2 Samuweli 21:7 - IBAYIBOLO 2024

⁷ Loli u mwene akamupelela ichisa u Mefibosheti umwana uwa Yonatani, umwizukulu uwa Sabuli, pachifukwa ichakuti u Devedi nu Yonatani umwana uwa Sabuli bakalapa pamaso pa Mwene.

2 Samuweli 21:7 Iomraidhean Croise

2 Samuweli 16:4

Po u mwene akamubuzya u Ziba akati, “Ivintu vyosi vivyo vikaba vya Mefibosheti, losi ulu vyaba vyako.” U Ziba akati, “Wee mwene, ane ne wambombo wako. Po nkukulaba ukuti akabalilo kosi umpelelaye ichisa.”

2 Samuweli 19:25

Bo u Mefibosheti akufuma mu Yelusalemu pakukomana nu mwene, u mwene akamulalusya akati, “Wee Mefibosheti, choni chicho utakabuka poka nane?”

2 Samuweli 4:4

U Yonatani umwana uwa Sabuli akaba nu mwana yuyo inyayo zyache zyosi zibili zikaba ndemazu. Umwana yunuyu akaba we Mefibosheti, sona akaba na maka fayivi bo u Sabuli nu Yonatani baghoghiwa mu Yezileli. Umuntu yuyo akamulelagha akamunyamula nukuchimbila, loli bo ali palubilo lula, umwana yula akawa pasi nukulemala.

2 Samuweli 9:1

U Devedi akalalusya akati, “Nkimba atasyalako yumo uwa munyumba iya Sabuli uwakuti ningamupelela ichisa pachifukwa icha Yonatani?”

2 Samuweli 9:10

Awe poka na bana bako, sona na bambombo bako mulimaye ichisu chilachila nukwiza ni nyinulo, umwakuti umwizukulu uwa mwene wako abanje ni vyakulya. U Mefibosheti umwizukulu uwa mwene wako akwiza pakulya poka nane akabalilo kosi.” Pakabalilo kalakala u Ziba akaba na bana 15 na bambombo 20.

2 Samuweli 9:6

Bo u Mefibosheti umwana uwa Yonatani, umwizukulu uwa Sabuli iza pamaso pa Devedi, akafughama pasi. U Devedi akati, “Nkimba we Mefibosheti?” U Mefibosheti akamula akati, “Nene, ne wambombo wako.”

2 Samuweli 9:7

U Devedi akamubuzya akati, “Utakanyilaye. Nkulonda pakukupelela ichisa pachifukwa icha ghuso u Yonatani. Nkwiza pakukunyosezya ichisu chosi chicho chikaba cha ghusokulu u Sabuli, sona ukwiza pakulya poka nane akabalilo kosi.”

Umulumbilili 8:2

Ughivwilaye amalamulo agha mwene, pachifukwa ichakuti ukalapa pamaso pa Chala.

1 Samuweli 18:3

Po u Yonatani akafingana ulufingo nu Devedi, pachifukwa ichakuti akamughana nkani ngati mumo akiyighanila mwene.

1 Samuweli 20:12

U Yonatani akamubuzya u Devedi akati, “U Mwene, u Chala uwa Izilayeli abanje we kaboni. Akabalilo ngati kanaka ukulinda indabi, nkwiza pakumulalusya utata wane, nanti nagha ukuti akulonda pakukubombela ichintu ichiza, nkwiza pakukubuzya.

1 Samuweli 20:15

sona utakaleke nalumo pakubapelela ichisa abamunyumba yane, napapo u Mwene abazimizya abalwani bako bosi pachisu ichapasi.”

1 Samuweli 20:17

U Yonatani akamulapizya u Devedi ukuti atakaleke pakumughana, pachifukwa ichakuti u Yonatani akamughana nkani u Devedi ngati mumo akiyighanila mwene.

1 Samuweli 20:42

U Yonatani akamubuzya u Devedi akati, “Wende akiza pakuti twalapa ichilapo mwitabwa ilya Mwene pakunena ukuti, ‘U Mwene we kaboni pakasi papako nane, sona napa baluko lwako na baluko lwane bwila na bwila’ ” U Devedi akanyamuka nukubuka, po wepe u Yonatani akabwela kukaya akakulu nkani.

1 Samuweli 20:8

Loli awe, umpelele ichisa ne wambombo wako, pakuti tukafingana ulufingo pamaso pa Mwene. Nanti nananga, po ungoghe wewe nukuchila ukuti umbike munyobe izya ghuso.”

1 Samuweli 23:18

Po abantu babili bala bakafingana ulufingo pamaso pa Mwene. U Yonatani akabwela nukumuleka u Devedi akwikala ku Holeshi kulakula.

1 Samuweli 24:22

Po u Devedi akalapa vyosi vinivi pamaso pa Sabuli. U Sabuli akabwela kukaya kache, loli u Devedi na bantu bache bakanyokela mumpako mumo bakavwamagha.