2 Samuweli 20:15 - IBAYIBOLO 2024

¹⁵ Abasilikali bosi babo bakaba poka nu Yowabu bakamuzyungulila u Sheba yuyo akaba mu Abeli Beti Maaka. Bakalima isabi iya bwite umwakuzyungulila akaya kala mupaka mumwanya. Bo bakumongolannya ulubumba,

2 Samuweli 20:15 Iomraidhean Croise

2 Samuweli 20:14

U Sheba akadumusannya munko zyosi izya Izilayeli nukufika mu Abeli Beti Maaka, kuko aba Beeli bosi bakabungana poka nukumukonka.

1 Abamwene 15:20

U Beni Hadadi akivwana nu mwene u Asa nukubatuma abasongo aba basilikali pakulwa ubwite nutwaya utukulu utwa mu Izilayeli. Po akakapota akaya aka Iyoni naka Dani naka Abeli Beti Maaka, poka ni chigaba chosi icha Nyanja iya Galileya, poka ni chisu icha Nafutali.

2 Abamwene 15:29

Pakaba po pakabalilo aka mwene u Peka uwamu Izilayeli, kako u mwene u Tigilati Pileseli uwamu Asiliya akakafyula akaya akakulu nkani aka Iyoni naka Abeli Beti Maaka naka Yanowa naka Kedeshi, sona naka Hazoli. Akachifyula ichigaba icha Giliyadi, nicha Galileya sona ni chisu chosi icha Nafutali nukubasenda abantu bosi aba mula nukubuka nabo ku Asiliya pakuba bakayidi.

2 Abamwene 19:32

“Polelo izi zyo zizyo u Mwene akunena ukuyana nizya mwene uwamu Asiliya akuti, ‘Atakwiza pakwinjila mukaya akakulu nkani pamo pakulasamo akalasilo nakamokamo. Nayumoyumo umusilikali yuyo ali ni ngulu akwiza pakupalamila mukaya kala, pamo ukuzengapo amakwelelo.

Umulumbilili 9:14

Kale kukabako akaya kamo akanandi nkani, kako mukabamo abantu abanandi bulo. U mwene uwamaka nkani akalwa nako ubwite, po akiyannya pakumongola ulupaso ulwa kaya kala.

Yesaya 37:33

“Polelo izi zyo zizyo u Mwene akunena ukuyana nizya mwene wamu Asiliya akuti, Atakwiza pakwinjila mukaya akakulu nkani, pamo pakulasamo akalasilo nakamokamo. Nayumoyumo umusilikali yuyo ali ni ngulu akwiza pakupalamila mukaya kala, pamo ukuzengapo amakwelelo.

Yelemiya 32:24

“Ennya namumo abalwani bazengeye amakwelelo umwakuti bakafyule akaya akakulu nkani aka Yelusalemu. Pachifukwa icha bwite, nizala ni chiwaya akaya kanaka kakwiza pakubikiwa munyobe izya bantu aba mu Babiloni. Zizyo mukanena zyabombiwa ngati mumo mukwenezya.

Yelemiya 33:4

Pakuti umu momumo u Mwene, u Chala uwa Izilayeli akunenela nizya nyumba izya mukaya akakulu nkani nizya nyumba izya bamwene aba mu Yuda zizyo zimongoliwe ukuti bazengele amalinga agha kukazighilila akaya akakulu nkani, pakabalilo aka bwite.

Yelemiya 6:6

U Mwene Uwamaka Ghosi akuti, “Dumula amakwi nukuzenga ulubumba umwakukazyungulila u Yelusalemu. Akaya kanaka kabaghiye pakufundiwa, pakuti kakubayivya abantu.

Ezekiyeli 4:2

Po yannya injelwa pakuba ngati kaya akakulu nkani. Uzenge ulubumba abalwani bakukazighilila akaya, uzenge ivighemo ni chitembe, sona uzenge ni visakasa umwakukazyungulila akaya kosi na kosi.

Luka 19:43

Akabalilo kakwiza bo abalwani bako bakwiza pakukuzyungulila kosi na kosi. Bakwiza pakubakanizya abantu bako pakufuma kuzi nukwinjila mukasi.