2 Samuweli 19:5 - IBAYIBOLO 2024

⁵ Po u Yowabu akinjila munyumba mumo mukaba u mwene nukuti, “Ilelo wabakozya isoni abasilikali bako bosi babo bakupoka awe na bana bako abalumendo na balindu na bachi bako sona na bachi bako abazya.

2 Samuweli 19:5 Iomraidhean Croise

2 Samuweli 15:30

Loli u Devedi akendelela nu bulendo bwache ubwa kwi Ghamba ilya Misyunguti, bo akulila. Akivwinka kumutu, sona atakavwala inkwato. Abantu bosi babo bakaba nawe bope bakivwinka kumitu, sona bakalilagha, bo bakubuka.

2 Samuweli 18:17

Abasilikali bala bakasenda umuvimba uwa Abisalomu nukughusumbila muchiliba ichitali nkani mumusitu mula, sona bakalundikapo ichibunga icha mabwe. Pakabalilo kalakala aba Izilayeli bosi bakachimbilila mutwaya twabo.

2 Samuweli 19:13

Akamubuzya u Amasa akati, ‘Nkimba awe te we wamwitu umwenecho? U Chala anfunde nkani nanti ukwanda ilelo utakuba we songo uwa basilikali mubuzilo ubwa Yowabu.’ ”

2 Samuweli 19:4

U mwene akavwinka icheni chache nukulila nkani ukuti, “Wee, mwana wane Abisalomu! Wee, Abisalomu. Wee mwana wane!”

2 Samuweli 19:6

Awe ubaghanite nkani abantu babo bakukubenga sona ubabengite nkani abantu babo bakughanite. Ilelo walanjizya pabuzelu nkani ukuti utakubapasikizya abosongo aba basilikali na bantu babo. Nkwennya ukuti nanti u Abisalomu atakafwanga ngali wahoboka nkani, sona nukuti twebosi ngali tufuye.

2 Samuweli 3:39

Ilelo inte na maka sona, napapo ne mwene umupakiwa, sona abana aba Zeluya bamaka nkani ukunchila. U Mwene amutanizye umuntu umubibi yunuyu ukuyana nu bubibi bwache.”

Nehemiya 9:27

Po ukababika munyobe izya balwani, babo bakabayivya nkani. Loli bo bayimba nkani, bakakulilila. Po kumwanya uko ukabivwa sona pachifukwa icha chisa chako ukabatumila abantu pakubapoka munyobe izya balwani babo.

Masalimo 3:8

Ubupoki bukufuma kwa Mwene, sona ulusayo lwako lubanje pabantu bako.