2 Samuweli 3:3 - IBAYIBOLO 2024

³ Umwana wache uwabubili akaba we Kileyabu, yuyo unyina akaba we Abigelo, umufwilwe uwa Nabali uwamu Kalimeli. Umwana wache uwabutatu akaba we Abisalomu, yuyo unyina akaba we Maaka umwana uwa mwene u Talimayi uwamu Geshuli.

2 Samuweli 3:3 Iomraidhean Croise

2 Samuweli 13:1

U Abisalomu umwana uwa Devedi akaba nu muyemba uwakuboneka akiza nkani yuyo akaba we Tamala. Po u Amunoni umwana uwa Devedi akamughana nkani u Tamala yula.

2 Samuweli 14:23

Po u Yowabu akabuka ku Geshuli pakumusenda u Abisalomu nukwiza nawe ku Yelusalemu.

2 Samuweli 14:24

Loli u mwene akati, “Abukaye kunyumba iyache ni yache, sona atakize pamaso papane.” Po u Abisalomu akabuka kunyumba iyache ni yache, sona atakiza pamaso pa mwene.

2 Samuweli 14:32

Abisalomu akamubuzya u Yowabu akati, “Nkakutumila amazyu aghakuti, Zagha kuno ukuti nkutume kwa mwene pakumulalusya ukuti, Nkimba choni chicho nanyokako ku Geshuli? Chikaba chiza ukuti ngali nikala bulo kulakula. Nkulonda pakubuka pamaso pa mwene, nanti nananga ichintu chimo, u mwene angoghe.”

2 Samuweli 15:7

Bo pachilapo amaka folo, u Abisalomu akamubuzya u mwene akati, “Unyitikizye ukuti imbukaye ku Hebuloni pakukwanilisya ichilapo chicho nkalapa kwa Mwene.

2 Samuweli 15:8

Ane ne wambombo wako bo inchili indi mu Geshuli muchisu icha Siliya, nkalapa ichilapo ichakuti, ‘Nanti u Mwene anyitikizya pakunyokela sona ku Yelusalemu, nkwiza pakumwiputa mu Hebuloni.’ ”

2 Samuweli 18:33

Po icheni icha mwene chikasulumannya nkani, umwakuti akabuka muchipinda icha pamwanya icha pamulyango nukulila. Bo akubuka akati, “Wee mwana wane, Abisalomu! Wee Abisalomu! Wee mwana wane. Chame chiza ngali nafwanga nene mubuzilo bwako, wee Abisalomu, mwana wane, wee mwana wane!”

2 Samuweli 2:2

Po u Devedi akabuka kulakula poka na bachi bache babili u Ahinowamu uwamu Yezileli nu Abigelo umukolo umufwilwe uwa Nabali uwamu Kalimeli.

1 Abamwene 1:6

Uwise u Devedi atakamwikazyapo pasi nukumulalusya ukuti, “Nkimba choni chicho ukubomba bunubu?” U Adoniya akaba muntu wakuboneka akiza nkani, sona akakonka pa Abisalomu.

1 Abamwene 2:15

U Adoniya akamwamula akati, “Awe uzimenye akiza bulo ukuti ubumwene bukaba bwane, sona aba Izilayeli bosi bakinong'onagha ukuti ane ne mwene wabo. Loli ilelo te momumo zibeleye, uwamwitu aba we mwene pachifukwa ichakuti bwighane ubwa Mwene.

1 Imbili 3:1

Abana aba Devedi babo bakapapiliwa mu Hebuloni bakaba bo aba: Umwana wache ukatote akaba we Amunoni, yuyo unyina akaba we Ahinowamu umu Yezileli. Umwana wache uwabubili akaba we Daniyeli, yuyo unyina akaba we Abigelo uwamu Kalimeli.

1 Imbili 3:2

Umwana wache uwabutatu akaba we Abisalomu, yuyo unyina akaba we Maaka umwana uwa mwene u Talimayi uwamu Geshuli. Umwana wache uwafolo akaba we Adoniya, yuyo unyina akaba we Hagiti.

Ukukumbusya Amalamulo 3:14

U Yayili uwa luko ulwa manase nkamugabila ichigaba chosi icha Aligobi mupaka kumpaka iya chisu icha Geshuli, ni chisu icha Maaka. Akakita akaya kala ni tabwa lyache umwakuti nilelo ichisu icha Bashani chikwitiziwanga ukuti utwaya utwa Havoti Yayili.

Yoshwa 13:13

Loli aba Izilayeli batakabachimbizyamo aba Geshuli naba Maaka. Po abantu banaba bachili bakwikala pakasi paba Izilayeli mupaka nilelo bulo.

1 Samuweli 25:3

Umuntu yunuyu akaba we Nabali, umuchi akaba we Abigelo. Umuchi wache akaba wamahala sona uwakuboneka akiza, loli umulume umu Kalebu akaba nu moyo umukafu, sona akaba mupunganu.

1 Samuweli 25:42

Panapo na panapo u Abigelo akakwela pampunda yache, poka na bambombo bache abalindu fayivi nukubuka poka na bambombo aba Devedi pakuba muchi uwa Devedi.

1 Samuweli 27:8

Po u Devedi na bantu bache bakabuka pakulwa ubwite naba Geshuli, naba Gilizi, sona naba Amaleki. Abantu banaba bakaba benekaya ukwanda kale bulo. Impaka iya chisu chabo yikafika ku Shuli, mupaka ku Ijiputi.