2 Samuweli 23:5 - IBAYIBOLO 2024

⁵ “U Chala akwiza pakubasaya abaluko lwane, pachifukwa ichakuti afingana nane ulufingo ulwa bwila na bwila, ulufingo lulo lubatikiwe akiza nkani, sona lutakwanduka. Ivi vyo vivyo nkunyonywa vyosi, ukuti vikwiza pakuba bupoti bwane, sona naloliloli u Chala akwiza pakuzibomba.

2 Samuweli 23:5 Iomraidhean Croise

Ubwandilo 9:16

Nanti ichipingavula chaboneka mumabingu, nkwiza pakuchennya nukukumbuka ulufingo ulwa bwila na bwila, lulo luli pakasi papane na vyosi ivyabumi pachisu ichapasi.”

2 Samuweli 12:10

Po ubwite butakwiza pakuleka nalumo munyumba yako, pachifukwa ichakuti wansamula, nukumusenda umuchi uwa Uliya umu Hiti yula pakuba muchi wako.”

2 Samuweli 13:14

Loli u Amunoni atakamuteghelezya u Tamala yula. U Amunoni akaba na maka nkani ukumuchila u Tamala, umwakuti akamulema pamaka.

2 Samuweli 13:28

U Abisalomu akabalamula abantu bache akati, “Ivwa kuno! Nanti u Amunoni akolwa nkani nu vinyo, sona nanti nababuzya ukuti, ‘Mukome u Amunoni,’ po mumughoghe. Mutakanyilaye pachifukwa ichakuti nene nabalamula. Mujimbaye sona mutakazyelaye.”

2 Samuweli 18:14

U Yowabu akati, “Ukunkabizya.” Po akasenda impalala zitatu munyobe yache, nukumulasa u Abisalomu pachifuba, bo atafuye, sona bo akulelemba mwikwi ilya mupandapanda lila.

2 Samuweli 7:12

Nanti amasiku ghako ghamala, sona nanti wabakonka abanyenya bako kwipumpa, nkwiza pakumupela weka uwa baluko lwako pakuba wampyana wako, yuyo akwiza pakuba mwana uwako nu wako, po nkwiza pakubwikazya ubumwene bwache.

2 Samuweli 7:18

U mwene u Devedi akinjila muchisakasa nukwikala pamaso pa Mwene, po akiputa akati, “Wee Mwene Uwamaka Ghosi, nkimba ane ne wenu, sona abamunyumba yane bo bawenu, ukuti unfisye mupaka po indi pano ilelo?

1 Abamwene 1:5

Pakabalilo kalakala u Adoniya yuyo unyina akaba we Hagiti akanda pakwituvya nukuti, “Ane nkwiza pakuba ne mwene.” Po akibunganikila mwene ingolo izya bwite, ni falasi, sona na bantu 50 abakumusindikila.

1 Abamwene 11:38

Nanti ukuzikonka indaghilo na malamulo ghane, sona na nanti ukubomba ivintu ivigholosu pamaso papane ukuyana namumo umubombi wane u Devedi akabombelagha, nkwiza pakuba nawe. Nkwiza pakubwikazya ubumwene bwako ukuyana namumo nkabwikazizya ubumwene ubwa Devedi, sona ukwiza pakuba we mwene uwa Izilayeli.

1 Abamwene 12:14

Loli akivwila zizyo abalumendo abantanka yache bakamubuzya ukuti, “Utata wane akabanyamulizyanga ikoli ing'wamu nkani, loli ane nkwiza pakulipela ikoli lila pakuba ling'wamu nkani ukuchilapo. Utata wane akabasyempa ni ndisa, loli ane nkwiza pakubalumizya na bankonya.”

Masalimo 111:9

Akabatabula abantu bache, sona akafingana nabo ulufingo Ulwa bwila na bwila, Itabwa lyache lizelu sona lyakoghofya.

Masalimo 119:81

Umoyo wane ghukubusamba nkani ubupoki bwako, loli ane indisubiye izyu lyako.

Masalimo 27:4

Ichintu choka chicho nkumulaba u Mwene, chicho nkachilonda nkani chakuti, nikalaye mu Nyumba iya Mwene mumasiku ghosi agha bumi bwane. Umwakuti nennyanje akabonekele akiza aka Mwene, sona nukuti imulondaye mu Nyumba yache.

Masalimo 62:2

Wee lyalabwe lyane nu bupoki bwane, sona we lilinga lyane, po ntakwiza pakuyingana nalumolumo.

Masalimo 89:3

Wanena ukuti, “Nafinga ulufingo nu musaliwa wane, nalapa ichilapo nu mubombi wane u Devedi,

Yesaya 11:1

Akasamba kakwiza pakufuma muchisinko icha Yese, akasamba akanandi kakwiza pakwela ivikomwa ukufuma kumagululuzi ghache.

