2 Samuweli 23:10 - IBAYIBOLO 2024

¹⁰ loli u Eleyazala atakachimbila nukubaghogha aba Filisiti, mupaka inyobe yache yikalita, loli akamukakatila upanga wache. Pisiku lilalila u Mwene akamwavwa ukuti abapote aba Filisiti. Abasilikali bakanyokela kwa Eleyazala pakufyula ivya bantu babo bakaghoghiwa.

2 Samuweli 23:10 Iomraidhean Croise

2 Samuweli 23:12

Loli u Shama akima pakasikasi pa mughunda. Akaghuzighilila nukubaghogha aba Filisiti, pachifukwa ichakuti u Mwene akamupa ubupoti ubukulu nkani.

2 Abamwene 5:1

Pakabalilo kalakala u Naamani akaba we songo uwa basilikali abamwene bamu Siliya. U Naamani akaba muntu umumanyikwe nkani kwa mwene wache, sona akachindikiwa nkani pachifukwa ichakuti u Mwene akamwavwa u mwene uwamu Siliya pakupota ubwite ukwendela mumwache. U Naamani akaba musilikali uwamaka nkani, loli akaba na mambombo.

1 Imbili 11:13

Akaba poka nu Devedi bo bakulwa ubwite naba Filisiti, babo bapa Pasi Damimu. Aba Izilayeli bakabachimbila aba Filisiti, pabuzilo bubo pakabapo umughunda uwa mapemba.

Masalimo 108:13

Nanti u Chala ali naswe, po tukwiza pakupota ubwite, pakuti weyuyo akwiza pakubakanyankila abalwani bitu.

Masalimo 144:10

Pakuti ukubavwa abamwene pakupota, sona ukumpoka ne mubombi wako u Devedi kubufwe ubwa panga.

Masalimo 68:12

Bakati, “Mwebaya, abamwene na basilikali bakuchimbila, sona muvisakasa abantu bakugabana ivintu vivyo bakafyula.

Yesaya 53:12

Po nkwiza pakumupa ichigaba pakasi pabantu abapamwanya po akwiza pakugabana ivyakufyula na bantu abamaka, pakuti akatagha ubumi bwache nukubelengiwa poka na babomba imbibi. Akanyamula imbibi izya bantu abinji, sona akabiputila ababomba mbibi.

Aba Loma 15:18

Ntakwiza pakujimba pakunena nizya chintu ichinji, awe, loli zyene zizyo u Kilisitu abomba ukwendela mumwane ukuti imbavwe abantu babo bate ba Yuda pakumwivwila u Chala ukwendela mu mazyu ghane, sona na mumbombo zyane,

2 Aba Kolinti 4:5

Pakuti tutakwilumbilila twebene, loli tukulumbilila u Yesu Kilisitu ukuti we Mwene. Aswe twe babombi binyu bulo pachifukwa icha Yesu.

Yoshwa 10:10

U Mwene akabavulungannya nkani abalwani, bo babennya bulo abasilikali aba Izilayeli, babo bakabapotela zila pa Gibeyoni. Aba Izilayeli bakabachimbizya ukwika pighamba ilya Beti Holoni nukubaghogha zila yosi mupaka ku Azeka naku Makeda.

Yoshwa 10:42

U Yoshwa akabapota abamwene banaba poka ni vyisu vyabo pakabalilo koka, pachifukwa ichakuti u Mwene u Chala uwa ba Izilayeli akabalwilagha ubwite aba Izilayeli.

Yoshwa 11:8

pachifukwa ichakuti u Mwene akababika munyobe izya ba Izilayeli. Bakabapota nubachimbizizya ku Sidoni Umukulu naku Misilefoti Mayimu sona kwikombe ilya Mizipa kubufumilo bwizuba, umwakuti patakabapo nayumoyumo umuntu uwakupona.

Abalongi 15:14

Bo afika papipi nu Lehi, aba Filisiti bakiza kukwache, bo bakukolomoka. Umuzimu uwa Mwene ghukamwikila u Samusoni nukumupa amaka. Po inkusa zizyo bakamupinya nazyo zikawa munyobe zyache ngati po zilunguliye numoto.

Abalongi 15:18

Pakabalilo kalakala u Samusoni akaba ni nyota nkani, po akamulilila u Mwene akati, “Wamupa umubombi wako ubupoti ubukulu nkani. Po nkimba losi ulu imfwe ni nyota nukuwila munyobe izya bantu babo batasilimuliwe?”

1 Samuweli 11:13

Loli u Sabuli akati, “Atalipo nayumoyumo yuyo akwiza pakughoghiwa, pakuti ilelo u Mwene abapoka aba Izilayeli.”

1 Samuweli 14:23

Po pisiku lilalila u Mwene akabapoka aba Izilayeli, sona ubwite bula bukalobokela mupaka mukaya akakulu nkani aka Beti Aveni.

1 Samuweli 14:6

U Yonatani akamubuzya umulumendo yula akati, “Twende tulobokele kwisila kuko kuli ivisakasa ivya bantu babo batasilimuliwe. Lumo u Mwene akwiza pakutulwila ubwite, pakuti chitalipo nachimochimo chicho chingamukanizya ukuti atupoke manyi twe binji pamo twe banandi.”

1 Samuweli 17:53

Bo aba Izilayeli banyokako pakubachimbizya aba Filisiti, bakafyula ivintu muvisakasa vyabo.

1 Samuweli 19:5

Akabika ubumi bwache pachulu pakughogha umu Filisiti yula. U Mwene akabomba ivintu ivikulu nkani ukuti aba Izilayeli bapote ubwite. Awe ukavyennya vinivi, sona ukahoboka nkani navyo. Po nkimba choni chicho ukulonda pakumubombela ichintu ichibibi umuntu umusita nongwa pakulonda ukumughogha u Devedi?”