2 Samuweli 19:30 - IBAYIBOLO 2024

³⁰ U Mefibosheti akamubuzya u mwene akati, “Muleke uwamwitu uyu asende vyosi. Ane nahoboka nkani ukuti awe we mwene wane wafika pakaya akiza bulo.”

2 Samuweli 19:30 Iomraidhean Croise

2 Samuweli 1:26

Nkukulila awe we wamwitu Yonatani, pakuti ukaba we wapamoyo wane. Ulughano lwako papane lukaba lwakufikapo, sona lwakuswighisya ukuluchila ulughano ulwa bakolo.

2 Samuweli 19:18

Po akabalobosya abamunyumba bosi abamwene nukubomba zyosi zizyo u mwene akalondagha. Bo u Shimeyi umwana uwa Gela aloboka ulusoko ulwa Yolodani, akisumba pasi pamaso pa mwene

2 Samuweli 19:29

U mwene akamubuzya akati, “Utakanene sona ivyinji. Nkulamula ukuti awe poka nu Ziba mugabane ichuma chosi icha Sabuli.”

2 Samuweli 19:31

U Balizilayi umu Giliyadi wepe akiza ukufuma ku Logelimu nukuloboka ulusoko ulwa Yolodani pakumusindikila u mwene.

2 Samuweli 9:9

U mwene akamwitizya u Ziba, yuyo akaba wambombo uwa Sabuli nukumubuzya ukuti, “Namupa umwizukulu uwa mwene wako vyosi vivyo vikaba vya Sabuli na bamunyumba yache.

Imbombo 20:24

Loli intakupasyapo nizya bumi bwane ukuti bwapamwanya kukwane. Pakuti chicho nkulonda chakuti imalizye imbombo yane, sona nu butumiwa bubo u Mwene u Yesu akampa ubwakulumbilila Amazyu Amiza aghakunena nizya chisa icha Chala.

Aba Filipi 1:20

Polelo nkulindilila nukumusubila nkani ukuti ntakwiza pakubombapo nachimo chicho chingankozya isoni. Loli nkusubila ukuti nkwiza pakujimba umoyo, umwakuti ilelo ngati bwila, u Kilisitu akwiza pakuchindikiwa mumwane, manyi mubumi, manyi mu bufwe.