2 Samuweli 2:26 - IBAYIBOLO 2024

²⁶ U Abinala akamwitizya u Yowabu akati, “Nkimba twendelelaye pakulwa bwila na bwila? Fwandi utakuzyaghannya ukuti ubumalilo bwache bukwiza pakuba bwakubaba? Nkimba ukwiza pakubakanizya liyi abantu bako ukuti baleke pakutuchimbizya?”

2 Samuweli 2:26 Iomraidhean Croise

2 Samuweli 11:25

U Devedi akayibuzya intumi yila akati, “Umubuzye u Yowabu uti, ‘Utakapasye nazyo zinizi, pakuti utakuzimanya ukuti wewenu yuyo angafwa kubwite. Jimba umoyo pakulwa ubwite nakaya kala nukukapota.’ Po buka umukazye u Yowabu.”

2 Samuweli 2:14

Po u Abinala akamubuzya u Yowabu akati, “Abalumendo binyu bamo bize pakulwana na balumendo bitu pamaso papitu.” U Yowabu akitika akati, “Chiza bulo, bize pakulwa.”

2 Samuweli 2:16

Umuntu wesi akalema umutu uwa mulwani wache nukumulasa mulubazu nupanga, po abalumendo bosi 24 bala bakafwila poka. Ichi cho chifukwa ubuzilo bula bakabwita ukuti Helikati Hazulimu, sona buli mu Gibeyoni.

2 Samuweli 2:25

Aba Benjamini bakabungana poka pakuba akabukatila koka pakumwavwa u Abinala, po bakimilila pamwanya pighamba.

2 Samuweli 2:27

U Yowabu akamula akati, “Naloli nkulapa pamaso pa Chala ukuti nanti utakanenapo, abantu bane ngali bakendelela pakukuchimbizya mupaka pandabindabi.”

Yobu 18:2

Nkimba ukwiza pakuleka liyi pakunena bunubu? Banga na mahala, po tunganenezannya.

Yobu 19:2

“Nkimba ukwiza ukuleka liyi pakuntamya nukunvulazya na mazyu ghako?”

Masalimo 4:2

Mwee bantu, nkimba mukwiza pakunkozya isoni mupaka liyi? Nkimba choni chicho muvighanite vivyo vite ni mbombo, nukubabombela abachala abamyasi?

Ivyili 17:14

Ukunyamusya ivyongo kuli ngati ko kwighula amizi pachiziba, po chiza pakukanizya ivyongo bo vichili nukusata.

Yesaya 1:20

Loli nanti mukunkana nukunsambukila mukwiza pakughoghiwa nupanga.” Pakuti ane ne Mwene nanena.

Yelemiya 12:12

Abakunangannya bakwiza mubuzilo bosi ubwapamwanya bubo buli munkolongo. Pakuti ubwite ubwa Mwene bukwiza pakuchinangannya ichisu ukwandila kubwandilo mupaka kubumalilo, sona atalipo nayumoyumo uwakupona.

Yelemiya 2:30

“Nkabafunda abantu aba mu Yuda, pope batakamanyilapo nachimochimo. Mukabaghogha abalaghuzi nupanga ngati nkalamu yiyo yikalaye.

Yelemiya 4:21

Nkimba imbaghiye pakwennya indembela iya bwite mupaka liyi? Nkimba imbaghiye pakwivwa ukulila ukwa ipati mupaka liyi?

Yelemiya 46:10

Loli isiku lila ilya Mwene Uwamaka Ghosi, isiku ilya kutanizya, akubatanizya abalwani bache. U panga wache akwiza pakubanangannya, nukung'wela ibanda mupaka ikute. Pakuti u Mwene Uwamaka Ghosi akwiza pakubika ichakwiyipa, muchisu icha kumitu papipi nu lusoko ulwa Yufuleti.

Yelemiya 46:14

“Fumusya mukaya akakulu aka Ijiputi, lumbilila mu Migidoli mu Memfisi sona na mu Tapanesi, ‘Iyannya pakwipoka, pakuti ubwite bukwiza pakubanangannya bosi babo babazyunguliye.’

Hoseya 11:6

Ubwite bukwiza pakunangannya utwaya twabo utukulu nkani, bukwiza pakunangannya sona impingwi izya nyiyi, nukumazya imbatiko zyabo zyosi.

Imbombo 7:26

Indabi yache akabennya aba Izilayeli babili bakulwa benebene, akayezya pakubamanyannya. Akanena ukuti, ‘Mwe bantu, mwe bana muntu, po nkimba choni chicho mukulwa bunubu?’