2 Samuweli 24:16 - IBAYIBOLO 2024

¹⁶ Bo uwantumi agholosezya inyobe yache ukuti akanangannye akaya akakulu nkani aka Yelusalemu, u Mwene akaba ni chitima pachifukwa icha chiwaya chila, po akamubuzya uwantumi yuyo akabafundagha abantu akati, “Leka! Nyosya inyobe yako.” Pakabalilo kanako uwantumi uwa Mwene yula akaba pabuzilo ubwakukomelapo inyinulo ubwa Alawuna umu Yebusi.

2 Samuweli 24:16 Iomraidhean Croise

Ubwandilo 10:16

U Kenani akaba sona munyenya uwa ba Yebusi nuwa ba Amoli nuwa ba Giligashi

Ubwandilo 6:6

Akaba ni chitima pachifukwa ichakuti akabapela abantu nukubabika muchisu ichapasi. Po chikamubaba nkani mumoyo wache.

2 Samuweli 24:18

Pisiku lilalila u Gadi akabuka kwa Devedi nukumubuzya ukuti, “Buka pakumuzengela ichighemo u Mwene pabuzilo ubwakukomelapo inyinulo ubwa Alawuna umu Yebusi.”

2 Samuweli 5:8

Pisiku lilalila u Devedi akababuzya abantu bache akati, “Umuntu wesi yuyo akulonda pakulwa naba Yebusi endelaye kuzila iya kumizi pakubaghogha abafwamaso na balemazu, babo balwani aba Devedi.” Ichi cho chifukwa pali amazyu aghakuti, “Abafwamaso na balemazu batanginjila mu Nyumba iya Mwene.”

1 Abamwene 19:4

Loli u Eliya akenda isiku lyosi munkolongo. Po akikala mukazundila aka makwi agha vyisilo nukwiputa ukuti ngali afwanga bulo. Akati, “Wee Mwene nayimba mpela! Ngogha bulo, ane te ne mwiza ukubachila abanyenya bane.”

2 Abamwene 19:35

Ubusiku bulabula uwantumi uwa Mwene akabuka muvisakasa ivya ba Asiliya nukubaghogha abalwabwite 185,000. Bo abantu balamusya bulo pandabindabi bakagha ukuti imivimba yilambalaye.

1 Imbili 1:14

U Kenani akaba sona munyenya uwa ba Yebusi nuwa ba Amoli nuwa ba Giligashi

2 Imbili 3:1

Po u Solomoni akanda pakuzenga Inyumba iya Mwene mu Yelusalemu pighamba ilya Moliya, papo u Mwene akamubonekela uwise u Devedi, pabuzilo ubwakukomelapo inyinulo ubwa Alawuna umu Yebusi.

2 Imbili 32:21

U Mwene akamutuma uwantumi wache nukubazimizya abalwabwite bosi na balongozi sona na basongo aba basilikali muvisakasa ivya mwene uwamu Asiliya. Po akanyokela kukaya kache bo isoni zimulemite. Bo injila munyumba iya chala wache, abana bache abalumendo bakamughogha nupanga.

Masalimo 135:14

Pakuti u Mwene akwiza pakubapa ubwanaloli abantu bache, sona akwiza pakuba nichililizi na bantu babo bakumubombela.

Masalimo 35:6

Izila zyabo zibanje ni chisi sona batyelemukaye bulo, bo uwantumi uwa Mwene akubachimbizya.

Masalimo 78:38

Loli akaba wachisa, akabahobokela imbibi zyabo, po atakabanangannya, akabalilo na kabalilo akubwisya ubukali bwache, loli atakakalala.

Masalimo 90:13

Wee Mwene, isya ubukali bwako, nkimba ukwiza pakutukalalila mupaka liyi? Ubanje ni chililizi na babombi bako.

Ukufuma 12:13

Ibanda pamilyango yinyu likwiza pakuba chimanyilo icha nyumba zyinyu zizyo mukwikalamo. Bo nennya bulo ibanda, nkwiza pakudumusannya, sona ichiwaya ichakughogha chitakwiza pakubapalamasya, bo nkubafunda aba Ijiputi.

Ukufuma 12:23

Bo u Mwene akudumusannya muchisu pakughogha aba Ijiputi, akwiza pakulyennya ibanda mulubazu na pamwanya pamulyango. Po akwiza pakudumusannyapo bulo, sona atakwiza pakumwitikizya uwantumi uwa bufwe pakwinjila munyumba zinyu nukubaghogha.

