2 Samuweli 23:7 - IBAYIBOLO 2024

⁷ Umuntu wesi yuyo akulema amivwa, akubombezya ichipeni, pamo isengo, po akughocha numoto.”

2 Samuweli 23:7 Iomraidhean Croise

Masalimo 21:10

Ukwiza pakubazimizya abana babo pachisu ichapasi, abaluko lwabo bakwiza pakumala pakasi pabantu bosi.

Yesaya 27:4

Intakalaye. Nanti mwame amivwa ni ntolovu ukulwana nane, ngali nalwa navyo nukuvyocha, ngali nanyamuka nukulwa navyo, sona nukuvyocha vyosi mumoto.

Yesaya 33:12

Abantu bakwiza pakochiwa nukuba litoyi, ngati mivwa ghagho ghadumuliwa nukusumbiwa pamoto.

Ezekiyeli 2:6

Sona nawe we mwana uwa muntu utakabanyilaye, utakanyilaye, napapo abantolovu namivwa vikuzyunguliye sona ukwikala pakasi pabankonya. Utakanyilaye zizyo bakunena pamo bakukoghofya, napapo abamunyumba iyakusambuka.

Matayi 13:30

Yileke ingano ni ndezye vikulile poka mupaka pakabalilo akakwinulila. Po nkwiza pakubabuzya abinuli ukuti banyunkule tasi indezye nukuzipinya munkose nukuzyocha. Pisinda pache babungannye ingano nukubika muntamba yane.’ ”

Matayi 13:42

Bakwiza pakusumbiwa pamoto, mumo bakwiza pakulila nukusyeketula amino ghabo.

Luka 19:14

Loli abantu aba mukaya kache bakamubenga, po bakatuma intumi ukuti, ‘Aswe tutakumulonda umuntu uyu pakuba we mwene witu.’

Luka 19:27

Loli abalwani bane babo batakandondagha ukuti imbanje ne mwene wabo, mwize nabo kuno nukubaghogha pamaso papane.’ ”

Yohani 15:6

Umuntu wesi yuyo atakwikala mumwane akusumbiwa kuzi ngati ko kasamba nukumila. Utusamba ngati to utu bakutubungannya poka nukusumbiwa pamoto, nukochiwa.

2 Aba Tesalonika 1:8

Akwiza pakubafunda abantu babo bakumukana u Chala, sona na babo batakwivwila Amazyu Amiza aghakunena nizya Mwene witu u Yesu.

2 Aba Tesalonika 2:8

Po umuntu umubibi yula akwiza pakuvumbuliwa. Loli u Mwene u Yesu akwiza pakumunangannya nu muyi uwa mumulomo wache, bo akwiza mubuchindamu bwache ubwakunyezimila.

Aba Hebeli 6:8

Loli nanti likumezya amivwa ni sote, lite ni mbombo, sona bo lili papipi nukughuniwa. Po ubumalilo bwache ko kochiwa pamoto.