwene 11:27

Ili lyo lipangwi ilya mumo akamusambukila u mwene: U Solomoni akazenga amakwelelo amakulu agha mabwe nukuzenga sona ulupaso lulo lukamongoka, ulwa kaya akakulu nkani aka wise u Devedi, kako kakaba chigaba chimo icha kaya akakulu nkani aka Yelusalemu.

1 Abamwene 2:10

U Devedi akafwa, po bakamusyila mukaya aka Devedi mu Yelusalemu.

1 Abamwene 9:15

Ili lyo lipangwi ilya vintu vivyo u Solomoni akabalamula abantu pakubomba imbombo izyakufyenga bulo pakuzenga Inyumba iya Mwene, ni nyumba iya bumwene, na makwelelo amakulu agha mabwe nu lupaso ulwa kaya akakulu nkani aka Yelusalemu, sona nakaya akakulu nkani aka Hazoli naka Megido, sona naka Gezeli.

1 Abamwene 9:24

Bo umwana umulindu uwa Falabo afika munyumba iya bumwene, yiyo u Solomoni akamuzengela ukufuma mukaya akakulu nkani aka Devedi, akazenga amakwelelo amakulu agha mabwe.

2 Abamwene 12:20

Amakambala ghache ghakabatika nizya kumughogha, po ghakamughoghela mwilinga ilya Beti Milo mumusebo uwakubukila ku Sila.

2 Abamwene 12:21

Amakambala ghache ghagho ghakamughogha ghakaba gho agha: U Yozabadi umwana uwa Shimeyati nu Yehozabadi umwana uwa Shomali. U Yowashi akafwa, nukusyiliwa mukaya aka Devedi mu Yelusalemu. Po umwana wache u Amaziya akamupyana pakuba we mwene.

1 Imbili 11:8

Akazenga akaya akakulu nkani ukuzyungulila ilinga lila ukwandila pa Milo. U Yowabu akazenga sona ulubazu ulunji ulwa kaya akakulu nkani kala.

2 Imbili 32:5

Po akiyula nkani pakuzenga sona ivigaba ivya lupaso vivyo vikamongonkana nukukazengela ichitembe. Akazenga ulupaso ulunji kuzi ukwa lupaso lula nukukazengela amakwelelo akaya akakulu nkani aka Devedi. Akapanga ivilwilo ivyinji ivya bwite sona ni ngulu inyinji nkani.

Nehemiya 3:15

Pakakonkapo u Shalumu umwana uwa Kolihoze, umulaghili uwa Mizipa, wepe akazenga sona Umulyango uwa Mbwibwi. Akaghuzengela ichisonje nukubikapo inyiyi ni vyakupinyila ivya chela sona ni mpingwi zyache. Akazenga sona ulupaso ulwa Chiziba icha Silowamu papipi nu mughunda uwa mwene, mupaka pamakwelelo aghakwikila kukaya akakulu nkani aka Devedi.

Masalimo 122:3

U Yelusalemu azengiwe akiza nkani ngati kaya akakulu nkani, kako kalemanite poka nkani.

Yesaya 29:1

Chighune kukwako awe Yelusalemu, Yelusalemu, akaya akakulu nkani kako u Devedi akazengamo! Onjelezyako umwaka kumwaka ghoka, amasiku aghalusekelo ghendelelaye.

Abalongi 9:20

Loli nanti te momumo zibeleye, umoto ghufume mwa Abimeleki nukubalungulizya amwe mwe benekaya aba mu Shekemu, sona naba mu Beti Milo. Umoto ghufume mumwinyu mwe benekaya aba mu Shekemu, naba mu Beti Milo nukumulungulizya u Abimeleki.”

Abalongi 9:6

Po abenekaya aba mu Shekemu, sona naba mu Beti Milo, bakabungana poka muntende mwikwi ipaghuliwa ilya mupandapanda mu Shekemu pakumwimika u Abimeleki pakuba we mwene.