Ukufuma 32:14

Po u Mwene akatonta umoyo, sona atakabanangannya abantu bache ukuyana namumo akabatikila.

Ukufuma 9:28

Iputa kwa Mwene ukuti ukupaya ni vula iya mabwe vileke, po nkwiza pakubitikizya ukuti mubukaye. Amwe mutabaghiye pakwikala sona kuno.”

Yesaya 27:8

U Mwene akubafunda abantu bache pakubinjizya mubuzya, akubefyamo ni mpepo iyakoghofya iyakubufumilo bwizuba.

Yesaya 57:16

Ntakwiza pakulongana nu muntu bwila na bwila, pamo ukumukalalila amasiku ghosi, pakuti mumwane momumo mukafumila umuzimu, sona nene nkaghupela umuyi uwa bumi.

Yelemiya 26:19

“Nkimba u Hezekiya u mwene uwa chisu icha Yuda na bantu bosi bakamughogha u Mika? Nkimba u Hezekiya atakamunyila u Mwene nukulaba uluhobokelo? Nkimba u Mwene atakabahobokela, umwakuti atakabapa ulufundo lulo akati akwiza pakubafunda nalo? Loli aswe twebene tuli papipi pakwisendela intamyo impalapala nkani!”

Yelemiya 42:10

Nanti mukwikala muchisu chinichi, ntakwiza pakubanyampannya awe, loli nkwiza pakubazenga, ntakwiza pakubanyunkulannya awe, loli nkwiza pakubabyala, pakuti nanyokako kuchintu ichibibi chicho nkababombela.

Amosi 7:3

Po u Mwene akabwisya ubukali bwache nukuti, “Zinizi zitakwiza pakubombiwa.”

Amosi 7:6

Po u Mwene akabwisya ubukali bwache nukuti, “Zinizi zitakwiza pakubombiwa sona.” U Mwene Uwamaka Ghosi anena.

Habakuku 3:2

Wee Mwene, nivuye nizya imbili yako, sona imbombo zyako zikumpelela ubogha. Po uzipelaye pakuba mpya mumasiku ghitu, sona zimanyikwanje pakabalilo kitu. Napapo ukalaye, loli utupelelaye ichisa.

Zekaliya 9:7

Batakwiza pakulya inyama iya libanda, sona ni vyakulya ivinji ivyamwiko. Abantu abakusyalako bakwiza pakuba ba Chala witu, nukuba luko ulwa chisu icha Yuda, sona u Ekiloni akwiza pakuba ngati boba Yebusi.

Maliko 14:41

Bo iza akabutatu, akababuzya akati, “Nkimba muchili mughonite nukutuzya? Mpela! Akabalilo kakwana, u Mwana uwa Muntu ali pakubikiwa munyobe izya bantu abambibi.

Imbombo 12:23

Panapo na panapo uwantumi uwa Mwene akamukoma u Helodi pakuti atakamuchindika u Chala. Isomi zikamulya nukufwa.

1 Aba Kolinti 10:10

Tutakilumbusyanje ukuyana namumo abantu bamo bakabombelagha, po bakaghoghiwa nu wantumi yuyo akughogha abantu.

2 Aba Kolinti 2:6

Ulufundo lulo afundiwa nalo na bantu abinji muchipanga, lwamukwana.

Yoshwa 15:63

Loli abaluko ulwa Yuda bakapotwa pakubachimbizyamo aba Yebusi, babo bakikalagha mu Yelusalemu. Aba Yebusi bachili bakwikala mulamula poka naba Yuda.

Abalongi 1:21

Loli aba Benjamini bakapotwa pakubachimbizya aba Yebusi, babo bakikalagha mukaya akakulu nkani aka Yelusalemu. Aba Yebusi bachili bakwikala mulamula poka naba Benjamini.

Abalongi 19:11

Bo bapalamila nakaya akakulu nkani aka Yebusi, kukaba ukuti ichamabwila chandako, po uwambombo yula akamubuzya u mwene wache akati, “Nkimba tutangapaghukila mukaya akakulu nkani aka ba Yebusi nukughona mulamula?”

1 Samuweli 15:11

“Indi ni chitima nkani ukuti nkamwimika u Sabuli pakuba we mwene. U Sabuli ansambukila, sona aleka pakughakonka amalamulo ghane.” U Samuweli akakalala nkani, po akamulambilizya u Mwene ubusiku bosi bulabula.