2 Samuweli 22:28 - IBAYIBOLO 2024

²⁸ Awe ukubapoka abantu abakwiyisya, loli abantu abakwikwezya, ukubisya.

2 Samuweli 22:28 Iomraidhean Croise

Masalimo 12:5

“Pachifukwa ichakuti abadedebazu bakuyivyiwa, sona nukuti abapotwe bakukoloma, ane ne Mwene nkwiza pakuvundumuka. Ane ne Mwene nanena. Nkwiza pakubapoka munyobe izya babo bakubayivya.”

Masalimo 131:1

Wee Mwene, umoyo wane ghutakwituvya, sona amaso ghane ghatakwikwezya. Intakwikolezannya ni vintu ivipalapala, pamo vivyo vyakuswighisya kukwane.

Masalimo 138:6

Napapo u Mwene ali kumwanya, akubasungilila abantu abakwiyisya, loli abakwituvya akubamanyila pabutali bulo.

Masalimo 140:12

Inzimenye ukuti u Mwene ukubabombela mubwanaloli abapina, sona nukuti akubimila abapotwe.

Ukufuma 10:3

U Mozesi nu Aloni bakabuka kwa Falabo nukumubuzya ukuti, “U Mwene u Chala uwa ba Hebeli ati, ‘Nkimba uchili ukukana pakwiyisya pamaso papane? Ubitikizye abantu bane ukuti babukaye, umwakuti banganyiputa.

Ukufuma 18:11

Ilelo namanya ukuti, u Mwene wamaka nkani ukubachila abachala abanji bosi, pachifukwa ichakuti akabapoka aba Izilayeli munyobe izya ba Ijiputi, bo bakubayivya.”

Ivyili 21:4

Amaso aghakwikwezya nu moyo uwa mituvyo, vikumulongezezya umuntu pakubomba imbibi.

Yesaya 2:17

Bosi abakwitutumula bakwiza pakukoziwa isoni, sona bosi abamituvyo bakwiza pakwisiwa pasi. Loli u Mwene weyuyo akwiza pakukweziwa pisiku lilalila.

Yesaya 37:23

Nkimba wewenu yuyo ukumutuka nukumusamula? Nkimba wewenu yuyo ukumukwezezya izyu, nukwinusya amaso ghako umwakwituvya? Ku Muzelu uwa Izilayeli!

Yesaya 5:15

Umuntu akwisiwa pasi, sona akusamuliwa, abantu abakwikwezya bakwiza pakwisiwa.

Yesaya 63:9

Mumayimba ghabo ghosi wepe bulo akayimba, po uwantumi yuyo akaba palapala akabapoka, akabapoka mulughano lwache na muchisa chache. Akabanyamula nukubasenda mumasiku aghakale.

Daniyeli 4:37

Ilelo ane ne Nebukadineza, nkumupala, nkumukwezya, sona nkumuchindika u Mwene uwakumwanya pachifukwa ichakuti vyosi vivyo akubomba vyiza sona vigholosu. Sona amenye pakubisya abantu bosi babo bakwikwezya bene.

Matayi 5:3

“Basayiwa abantu babo bazimenye ukuti bapina mubuzimu, pakuti Ubumwene ubwa Kumwanya bwabo.

Luka 14:11

Pakuti umuntu wesi yuyo akwikwezya mwene akwiza pakwisiwa, sona umuntu wesi yuyo akwiyisya mwene akwiza pakukweziwa.”