2 Samuweli 2:1 - IBAYIBOLO 2024

¹ Bo pachilapo akabalilo, u Devedi akamubuzikizya u Mwene akati, “Nkimba ningabuka pakwikala mukaya akakulu nkani kamo aka mu Yuda?” U Mwene akamubuzya akati, “Bukagha.” Po u Devedi akamulalusya u Mwene akati, “Imbuke kwiyi?” U Mwene akamwamula akati, “Bukagha ku Hebuloni.”

2 Samuweli 2:1 Iomraidhean Croise

Ubwandilo 13:18

Po u Abulamu akasamya ivisakasa vyache nukuzenga papipi na makwi agha mupandapanda pabuzilo ubwa Mamule mukaya aka Hebuloni. Kulakula akamuzengela ichighemo u Mwene.

Ubwandilo 32:2

U Yakobo akati, “Ichi cho chisakasa icha Chala.” Po ubuzilo bula akabwita ukuti Mahanayimu.

2 Samuweli 15:7

Bo pachilapo amaka folo, u Abisalomu akamubuzya u mwene akati, “Unyitikizye ukuti imbukaye ku Hebuloni pakukwanilisya ichilapo chicho nkalapa kwa Mwene.

2 Samuweli 2:11

U Devedi akaba we mwene uwa luko ulwa Yuda mu Hebuloni amaka seveni na mezi sikisi.

2 Samuweli 5:19

Po u Devedi akamubuzikizya u Mwene akati, “Nkimba imbukaye pakulwa ubwite naba Filisiti? Nkimba ukwiza pakubabika munyobe zyane?” U Mwene akamwamula akati, “Bukagha, naloli nkwiza pakubabika aba Filisiti munyobe zyako.”

2 Samuweli 5:23

Po u Devedi akamubuzikizya u Mwene, po akamwamula akati, “Utakalwanje nabo ubwite umwakwenannya nabo, loli ulwe nabo ukufumila kwisinda, kupipi na makwi agha balisamu.

1 Abamwene 2:11

U Devedi akalaghila muchisu icha Izilayeli amaka 40, kokuti amaka seveni bo ali mu Hebuloni, sona amaka 33 bo ali mu Yelusalemu.

1 Imbili 29:7

Ivintu vivyo bakabika pambombo vikaba vyo ivi: Amakilogalamu 170 agha golide na makilogalamu 340 agha siliva na makilogalamu 620 agha mukuba sona na makilogalamu 3,400 agha vyela.

2 Imbili 11:10

naka Zola naka Ayaloni sona naka Hebuloni. Utu tukaba twaya utukulu nkani utwa malinga mu Yuda na muchisu icha Benjamini.

Masalimo 143:8

Pandabindabi posi unkumbusyanje nizya lughano lwako, lulo lutakupotwapo nalumolumo, pakuti nkusubiye wewe. Undanjizyanje izila iyakuti nendayemo, pakuti nkwiputa kukwako.

Masalimo 27:4

Ichintu choka chicho nkumulaba u Mwene, chicho nkachilonda nkani chakuti, nikalaye mu Nyumba iya Mwene mumasiku ghosi agha bumi bwane. Umwakuti nennyanje akabonekele akiza aka Mwene, sona nukuti imulondaye mu Nyumba yache.

Ezekiyeli 36:37

“U Mwene Uwamaka Ghosi akuti: Chicho nkwiza pakubamula sona aba Izilayeli bo bali pakulaba kukwane ukuti imbabombele chakuti, imbabalizye babe ngati mudimo uwa ng'ozi,

Ukubelengiwa 13:22

Bakinjilila izila iya kukaya aka Negebu nukufika mukaya aka Hebuloni kako kakaba kaya aka ba Ahimani naba Sheshayi sona naba Talimayi babo bakaba baluko ulwa Anaki. (Akaya aka Hebuloni kakazengiwa amaka seveni, bo akaya aka Zowani aka mu Ijiputi kachili katazengiwe.)

Ukubelengiwa 27:21

Imilile pamaso pa muputi u Eleyazala, yuyo akwiza pakubumanya ubwighane ubwa Mwene pakubombezya u Ulimu nu Tumimu. Umu momumo akwiza pakuchilongozezya ichilundilo chosi, nukumulamula u Yoshwa, poka ni chilundilo chosi icha ba Izilayeli.”

Yoshwa 15:13

Ukuyana namumo u Mwene akamulamulila u Yoshwa, ichi cho chigaba icha Yuda chicho u Yoshwa akamupa u Kalebu, umwana uwa Yefune: Akaya aka Kiliyati Aliba, kokuti Hebuloni. Aliba akaba we munyenya uwa ba Anaki.

Abalongi 1:1

Bo u Yoshwa afwa aba Izilayeli bakamulalusya u Mwene bakati, “Nkimba luko loni lulo lukwiza pakuba lwakwanda pakulwa ubwite naba Kenani?”

1 Samuweli 10:22

Po bakamubuzikizya u Mwene bakati, “Nkimba umuntu yunuyu iziteko kuno?” U Mwene akamula akati, “Eee, avwamite pakasi pakatundu.”

1 Samuweli 23:2

akamubuzikizya u Mwene akati, “Nkimba ningabuka pakulwa ubwite naba Filisiti?” U Mwene akamwamula akati, “Kalwe nabo, umwakuti ukapoke akaya aka Keyila.”

1 Samuweli 23:4

U Devedi akamubuzikizya sona u Mwene, po u Mwene akamwamula akati, “Bukagha ku Keyila, pakuti nkwiza pakubabika aba Filisiti munyobe zyako.”

1 Samuweli 30:31

naba mu Hebuloni sona na bosi aba mutwaya utukulu nkani tuto u Devedi na bantu bache bakendaghako.