2 Samuweli 21:10 - IBAYIBOLO 2024

¹⁰ U Lizipa umwana umulindu uwa Ayiya akasenda isaka nukutenga pilyalabwe lila, papo pakaba imivimba yila, nukwikala palapala bo akabalilo akakwinulila kanda mupaka pakabalilo kako ivula yikandagha pakutima. Pamusanya akavichimbizya iviyuni pa mivimba yila, sona pabusiku akavizighililagha ivinyamana ivya muzi.

2 Samuweli 21:10 Iomraidhean Croise

Ubwandilo 40:19

Bo ghachilapo amasiku matatu u Falabo akwiza pakukufumya muno, sona akwiza pakukudumula umutu wako. Umuvimba wako akwiza pakughupayika pikwi, sona iviyuni vikwiza pakughulya.”

2 Samuweli 21:11

Bo u Devedi ivwa zizyo u Ayiya umwana uwa Lizipa, yuyo akaba muchi umuzya uwa Sabuli akabombagha,

2 Samuweli 3:7

U Sabuli akaba nu muchi wache umuzya yuyo akaba we Lizipa, umwana umulindu uwa Ayiya. Po u Ishibosheti akamubuzya u Abinala akati, “Nkimba choni chicho ukaghonana nu muchi umuzya uwa tata wane?”

1 Abamwene 21:27

Bo u Ahabu ivwa amazyu ghanagha akazepula amenda ghache, nukuvwala amasaka, sona akatuzya pakulya. Akalambalala bo avwalite amasaka nukwanda pakwenda bo asulumanizye ni chitima ichikulu nkani.

Yelemiya 14:22

Nkimba alimo yumo u chala umumyasi, pakasi pa inko izinji yuyo angapela ivula? Nkimba mumwanya mungapela ivula? Wee Mwene u Chala witu, awe wewe wemwene. Pakuti tukusubiye wenewe mpela pakuti wewe ukuzibomba zyosi zinizi.”

Ezekiyeli 39:4

Ukwiza pakufwila pamaghamba agha Izilayeli, awe poka na basilikali bako bosi. Ukwiza pakuba chakulya icha luko losi ulwa viyuni ni vinyamana ivya munkolongo.

Hoseya 6:3

Zagha tumumanye u Mwene, zagha tulemezye nkani pakumumanya. Naloliloli akwiza pakuboneka ngati ko kubuche. Akwiza pakutwizila ngati mumo yibeleye ivula pachisiku, sona ngati mumo yikutimila ivula pachisu ichapasi pakabalilo aka lupepo.”

Yoweli 1:18

Ivitekwa vikukoloma, pachifukwa icha zala. Umudimo uwa ng'ombe ghukwendakwenda bulo, pachifukwa ichakuti isote nalimo, zyope ing'ozi zikuyimba nkani.

Yoweli 2:23

Mwee bantu aba mu Ziyoni hobokagha, sona sekelagha mwa Mwene u Chala winyu, pakuti abapa ivula iyakwanda, sona abapa ivula inyinji, ivula iya chisiku niya lupepo ngati yakale.

Zekaliya 10:1

Mulabaye ivula kwa Mwene pakabalilo aka chisiku, yuyo akutuma amabingu aghavula, sona akubapa abantu ivula iyakusalasata, akumezya ivibyalwa mumaghunda agha muntu wesi.

Ukukumbusya Amalamulo 11:14

po ane nkwiza pakubatumila ivula muchisu chinyu pakabalilo aka lupepo na pachisiku, umwakuti mwinule ingano, nukuba nu vinyo umupya, na mafuta agha misyunguti aminji nkani.

Ukukumbusya Amalamulo 21:13

Avule amenda ghache ghagho akavwala pakabalilo kako ukamulemela. Po ikale munyumba yako, sona amulile uwise nu nyina umwezi ghosi. Pisinda pache angaba muchi wako.

Ukukumbusya Amalamulo 21:22

Nanti umuntu aghoghiwa pachifukwa ichakuti aghiwa ninongwa, sona nanti umuvimba wache ghupayikiwe pikwi,

Ukukumbusya Amalamulo 21:23

umuvimba ghula ghutakaghone pikwi lila pabusiku. Mwenelezye ukuti mwaghusyila pisiku lilalila, pakuti umuntu wesi yuyo apayikiwe pikwi, aghuniwe nu Chala. Mutakachinyazyanje ichisu chicho u Mwene u Chala winyu akubapa ukuti chibanje mpyana yinyu.

1 Samuweli 17:44

Akamubuzya u Devedi akati, “Zagha kuno, nkwiza pakuvisumbila iviyuni ni vinyamana umuvimba wako.”

1 Samuweli 17:46

Umusanya ughu u Mwene akwiza pakukubika munyobe zyane sona nkwiza pakukukoma nukukudumula umutu. Umusanya ughu nkwiza pakuvisumbila iviyuni ni vinyamana imivimba iya basilikali aba Filisiti, sona ichisu chosi ichapasi chikwiza pakumanya ukuti mu Izilayeli alimo u Chala.