2 Samuweli 4:12 - IBAYIBOLO 2024

¹² U Devedi akabalamula abantu bache, po bakabaghogha abantu balabala. Bakabadumula inyobe ni nyayo zyabo nukuyipayika imivimba yabo papipi ni chiziba mu Hebuloni. Loli bakaghusenda umutu uwa Ishibosheti nukughusyila mwipumpa ilya Abinala mu Hebuloni.

2 Samuweli 4:12 Iomraidhean Croise

2 Samuweli 1:15

U Devedi akamwitizya weka uwa bantu bache nukumubuzya ukuti, “Mughoghe!” Po umuntu yula akamughoghela palapala.

2 Samuweli 16:8

U Mwene akukutanizya pachifukwa ichakuti ukabaghogha abamunyumba iya Sabuli, nukumufyula ubumwene bwache. U Mwene abubika ubumwene munyobe izya mwana wako u Abisalomu. Bunubu bo bumalilo bwako pachifukwa ichakuti we mughoghi.”

2 Samuweli 2:8

Pakabalilo kalakala, u Abinala umwana uwa Neli, usongo uwa basilikali aba Sabuli akamusenda u Ishibosheti umwana uwa Sabuli nukubuka nawe ku Mahanayimu.

2 Samuweli 21:9

Akababika munyobe izya ba Gibeyoni, babo bakabaghoghela pighamba pamaso pa Mwene. Po abana bosi Seveni bakafwa pakabalilo koka. Bakaghoghiwa mumasiku aghakwanda agha nyinulo, bo akabalilo akakwinulila amapemba kakwanda bulo.

2 Samuweli 3:32

Bakamusyila u Abinala mu Hebuloni, sona u mwene akalila nkani pipumpa ilya Abinala. Bope abantu bosi bakalila.

Masalimo 55:23

Loli wee Chala ukubasumbila muchiliba ichibizu abantu ababibi, po abaghoghi na bazimbuli bakuba bumi, napo we hafu uwa masiku ghabo. Loli ane, nkusubiye wewe.

Matayi 7:2

Pakuti mumo mukubalongela abantu abanji, momumo u Chala akwiza pakubalongela. Ichipimilo chicho mukubombezya pabantu abanji, cho chicho u Chala akwiza pakubombezya papinyu.