2 Samuweli 24:15 - IBAYIBOLO 2024

¹⁵ Po u Mwene akatuma ichiwaya muchisu icha Izilayeli ukwandila pandabindabi mupaka pakabalilo kako akalondelagha umwenecho, sona abantu 70,000 aba muchisu icha Dani mupaka ku Belisheba bakafwa.

2 Samuweli 24:15 Iomraidhean Croise

2 Samuweli 24:2

Po u mwene akamubuzya u Yowabu na basongo aba basilikali babo bakaba nawe akati, “Buka pakasi pa inko zyosi izya Izilayeli ukwandila ko kuchisu icha Dani mupaka ku Belisheba pakubabelenga abantu babo bangabomba imbombo iya kulwa ubwite, umwakuti imanye ubwinji bwabo.”

1 Imbili 21:14

Po u Mwene akatuma ichiwaya muchisu icha Izilayeli, umwakuti bakafwa abantu 70,000.

1 Imbili 27:24

U Yowabu umwana uwa Zeluya akanda pakubabelenga bantu bala loli atakamala pakubabelenga. Pachifukwa chinichi u Chala akabakalalila nkani aba Izilayeli, po ubwinji ubwa bantu bala butakasimbiwa mwibuku ilya mbili ilya mwene u Devedi.

1 Imbili 27:4

U Dodayi uwaluko ulwa Ahohi akaba we songo uwa kabukatila aka mwezi uwabubili. U Mikiloti akaba we mulongozi uwa kabukatila kanaka, kako kakaba na basilikali 24,000.

Yesaya 37:36

Po uwantumi uwa Mwene akabuka muvisakasa ivya ba Asiliya nukubaghogha abalwabwite 185,000. Bo abantu balamusya bulo pandabindabi bakagha ukuti imivimba yilambalaye!

Habakuku 3:2

Wee Mwene, nivuye nizya imbili yako, sona imbombo zyako zikumpelela ubogha. Po uzipelaye pakuba mpya mumasiku ghitu, sona zimanyikwanje pakabalilo kitu. Napapo ukalaye, loli utupelelaye ichisa.

Ukubelengiwa 25:9

Loli ubwinji ubwa bantu bosi babo bakafwa ni chiwaya chila bakabapo 24,000.

Matayi 24:7

Ichisu chikwiza pakulwana ni chinji, ubumwene bukwiza pakulwana nu bunji. Kukwiza pakuba izala nu tusenyenta posi na posi.

Ubuvumbuli 6:8

Nkenelezya nukuyennya ifalasi imbufu. Uwakukwelapo akaba we bufwe, sona ichisu icha bantu abafwe chikamukonkagha mwisinda. Bakapeghiwa ubulaghili pachigaba choka icha vigaba folo ivya chisu ichapasi ukuti baghoghe nupanga, nizala, ni chiwaya, sona ni vinyamana ivikali ivya muchisu ichapasi.

1 Samuweli 6:19

Loli pisinda pache u Mwene akabaghogha abantu 70 aba mu Beti Shemeshi pachifukwa ichakuti bakananamizya mwi Bokosi ilya Lufingo ilya Mwene. Po abantu bakabalila abamwabo pachifukwa ichakuti u Mwene akabaghogha abantu abinji nkani pakasi papabo.