2 Samuweli 20:10 - IBAYIBOLO 2024

¹⁰ U Amasa atakamwennya upanga yuyo akaba munyobe iya Yowabu, po u Yowabu akamulasa mulwanda nupanga yula koka bulo, sona amala ghakafumila kuzi nukufwa palapala. U Yowabu poka nu wamwabo u Abishayi bakamulondelezya u Sheba umwana uwa Bikili.

2 Samuweli 20:10 Iomraidhean Croise

Ubwandilo 4:8

Po u Kayini akamubuzya umuzuna wache u Abeli akati, “Twende kumughunda.” Bo bali kumughunda, u Kayini akamusambukila umuzuna wache u Abeli nukumughogha.

2 Samuweli 2:23

Loli u Asaheli atakaleka pakumuchimbizya, po u Abinala akamulasa u Asaheli palwanda ni mpalala mupaka yikafumizannya kunyuma. U Asaheli akawa pasi nukufwila palapala. Umuntu wesi yuyo akiza papo u Asaheli akawila akima palapala.

2 Samuweli 20:9

U Yowabu akamulamuka u Amasa akati, “Wee wamwitu, mwaghona?” Po u Yowabu akazilema indevu izya Amasa ni nyobe yache indilo ukuti amufyofyonte.

2 Samuweli 3:27

Bo u Abinala anyokela ku Hebuloni, u Yowabu akamusendela papipi nu mulyango uwa kaya kala ngati po akulonda pakunenezannya nawe kubusyefu. Po kulakula akamughogha ukutanizya ubufwe ubwa wamwabo u Asaheli. U Yowabu akamulasa palwanda, po akafwa.

1 Imbili 12:2

Abasilikali banaba bakaba nubwele sona bakamanya nkani pakulasa nu tulasilo ni fyata pakubombezya inyobe indilo pamo iyamongo. Bosi banaba bakaba bakamu ba Sabuli, abaluko ulwa Benjamini.

Yelemiya 41:2

u Ishimayeli umwana uwa Netaniya sona na banavuli 10 babo bakaba nawe bakawesa upanga wabo nukumughogha u Gedaliya umwana uwa Ahikamu, umwana uwa Shafani, nukumughogha nupanga umuntu yuyo u mwene uwa ku Babiloni akamusala pakuba we mulaghili uwa chisu.

Ukubelengiwa 35:20

Nanti umuntu akumuvwamilila umuntu uwamwabo nukumulasa ni chibombelo pachifukwa icha lubengo bulo nukumughogha,

Abalongi 3:15

Loli aba Izilayeli bakamulilila u Mwene, po akabatumila umuntu uwakuti abapoke. Umuntu yunuyu akaba we Ehudi, uwa nyobe iya mongo, umwana uwa Gela, yuyo akaba waluko ulwa Benjamini. Aba Izilayeli bakamutuma u Ehudi pakumupa u mwene u Egiloni ivyabupi.

Abalongi 3:21

u Ehudi akawesa upanga wache ni nyobe yache iyamongo, yuyo akamupinyilila pa ntapatapa iya kundilo nukumulasa nawe palwanda lwache.

1 Samuweli 26:8

U Abishayi akamubuzya u Devedi akati, “Ilelo u Chala amubika umulwani wako munyobe zyako. Po unyitikizye ukuti imulase ni mpalala yane nukumusimikila pasi lyoka bulo. Te imulase kabili, awe.”