2 Samuweli 24:10 - IBAYIBOLO 2024

¹⁰ Bo u Devedi amala pakubabelenga abantu, akanda pakutamiwa nkani mumoyo wache, po akati, “Nananga nkani pazizyo nabomba. Losi ulu nkukulaba we Mwene wane ukuti unhobokele imbibi yane ne mubombi wako, pachifukwa ichakuti nabomba ichintu ichabupunganu nkani.”

2 Samuweli 24:10 Iomraidhean Croise

2 Samuweli 12:13

Po u Devedi akamubuzya u Natani akati, “Namunangila u Mwene.” U Natani akamwamula akati, “U Mwene akuhobokela, sona utakwiza pakufwa.

2 Samuweli 24:17

Bo u Devedi amwennya uwantumi yuyo akabakoma abantu bala, akamubuzya u Mwene akati, “Nene nananga, sona nabomba imbibi. Nkimba abantu banaba babomba choni? Unfunde ane na bamunyumba yane.”

1 Abamwene 8:35

“Nanti wayilema ivula pachifukwa ichakuti abantu bako bakunangiye, po nanti bakwiputa mu Nyumba iyi pakulitambula itabwa lyako nukuzileka imbibi zyabo pachifukwa ichakuti wabafunda,

1 Imbili 21:7

Loli u Chala atakahoboka na zizyo u Devedi akalamula, po akabafunda aba Izilayeli.

1 Imbili 21:8

U Devedi akamubuzya u Chala akati, “Nananga nkani pazizyo nabomba. Nalamba unhobokele ane ne mubombi wako, pachifukwa ichakuti nabomba ichintu ichabupunganu nkani.”

2 Imbili 16:9

Pakuti amaso agha Mwene ghakwennya posi na posi pachisu ichapasi umwakuti abakazyanje abantu babo bakumwivwila na moyo ghabo ghosi. Awe wabomba ichintu ichabupunganu nkani, po ukwanda ilelo ukwiza pakulwa ubwite.”

2 Imbili 32:26

Pisinda pache u Hezekiya akiyisya nukuleka pakwituvya, ukuyana namumo bakabombela abantu aba mu Yelusalemu. Po u Mwene atakabakalalila abantu pakabalilo aka Hezekiya.

Yobu 7:21

Nkimba choni chicho utakuzimya ukunanga kwane nukuzihobokela imbibi zyane? Pakuti losi ulu nkwinjila mwipumpa, ukwiza pakundondelezya, loli utakwiza pakunyennya nalumo.”

Masalimo 32:5

Po nkwilata imbibi zyane kukwako, ntafisitepo ukunanga kwane pamaso papako. Nkati, “Nkwiza pakwilata ukunanga kwane kwa Mwene” po ukanhobokela imbibi zyane.

Ukufuma 10:16

Panapo na panapo u Falabo akamwitizya u Mozesi nu Aloni nukuti, “Namunangila u Mwene u Chala winyu sona namwe bulo.

Ivyili 28:13

Umuntu yuyo akufisa imbibi zyache ivintu vitakumwendelagha akiza, loli yuyo akwilata imbimbi zyache nukuzileka akupokela ichisa.

Hoseya 14:2

Ghalemezye amazyu, po munyokele kwa Mwene. Mumubuzye ukuti, “Tuhobokele imbibi zyitu, sona pokela ulwiputo lwitu, po imilomo yitu yikupalaye.

Yoweli 2:12

Nilelo bulo u Mwene akuti, “Nyokela kukwane na moyo ghinyu ghosi, mutuzyanje pakulya, mulilaye, sona mufwifwitilaye.”

Ukubelengiwa 12:11

Po akamubuzya u Mozesi akati, “Wee mwene wane, nalamba, utakatufunde pachifukwa icha mbibi yiyo twabombite mubupunganu.

Maliko 7:22

nu bulowe nu bupafu nukwinong'onelana ivibibi nu bumyasi, na madinko, ni chinyonywa, ni yebo, na mituvyo nu bupunganu.

Yohani 1:29

Ilyandabi, u Yohani akamwennya u Yesu akwiza kukwache, po akati, “Ennya, u Mwana uwa ng'ozi uwa Chala, yuyo akwefya imbibi izya bantu aba muchisu ichapasi.

Yohani 8:9

Bo bivwa zinizi, bosi bakepaghapo, wekaweka, ukwandila abasongo. U Yesu akasyala mwene nu mukolo yula, bo imiliye palapala.

Ukukumbusya Amalamulo 32:6

Nkimba momumo mukubombela nu Mwene, mwe bapunganu na basita mahala mwee? Nkimba u Mwene ate we ghuso, yuyo akabapela? Nkimba ate weyuyo akabamata nukubapela pakuba mwe luko?

Titi 3:3

Pakuti naswe bulo akabalilo kamo tukaba bapunganu, abasita ukwivwila, sona na bakusobela. Tukaba bazya aba vinyonywa ivibibi, sona ni vintu vyosi ivyakulekanalekana ivyakuhobosya umubili. Tukalindagha mumbibi na mukabini. Abantu abanji bakatubenga, sona naswe bulo tukababenga.

1 Yohani 1:9

Loli nanti tukwitika imbibi zyitu, u Chala umwenecho yuyo musubiliwa sona mugholosu, akwiza pakutuhobokela imbibi zyitu. Akwiza pakutuswefya ububibi bwitu bosi bubo tukubomba.

1 Samuweli 13:13

U Samuweli akamubuzya akati, “Wabomba ivyabupunganu nkani. Awe utakaghasunga amalamulo ghagho u Mwene u Chala wako akakupa. Nanti ukabombagha bunubu, ngali ikazizye ubumwene bwako pakasi paba Izilayeli bwila na bwila.

1 Samuweli 24:5

Loli pisinda pache u Devedi akatamiwa nkani nu mabyebye, pachifukwa ichakuti akadumula kamo akamwenda aka nkazo iya Sabuli.

1 Samuweli 24:6

Po akababuzya abantu bache akati, “U Mwene ankanizye ukuti intakamubombele ichintu ichibibi u mwene wane uyu, yuyo mupakiwa uwa Mwene pamo ukumuvulazya napo panandi pakuti mupakiwa uwa Mwene.”

1 Samuweli 26:21

Po u Sabuli akati, “Wee Devedi mwana wane, nananga nyokela! Ntakwiza pakukubombela sona nachimochimo ichintu ichibibi pakuti ubumi bwane wabupima pakuba bwapamwanya nkani. Naloli ane nkabomba ivyabupunganu, sona nkapuvya nkani.”