2 Samuweli 19:40 - IBAYIBOLO 2024

⁴⁰ Bo u mwene alobokela ku Giligali, wepe u Kimuhamu akaloboka poka nawe. Abasilikali bosi abaluko ulwa Yuda, poka nu hafu uwa basilikali aba Izilayeli bakamusindikila u mwene.

2 Samuweli 19:40 Iomraidhean Croise

Ubwandilo 49:10

Impalala iya bumwene yitakwiza pakwepamo nalumo munyumba iya Yuda. Akwiza pakubukakatila ubumwene ubu, akwiza pakughasunga amaka ghache mupaka u mwenemaka ghache ize, inko zyosi zikwiza pakumwivwila.

2 Samuweli 19:10

U Abisalomu yuyo tukamupakazya amafuta ukuti abanje we mwene witu, afuye kubwite. Po nkimba choni chicho mutakunenapo nizya kumusenda u mwene u Devedi ukuti anyokele?”

2 Samuweli 19:37

Unyitikizye ne wambombo wako ukuti inyokele, umwakuti ningafwila mukaya kane akakulu papipi ni pumpa ilya tata, sona nilya mayi wane. Loli u Kimuhamu uwambombo wako ali pano. Umwitikizye ukuti aloboke poka nawe, mwene. Po umubombele chosi chicho chingakuhobosya.”

2 Samuweli 19:9

Aba Izilayeli bosi bakadalinkanagha benebene bakati, “U Devedi akatupoka munyobe izya balwani bitu. U mwene weyuyo akatupoka munyobe izya ba Filisiti. Loli ilelo achimbilamo muchisu pachifukwa icha Abisalomu,

Matayi 21:9

Abantu abinji babo bakaba kuntazi na kwisinda ukwa Yesu bakanda pakukolomoka ukuti, “Apaliwanje u Mwana uwa Devedi! U Chala amusaye yuyo akwiza mwitabwa ilya Mwene! U Chala apaliwanje!”