2 Samuweli 2:19 - IBAYIBOLO 2024

¹⁹ Akamuchimbizya u Abinala, sona akagholoka bulo bo akumuchimbizya.

2 Samuweli 2:19 Iomraidhean Croise

2 Samuweli 2:18

Abana batatu aba Zeluya babo bakaba kulakula bakaba Yowabu nu Abishayi, sona nu Asaheli. U Asaheli akaba walubilo nkani ngati mbabala.

2 Samuweli 2:20

U Abinala akaghalabuka nukulalusya ukuti, “Fwandi we Asaheli?” U Asaheli akamwamula akati, “Nene.”

2 Samuweli 2:21

Po u Abinala akamubuzya akati, “Paghukila kundilo pamo kumongo. Umuleme weka uwa basilikali nukumufyula ivilwilo vyache.” Loli u Asaheli atakaleka pakumuchimbizya u Abinala.

2 Samuweli 3:27

Bo u Abinala anyokela ku Hebuloni, u Yowabu akamusendela papipi nu mulyango uwa kaya kala ngati po akulonda pakunenezannya nawe kubusyefu. Po kulakula akamughogha ukutanizya ubufwe ubwa wamwabo u Asaheli. U Yowabu akamulasa palwanda, po akafwa.

2 Samuweli 3:30

U Yowabu nu wamwabo u Abishayi bakamughogha u Abinala pachifukwa ichakuti akamughogha uwamwabo u Asaheli kubwite mu Gibeyoni.

2 Abamwene 22:2

Akamuhobosya u Mwene pakubomba ingolosu, sona akabombagha zyosi zizyo umunyenya wache u Devedi akabombagha, po atakapaghukila kundilo pamo kumongo.

Ivyili 4:27

Utakapaghukilaye kundilo pamo kumongo, utakendayemo muzila inyonganu.

Yoshwa 1:7

Ubanje bulo nu lweke, sona ujimbaye. Wenelezye nkani ukuti ukughakonka amalamulo ghosi ghagho umubombi wane u Mozesi akakupa. Utakachele pakupaghukila kundilo pamo kumongo, umwakuti vyosi vikwendelaye akiza kosi kuko ukubuka.

Yoshwa 23:6

“Polelo muchebaye nkani, sona mwenelezye ukuti mukughakonka amalamulo ghosi ghagho ghasimbiwe mwibuku ilya Ndaghilo izya Mozesi. Mutakalusulaye ululaghilo nalumolumo.