2 Samuweli 24:19 - IBAYIBOLO 2024

¹⁹ Po u Devedi akabuka ukuyana namumo u Mwene akamubuzizya ukwendela mwa Gadi.

2 Samuweli 24:19 Iomraidhean Croise

Ubwandilo 6:22

U Nowa akabomba vyosi vivyo u Chala akamulamula.

2 Samuweli 24:18

Pisiku lilalila u Gadi akabuka kwa Devedi nukumubuzya ukuti, “Buka pakumuzengela ichighemo u Mwene pabuzilo ubwakukomelapo inyinulo ubwa Alawuna umu Yebusi.”

2 Samuweli 24:20

Bo u Alawuna ennya, akamwennya u mwene poka na bantu bache bakwiza kukwache, po akafuma kuzi nukufughama pamaso pa mwene bo icheni chache chikotamiye pasi.

1 Imbili 21:19

Po u Devedi akabuka ukuyana na mazyu ghagho u Mwene akamubuzya u Gadi.

2 Imbili 20:20

Pandabindabi nkani bakabuka kunkolongo iya Tekowa. Bo bali muzila, u Yehoshafati akimilila, po akati, “Mwee bantu aba mu Yuda, naba mu Yelusalemu, ivwa kuno! Mumusubilaye u Mwene u Chala winyu, po mukwiza pakujimba. Mubasubilaye abalaghuzi bache, po mukwiza pakupota.”

2 Imbili 36:16

Loli bakazyobezya intumi zyache nukughasulannya amazyu ghache sona bakabasamula abalaghuzi bache, po u Mwene akabakalalila nkani abantu bache, umwakuti patakabapo nayumoyumo uwakupona.

Nehemiya 9:26

“Pope bulo batakivwilagha sona bakakusambukila nukuzisulannya indaghilo zyako. Bakabaghogha abalaghuzi bako, babo bakabasokagha ukuti banyokele kukwako. Bakakusamula pakubomba ichintu ichibibi nkani.

Aba Hebeli 11:8

Lukaba lwitiko lulo lukamupela u Abulahamu ukwivwila, bo u Chala akumwitizya ukuti asamile kuchisu ichinji chicho akamulayizya pakuba mpyana yache, napapo u Abulahamu atakamanya kuko akabukagha.