2 Samuweli 19:20 - IBAYIBOLO 2024

²⁰ Pakuti ane ne wambombo wako inzimenye ukuti nananga, loli ilelo ne muntu wakwanda uwaluko ulwa Yosefu ukwiza pakukomana nawe, mwene.”

2 Samuweli 19:20 Iomraidhean Croise

Ubwandilo 48:14

Loli u Yakobo akapinganika nukugholosezya inyobe yache indilo pamutu uwa Efulayimu, yuyo akaba munandi, sona inyobe iya mongo pamutu uwa Manase, yuyo akaba we songo.

Ubwandilo 48:20

Po akabasaya bosi pisiku lilalila nukuti, “Aba Izilayeli bakwiza pakubombezya amatabwa ghinyu pakubasaya abantu. Bakwiza pakunenagha ukuti, ‘U Chala abapele amwe pakuba ngati we Efulayimu nu Manase.’ ” Pakubomba bunubu u Yakobo akamubika Efulayimu muntazi umwa Manase.

2 Samuweli 16:5

Bo u mwene u Devedi akupalamila papipi nakaya akakulu aka Bahulimu, umuntu yumo uwa munyumba iya Sabuli akafika. Umuntu yunuyu akaba we Shimeyi, umwana uwa Gela, po akamughuna u Devedi bo akufuma kuzi.

2 Samuweli 19:21

Po u Abishayi umwana uwa Zeluya akati, “Nkimba u Shimeyi atabaghiye pakughoghiwa pachifukwa ichakumughuna umupakiwa uwa Mwene?”

2 Samuweli 19:9

Aba Izilayeli bosi bakadalinkanagha benebene bakati, “U Devedi akatupoka munyobe izya balwani bitu. U mwene weyuyo akatupoka munyobe izya ba Filisiti. Loli ilelo achimbilamo muchisu pachifukwa icha Abisalomu,

1 Abamwene 12:20

Bo aba Izilayeli bosi bivwa ukuti u Yelobowamu anyokako, bakamwitizya kulukomano pakumwimika ukuti abanje we mwene wabo. Loli uluko ulwa Yuda lukaba pasi pa bamunyumba iya Devedi.

1 Abamwene 12:25

U Yelobowamu akakazenga sona akaya akakulu nkani aka Shekemu muchisu icha maghamba icha Efulayimu nukwikala mulamula. Pisinda pache akabuka pakukazenga akaya akakulu nkani aka Penuweli.

Yelemiya 22:23

Amwe mwe mukwikala munyumba zizyo zizengiwe na makwi agha mwale aghakufuma ku Lebanoni, mukwiza pakulila ngati mukolo yuyo ali mububavu pakabalilo akakupapila.”

Hoseya 5:15

Nkwiza pakunyokela kubuzilo bwane, mupaka bilate imbibi zyabo. Bo bali muntamyo zyabo, bakwiza pakundonda na moyo ghabo ghosi.

Hoseya 5:3

Imbamenye akiza nkani abantu aba mu Efulayimu, bope aba Izilayeli batavwamite pamaso papane. Mwe bantu aba mu Efulayimu, ilelo mwaba mwe bamalaya, sona aba Izilayeli banyaziwe.”