2 Samuweli 21:16 - IBAYIBOLO 2024

¹⁶ Po u Ishibi Benobi, yumo uwaluko ulwa Lafa, yuyo impalala yache iya mukuba yikang'wama amakilogalamu matatu, sona akaba nupanga umupya kunyobe yache, akinong'ona nizya kumughogha u Devedi.

2 Samuweli 21:16 Iomraidhean Croise

Ubwandilo 14:5

Mumwaka uwa 14, u mwene u Kedololabomeli poka na bamwene abanji babo akapanga nabo akabukatila koka, bakalwa ubwite na bantu aba Lefayimu mukaya aka Ashitaloti Kalanayimu, na bantu aba mu Zuzimu naba mu Hamu, naba mu Emimu mwikombe ilya Kiliyatayimu,

Ubwandilo 6:4

Mumasiku ghalaghala na pisinda bulo kukabako abantu abatalitali abamaka nkani pachisu ichapasi, babo bakapapiwa mubakolo babo bakasendwa na bana aba Chala bala. Banaba bakaba bantu abamaka abakali, sona bamanyikwe.

2 Samuweli 21:18

Bo pachilapo akabalilo, kukabako ubwite naba Filisiti mu Gobi. Pakabalilo kalakala u Sibekayi uwamu Husha akamughogha u Safi uwaluko ulwa Lafa.

2 Samuweli 21:20

Kukabako sona ubwite mu Gati. Kulakula kukabako umuntu yumo umutali nkani, yuyo akaba nu tufingwi sikisi kunyobe zyosi zibili nu tusalala sikisi kunyayo zyosi zibili, po tosi poka tukaba 24. Umuntu yunuyu akaba waluko ulwa Lafa.

2 Samuweli 21:22

Banaba folo bakaba baluko ulwa Lafa, babo bakikala mu Gati, po u Devedi poka na basilikali bache bakabaghogha abantu bosi banaba.

2 Samuweli 5:18

Aba Filisiti bala bakiza nukusata mwikombe ilya Lefayimu.

Ukubelengiwa 13:22

Bakinjilila izila iya kukaya aka Negebu nukufika mukaya aka Hebuloni kako kakaba kaya aka ba Ahimani naba Sheshayi sona naba Talimayi babo bakaba baluko ulwa Anaki. (Akaya aka Hebuloni kakazengiwa amaka seveni, bo akaya aka Zowani aka mu Ijiputi kachili katazengiwe.)

Ukubelengiwa 13:28

Loli abantu aba muchisu chila bamaka, utwaya twabo tukulu nkani, sona tuli nu lupaso na malinga, ukonjelezyapo tukabennya abaluko ulwa Anaki kulakula.

Ukukumbusya Amalamulo 1:28

Nkimba tungabukako bulibuli? Tukunyila. Abakamu bitu babo tukabatuma pakuchitendela ichisu chila bakatuwisya amaka pakunena ukuti, abantu aba muchisu chila bamaka nkani, sona batalibatali bene ukutuchila. Utwaya twabo tukulu nkani, sona tuli nu lupaso na malinga ghagho ghafikite kumwanya. Kulakula tukabennya sona abantu abamaka nkani aba Anaki.”

Ukukumbusya Amalamulo 2:10

Uluko lwaba Emimu lukikalagha mulamula. Abantu banaba bakaba bamaka, sona bakaba binji nkani, umwakuti bakaba batalibatali bene ngati bo ba Anaki.

Ukukumbusya Amalamulo 2:11

Aba Anaki banaba poka naba Emimu bakitiziwanga ukuti ba Lefayimu. Loli aba Mowabu bakabitizyanga ukuti bo ba Emimu.

Ukukumbusya Amalamulo 2:21

Abantu banaba bakaba bamaka, sona bakaba binji nkani, umwakuti bakaba batalibatali bene ngati bo ba Anaki. Pope bulo u Mwene akabanangannya, sona aba Amoni bakachifyula ichisu chabo nukwikala mulamula.

Ukukumbusya Amalamulo 3:11

U Ogi u mwene uwamu Bashani umu Lefayimu, weyuyo akapona. Ichitala chache chikaba cha chela, ubutali bwache chikaba amamita folo, sona mububaba chikaba amamita mabili. Ichitala chilachila chichili chilipo nilelo mu Laba muchisu icha ba Amoni.

Ukukumbusya Amalamulo 9:2

Abantu aba mulamula bo baluko ulwa Anaki, babo bantu bamaka, sona batalibatali bene. Amwe mubamenye sona mwivuyepo nizya babo, “Nkimba wewenu yuyo angalwana na baluko ulwa Anaki?”

Yoshwa 11:22

Patakabapo nayumoyumo umu Anaki yuyo akasyala mumi mu Izilayeli. Loli abanandi bulo mu Gaza na mu Gati sona na mu Ashidodi.

Yoshwa 15:14

U Kalebu akabachimbizyamo abana aba Anaki, u Sheshayi nu Ahimani, sona nu Talimayi, babo bakaba baluko ulwa Anaki.

1 Samuweli 17:7

Amino agha mpalala yila ghakaba ngati chikwi ichakulukila amenda chicho ubung'wamu bwache bukaba pipipipi amakilogalamu seveni. Pantazi papache pakendagha umuntu uwakumunyamulila ingulu.