2 Samuweli 22:32 - IBAYIBOLO 2024

³² Pakuti ataliko u Chala uyunji, loli u Mwene weka mpela. Litalipo ilyalabwe ilyakuvwamamo, loli u Chala weka mpela.

2 Samuweli 22:32 Iomraidhean Croise

2 Samuweli 23:3

U Chala uwa Izilayeli akanena, Ilyalabwe ilya Izilayeli likanena nane likati, ‘Nanti umuntu akubalaghila abantu mubwanaloli nanti akubalaghila umwakumunyila u Chala,

2 Samuweli 7:22

“Wee Mwene Uwamaka Ghosi, we mukulu nkani. Ukuyana namumo twivwila na makutu ghitu, atalipo nayumoyumo yuyo ayanite nawe, sona atalipo u Chala uyunji, loli awe we mwene mpela.

Yesaya 44:6

U Mwene Uwamaka Ghosi, u Chala Umutabuli uwa Izilayeli akuti, “Ane ne bwandilo sona ne bumalilo, atalipo u Chala uyunji loli ane nemwene.

Yesaya 44:8

Mutakatetemaye, mutanyilaye. Nkimba intakazifumusya zinizi nukuzinenela zila? Mwe bakaboni bane. Nkimba alipo u Chala uyunji ukwefyako ane? Awe, patalipo sona ibwe ilinji, intalimenyepo nalimolimo.”

Yesaya 45:21

Mwizaye sona lingannya inongwa yinyu pabulonjelo, baleka abanongwa banenezannye. Nkimba wewenu yuyo akanenela zila, zinizi pakubombiwa? Nkimba intakaba nene, ne Mwene, u Chala yuyo akupoka abantu bache? Atalipo u chala uyunji.

Yelemiya 10:16

U Chala uwa Yakobo atayanite nabo, pakuti we mupeli uwa vintu vyosi, Aba Izilayeli bantu bache babo akabasala, itabwa lyache we Mwene Uwamaka Ghosi.

Ukukumbusya Amalamulo 32:31

Abalwani babo bazimenye ukuti ilyalabwe lyabo litayanite ni Lyalabwe lyitu.

Ukukumbusya Amalamulo 32:39

Ilelo ennya, ane nemwene ne Chala, sona atalipo u chala uyunji. Nkumughogha umuntu nukumupa ubumi, Nkumuvulazya sona nkumupozya. Atalipo nayumoyumo umuntu uwakumupoka munyobe zyane.

Ukukumbusya Amalamulo 4:35

U Mwene akabalanjizya zinizi umwakuti mumanye ukuti u Mwene we Chala, sona nukuti atalipo uyunji.

1 Samuweli 2:2

“Atalipo nayumo yuyo muzelu ngati we Mwene, sona ataliko nayumoyumo yuyo ayanite nawe. Litalipo nalimolimo ilyalabwe ilinji, lilyo liyanite nu Chala witu.