2 Samuweli 24:14 - IBAYIBOLO 2024

¹⁴ U Devedi akamubuzya u Gadi akati, “Awe, ane nkutamiwa nkani mumoyo wane. Zagha tuwile munyobe izya Mwene, pakuti ichisa chache chikulu nkani. Loli utakanyitikizye ikuti ingwile munyobe izya bantu.”

2 Samuweli 24:14 Iomraidhean Croise

2 Samuweli 9:8

U Mefibosheti akafughama nukuti, “Nkimba ne wenu, ukuti umpelele ichisa ne mbwa infwe?”

2 Abamwene 6:15

Pandabindabi bo uwambombo uwa muntu uwa Chala yula alamusya, akennya abasilikali poka ni falasi ni ngolo zyabo izya bwite, sona bakakazyungulila akaya akakulu nkani kala. Po uwambombo yula akalalusya akati, “Wee mwene wane! Nkimba tubombe choni?”

1 Imbili 21:13

U Devedi akamubuzya u Gadi akati, “Awe, ane nkutamiwa nkani mumoyo wane. Leka ingwile munyobe izya Mwene, pakuti ichisa chache chikulu nkani. Loli utakanyitikizye ikuti ingwile munyobe izya bantu.”

Masalimo 119:156

Wee Mwene ichisa chako chikulu nkani, mpanga ubumi ukuyana nu bwanaloli bwako.

Masalimo 130:4

Loli awe ukuhobokela, cho chifukwa ukuchindikiwanga.

Masalimo 130:7

Wee Izilayeli, lindilila u Mwene, pakuti ulughano ulwa Mwene lutakupotwangapo nalumo, sona mumwache muli ubupoki ubwakufikapo.

Masalimo 145:9

U Mwene mwiza ku bantu bosi, sona ali ni chililizi pavipeliwa vyache vyosi.

Masalimo 51:1

Wee Chala, umpelelaye ichisa, pachifukwa icha lughano lwako lulo lutakupotwapo nalumolumo. Zimya ukunanga kwane, pachifukwa icha chililizi chako.

Masalimo 86:15

Loli awe wee Mwene we wachililizi nu wachisa, yuyo atakukalala lubilolubilo nu walughano nkani, sona nu musubiliwa.

Masalimo 86:5

Wee Mwene we mwiza sona we wakuhobokela, we musubiliwa nkani ku bantu bosi babo bakukwiputa.

Ivyili 12:10

Umuntu umugholosu akuvipasikizya ivitekwa vyache, loli umuntu umubibi ate ni chisa nachimochimo.

Yesaya 47:6

Nkabakalalila abantu bane nukubayivya ngati po te bampyana yane, nkababika munyobe zyako, po utakabapelela ichisa. Na pabaghosi bulo pope ukabikapo ikoli ing'wamu.

Yesaya 55:7

Mubaleke ababomba mbibi, baleke inkalo zyabo imbibi, sona bope abantu ababibi bazileke inyinong'ono zyabo inyonganu. Baleke banyokele kwa Mwene, ukuti abapelele ichisa, sona nakwa Chala witu, pakuti akwiza pakubahobokela.

Yelemiya 39:17

Loli nkwiza pakukupoka pisiku lilalila, utakwiza pakubikiwa ku babo ukabanyila.

Nkuto 3:22

U Mwene atughanite nkani, cho chifukwa aswe tutakunanganika, sona ichisa chache chitakumalaghapo nalumo.

Daniyeli 9:9

U Mwene u Chala witu wachisa nkani sona waluhobokelo nkani, napapo twamusambukila.

Yona 4:2

Po akiputa kwa Mwene akati, “Wee Mwene izi zyo zizyo nkanenagha bo inchili indikukwitu. Ichi cho chifukwa nkachimbilila lubilolubilo kuchisu icha Talishishi. Nkazimanya ukuti we Chala uwa lughano sona uwachisa, nukuti akabalilo kosi we mufisalyoyo nu wachililizi sona wiyanizye pakuhobokela imbibi akabalilo kosi.

Mika 7:18

Nkimba we Chala wenu yuyo ayanite nawe, yuyo akuhobokela imbibi sona nukunanga ukwa bantu abakusyalako pakuba mpyana yache? Utakukalala bwila na bwila, loli akuhoboka nkani pakubapelela ichisa.

Mika 7:19

Ukwiza pakuba ni chililizi naswe, sona ukwiza pakuzikanyilila imbibi zyitu, nukubusumbila pasi panyanja ububibi bwitu.

Zekaliya 1:15

loli inzikalaliye nkani inko zizyo zili pamutende. Nazikalaliye panandi bulo, loli ilelo babafunda nkani abantu bane.’

Yohani 12:27

“Losi ulu umoyo wane wayimba nkani. Po, nkimba ninganena ichoni? Intinji, ‘Tata, utakitikizye ukuti akabalilo aka kangwile?’ Awe, loli ichi cho chifukwa niziye ukuti nendemo pakabalilo akantamyo aka.

Aba Filipi 1:23

Nkuwesiwa kumbazu zyosi zibili. Kulubazu loka nkulonda nkani ukuti ngali nabuka pakwikala poka nu Kilisitu, chicho chintu chapamwanya nkani.

1 Samuweli 13:6

Bo aba Izilayeli bennya ukuti bali muntamyo nkani, sona nukuti abasilikali babo bakabavwanila, bakavwama mumpako na mumisitu, na mumabwe, na muvibwina, sona na muviziba.