2 Samuweli 20:1 - IBAYIBOLO 2024

¹ Pakabalilo kalakala kukabako umuntu yumo uwa mwalwemwalwe yuyo akaba we Sheba umwana uwa Bikili, umu Benjamini. U Sheba akalizya ipati nukukolomoka ukuti, “Aswe tute ni chigaba nachimochimo mwa Devedi, sona tute ni mpyana mu mwana uwa Yese. Mwee ba Izilayeli umuntu wesi abwelaye ku chisakasa chache.”

2 Samuweli 20:1 Iomraidhean Croise

Ubwandilo 46:21

Abana aba Benjamini bo aba: U Bela nu Bekeli nu Ashibeli nu Gela nu Naamani nu Ehi nu Loshi nu Mupimu nu Hupimu sona nu Alidi.

2 Samuweli 15:10

U Abisalomu akabatuma abatendezi ku inko zyosi izya ba Izilayeli nukuti, “Nanti mwivwa bulo amapati, po mutinji, ‘U Abisalomu we mwene uwamu Hebuloni.’ ”

2 Samuweli 16:11

Po u Devedi akamubuzya u Abishayi poka na makambala ghache ghosi akati, “Nanti umwana wane nu wane akulonda pakungogha. Po umu Benjamini uyu angaleka bulibuli pakunguna? Muleke bulo, angune pakuti we Mwene yuyo amubuzya ukuti abombe bunubu.

2 Samuweli 16:7

Bo akumughuna, u Shimeyi akati, “Epapo pano, we mughoghi, wee muntu wamwalwemwalwe.

2 Samuweli 18:17

Abasilikali bala bakasenda umuvimba uwa Abisalomu nukughusumbila muchiliba ichitali nkani mumusitu mula, sona bakalundikapo ichibunga icha mabwe. Pakabalilo kalakala aba Izilayeli bosi bakachimbilila mutwaya twabo.

2 Samuweli 20:2

Po aba Izilayeli bosi bakamutoloka u Devedi nukumukonka u Sheba umwana u Bikili. Loli abaluko ulwa Yuda bakaba kulubazu ulwa mwene wabo, ukwandila ku Yolodani mupaka ku Yelusalemu.

2 Samuweli 20:22

Pakubombezya amahala ghache, umukolo yula akabuka ku bantu bosi pakubabuzya zinizi. Po bakamudumula umutu u Sheba umwana uwa Bikili nukumusumbila u Yowabu. U Yowabu akalizya ipati, po abantu bosi bakafumamo mukaya kala, sona umuntu wesi akabwela kunyumba yache. U Yowabu akanyokela kwa mwene mu Yelusalemu.

2 Samuweli 23:6

Loli abantu ababibi bakwiza pakusumbiwa kuzi ngati mivwa, ghagho umuntu atangaghalema ni nyobe zyache.

1 Abamwene 12:16

Bo aba Izilayeli bazyaghannya ukuti u mwene atakubateghelezya, bakamwamula bakati, “Aswe tute ni chigaba nachimochimo mubumwene ubwa Devedi. Wee, epapo pano! Mwee ba Izilayeli, zagha tubwelaye kuvisakasa vyitu. Wee mwana uwa Devedi, manya utwako na bamunyumba yako.” Po aba Izilayeli bosi bakabwela mutwaya twabo.

1 Abamwene 21:10

Mubikazye abantu abasita mbombo babili umwakwenannya nawe ukuti bamulonjelele ukuti bakamwivwa akumughuna u Chala poka nu mwene. Po mumusendele kuzi ukwa kaya akakulu nkani nukumughogha na mabwe.”

2 Imbili 10:16

Bo aba Izilayeli bazyaghannya ukuti u mwene atakubateghelezya, bakamwamula bakati, “Aswe tute ni chigaba nachimochimo mubumwene ubwa Devedi. Wee, epapo pano! Mwee ba Izilayeli, zagha tubwelaye kuvisakasa vyitu. Wee mwana uwa Devedi, manya utwako na bamunyumba yako.” Po aba Izilayeli bosi bakabwela mutwaya twabo.

