2 Samuweli 22:4 - IBAYIBOLO 2024

⁴ Nkumwitizya u Mwene, yuyo abaghiye pakupaliwa, sona akumpoka munyobe izya balwani bane.

2 Samuweli 22:4 Iomraidhean Croise

2 Imbili 20:22

Bo banda pakumwimbila nukumupala, u Mwene akabavulungannya aba Amoni naba Mowabu sona na bantu aba kwighamba ilya Seyili, babo bakachizyungulila ichisu icha Yuda, po bakabapota.

Nehemiya 9:5

Po Aba Levi kokuti u Yeshuwa nu Kadimiyeli nu Bani nu Hashabineya nu Shelebiya nu Hodiya nu Shebaniya sona nu Petahiya bakati, “Imilila, mumupalaye u Mwene u Chala winyu, yuyo aliko bwila na bwila. “Lipaliwanje itabwa lyako lyabuchindamu, lilyo abantu batangalikwezya nukulichindika umwakufikapo.

Masalimo 106:2

Nkimba wewenu yuyo angalingannya imbombo izyamaka izya Mwene? Nkimba wewenu angamupalizya umwakufikapo?

Masalimo 116:13

Nkwiza pakulukwezya ulubako lwabupoki, sona nkwiza pakulyitizya itabwa ilya Mwene.

Masalimo 116:17

Nkwiza pakubika ichakwiyipa ichakupalizikizya kukwako, sona nkwiza pakulyitizya itabwa ilya Mwene.

Masalimo 116:2

Pachifukwa ichakuti akunyivwa, po nkwiza pakumwiputa akabalilo kosi, bo inchili ne mumi.

Masalimo 116:4

Po nkamwitizya u Mwene nkati, “Wee Mwene mpoka!”

Masalimo 18:3

Nkumwitizya u Mwene pakuti amapalo ghamubaghiliye, po akumpoka munyobe izya balwani bane.

Masalimo 34:6

Umuntu umupina uyu akalila, po u Mwene akamwivwa, sona akamupoka muntamyo zyache zyosi.

Masalimo 48:1

U Mwene mukulu nkani, yuyo amapalo ghamubaghiye. Tumupalaye mukaya kache akakulu nkani bo ali pighamba lyache izelu.

Masalimo 50:15

Munyitizyanje pakabalilo akantamyo, nkwiza pakubapoka po mukwiza pakunchindika.”

Masalimo 55:16

Loli nkumwitizya u Chala, po u Mwene akumpoka.

Masalimo 56:9

Po abalwani bane bakwiza pakunyokela kwisinda, pisiku lilyo nkwiza pakukwitizya ukuti unyavwe. Pachinichi inzimenye ukuti u Chala ali nane.

Masalimo 66:2

Imbagha inyimbo izyakulipala itabwa lyache ilichindamu, sona mumupalaye nu muchizi.

Masalimo 96:4

Pakuti u Mwene we mukulu, yuyo amapalo ghope ghamubaghiye nkani, sona abantu bosi bamunyilaye ukubachila abachala abanji.

Aba Loma 10:13

Pakuti Amasimbo ghakuti, “Umuntu wesi yuyo akulabila mwitabwa ilya Mwene akwiza pakupokiwa.”

Ubuvumbuli 4:11

“Wee, Mwene u Chala witu, pokela ubuchindamu nu muchizi na maka. Pakuti wewe ukapela ivintu vyosi; mubwighane bwako vikapeliwa nukuba nubumi.”

Ubuvumbuli 5:12

Bakimba umwakukolomoka bakati, “U Mwana uwa ng'ozi yuyo akaboliwa apokelaye ubulaghili nu bukabi, na mahala, na maka nu muchizi, nu buchindamu, sona na mapalo!”