2 Samuweli 22:25 - IBAYIBOLO 2024

²⁵ U Mwene ampa umuvwalo ukuyana nu bugholosu bwane. Akampa umuvwalo pachifukwa ichakuti ntenakalema nakamokamo pamaso papache.

2 Samuweli 22:25 Iomraidhean Croise

2 Samuweli 22:21

“U Mwene akampa umuvwalo ukuyana ni mbombo zyane ingolosu. Akansaya ukuyana ni nkalo yane inyiza.

1 Abamwene 3:6

U Solomoni akamwamula akati, “Wee Mwene wane, ukamughana nkani u tata wane u Devedi pachifukwa ichakuti akaba muntu musubiliwa nu mugholosu, sona wanaloli. Umughanite nkani, sona wamupa umwana umulumendo ukuti ikalaye pachitengo icha bumwene mupaka nilelo bulo.

Ivyili 11:31

Umuntu umugholosu akupokelagha umuvwalo pachisu ichapasi, loli umuntu umubibi akupokelagha ulufundo.

Ivyili 5:21

Pakuti u Mwene akuzyennya imbombo izya muntu, sona amaso ghache ghakwennya akendele kache kosi.

Yesaya 3:10

Babuzye abagholosu ukuti vikwiza pakubendela akiza, pakuti bakwiza pakwilagha ivikomwa ivya mbombo zyabo.

2 Aba Kolinti 5:10

Pakuti twebosi tubaghiye twime pamaso pa Mulongi u Kilisitu. Umuntu wesi akwiza pakupokela chicho chimubaghiye, ichiza pamo ichibibi, ukuyana namumo akabombezyanga umubili wache pachisu ichapasi pano.

1 Samuweli 26:23

U Mwene akumusaya umuntu pachifukwa icha bugholosu nu busubiliwa bwache. Ilelo u Mwene akubikite munyobe zyane, loli intakalondagha ukuti nkubombele ichintu ichibibi we mupakiwa uwa Mwene.