2 Imbili 10:6

U mwene u Lehobowamu akababuzikizya abasongo babo bakamubombelagha uwise u Solomoni, bo achili mumi. Akabalalusya akati, “Nkimba imbamule ichoni abantu banaba?”

Masalimo 17:13

Wee Mwene vundumuka, ubapotaye nukubawisya pasi, sona bombezya upanga wako umpokaye munyobe izya bantu ababibi.

Masalimo 34:19

Umugholosu angaba nintamyo inyinji nkani, loli u Mwene akumupoka muntamyo zyosi zinizi.

Ivyili 25:8

utakachimbililaye nazyo pamaso pa balongi, po ukwiza pakubomba choni pabumalilo nanti umupalamani wako akukozya isoni?

Ivyili 26:21

Ngati mazimwa agha moto uwakwaka, sona ngati nkwi pamoto, chiyanite bulo nu muntu yuyo akupela ivyongo.

Maliko 3:24

Nanti ubumwene bwasambukilana bwenebwene, ubumwene bula butangendelela,

Luka 19:14

Loli abantu aba mukaya kache bakamubenga, po bakatuma intumi ukuti, ‘Aswe tutakumulonda umuntu uyu pakuba we mwene witu.’

Luka 19:27

Loli abalwani bane babo batakandondagha ukuti imbanje ne mwene wabo, mwize nabo kuno nukubaghogha pamaso papane.’ ”

Yohani 13:8

U Pitala akati, “Awe, ute ukansukuzyepo nalumolumo inyayo zyane.” U Yesu akamula akati, “Nanti intakusukuzya inyayo zyako, utakwiza pakubapo nalumolumo sona mumanyili wane.”

Ukukumbusya Amalamulo 13:13

ukuti abantu ababibi biza pakasi papinyu, sona babasovya abantu mutwaya twabo ukuti, “Mwebaya zagha tubiputaye abachala abanji,”

Abalongi 19:22

Bo bali pakwilagha ichakulya chila, abantu bamo ababibi abamwalwe aba mukaya akakulu nkani kala, bakayizyungulila inyumba yila. Bakanda pakulukoma ulwiyi nukumubuzya umuntu umughosi yula umwenecho uwa nyumba ukuti, “Mufumye kuzi umuntu yuyo izite munyumba yako ukuti tughonane nawe.”

Abalongi 3:27

Bo afika muchisu icha mumaghamba icha Efulayimu, akalizya ipati, ukubitizya aba Izilayeli pakulwa ubwite. Po akabalongolela pakwika pighamba.

Luti 2:3

Po u Luti akabuka nukwanda pakusalala mwisinda mu binuli bala. Zikabombiwa ukuti akafika mumughunda uwa Bowazi, yuyo akaba waluko ulwa Elimeleki.

1 Samuweli 13:2

U Sabuli akabasala aba Izilayeli 3,000. Aba Izilayeli 2,000 bakaba poka nawe mu Mikimashi muchisu icha mumaghamba icha Beteli, sona aba Izilayeli 1,000 bakaba poka nu Yonatani mu Gibeya muchisu icha Benjamini. Po u Sabuli akababwezya aba Izilayeli abanji bosi kutwaya twabo.

1 Samuweli 2:12

Abana aba Eli bakaba babibi nkani, babo batakamuchindikagha u Mwene.

1 Samuweli 30:22

Abantu bamo ababibi sona na bapela ntamyo babo bakabuka poka nu Devedi bakati, “Pachifukwa ichakuti abantu banaba batakabuka poka naswe, tutakwiza pakugabana nabo ivintu vivyo tukafyula. Loli umwanavuli wesi angamusenda umuchi wache poka na bana bache nukubuka.”