Yesaya 27:6

Mumasiku ghagho ghakwiza abaluko ulwa Yakobo bakwiza pakwisimika, u Izilayeli akwiza pakuba ni samba sona akwiza pakubazya, sona akwiza pakwizuzya ichisu chosi ichapasi ni vikomwa.

Yesaya 4:2

Pisiku lilalila ulusamba ulwa Mwene lukwiza pakuba lwakuboneka akiza nkani nulwa buchindamu, sona ivikomwa ivya chisu vikwiza pakuba vyakwituvya nivya buchindamu, ku bantu babo bakwiza pakulekiwa bumi mu Izilayeli.

Yesaya 54:10

Napapo amaghamba ghanganeng'ena, sona nutumaghamba tungefeziwapo loli ulughano lwane papako, lulo lutakupotwapo nalumo lutakwiza pakuneng'ena, pamo ulufingo lwane ulwa mutende lutangefiwapo.” Momumo akunenela u Mwene, yuyo ali ni chililizi nawe.

Yesaya 55:3

Munteghelezye nkani nukwiza kukwane, munyivwe, ukuti mubanje nubumi. Nkwiza pakufingana namwe, ulufingo ulwa bwila na bwila, nukubapa ulusayo lulo nkamulayizya u Devedi.

Yesaya 61:8

U Mwene akuti, “Pakuti ane ne Mwene, imbughanite ubwanaloli, imbenganite nubwiba ni mbibi. Mubusubiliwa bwane, nkwiza pakubapa umuvwalo wabo, nukufingana nabo ulufingo ulwa bwila na bwila.

Yesaya 7:14

Polelo u Mwene umwenecho akwiza pakukupa ichimanyilo, umulindu yuyo atamumenye umwanavuli akwiza pakupapa umwana umulumendo, nukumwita ukuti Imaniweli.

Yelemiya 32:40

Nkwiza pakufingana nabo ulufingo ulwa bwila na bwila, ntakwiza pakuleka pakubabombela inyiza. Nkwiza pakubapa u moyo uwakunnyila umwakuti batakansambukile sona.

Yelemiya 33:21

po ulufingo lwane lulo nkafingana nu mubombi wane u Devedi sona ulufingo lwane lulo ingafingana naba Levi abaputi babo bakumbombela akabalilo kosi lungananganika, umwakuti u Devedi atakabanje nuwa luko pakuba we mwene uwa ba Izilayeli.

Ezekiyeli 37:26

Nkwiza pakufingana nabo ukuti bikalaye mumutende, lukwiza pakuba lufingo ulwa bwila na bwila. Nkwiza pakubikazikizya nukubabalizya nukubika Inyumba yane pakasi papabo bwila na bwila.

Amosi 9:11

U Mwene akuti, “Pisiku lilalila nkwiza pakunyosezyamo ubumwene ubwa Devedi bubo buli ngati nyumba yiyo yighuye. Nkwiza pakuluzenga sona ulubumba lwache, nukuyannya sona mumo lwamongoka po nukuzenga sona ngati mumo lukabela kale,

Imbombo 13:34

Loli izyakuti akamuzyusya kubufwe ukuti atakabolele mwipumpa u Chala akati, ‘Nkwiza pakubapa ulusayo ulupaghuliwa sona ulusubiliwa, lulo nkamulayizya u Devedi.’

Aba Hebeli 13:20

U Chala wemwenecho uwa mutende yuyo akamuzyusya kubufwe u Mwene witu u Yesu ukwendela mwibanda ilya lufingo ilya bwila na bwila, sona yuyo we Mudimi usongo nkani uwa ng'ozi.

Aba Hebeli 6:19

Ulusubilo lulo tuli nalo cho chipimpi icha bumi bwitu. Lutakuneng'ena sona lusubiliwa nkani, lulo lukupuluzannya pa mwenda uwakuzighila mu Nyumba iya Chala iyakumwanya nukwisimika Mubuzilo Ubuzelu nkani.

1 Samuweli 2:35

Po pisinda pache nkwiza pakwisalila nemwene umuputi umusubiliwa, yuyo akwiza pakubomba zizyo nkulonda. Nkwiza pakuyikazya nkani inyumba yache, sona akwiza pakumubombela umupakiwa wane akabalilo kosi.

1 Samuweli 25:28

Nalamba unhobokele ne wambombo wako. U Mwene akwiza pakubukazya nkani ubumwene bwako bwila na bwila, pachifukwa ichakuti ukumulwila ubwite u Mwene. Po utakwiza pakubombapo nachimochimo ichintu ichibibi mubumi bwako bosi.