2 Samuweli 19:19 - IBAYIBOLO 2024

¹⁹ nukumubuzya ukuti, “Wee mwene wane unhobokele. Utakakumbukaye imbibi yiyo ne wambombo wako nkakunangila pisiku lilyo ukepelaghamo mu Yelusalemu. Wee mwene wane utakabanje nazyo kusingo.

2 Samuweli 19:19 Iomraidhean Croise

2 Samuweli 13:20

Umuyemba wache u Abisalomu akamulalusya akati, “Nkimba choni chicho u Amunoni akunyazya bunubu? Puma muyemba wane. Wepe u Aminoni muyemba wako. Utakapasyanje nkani.” Po u Tamala akikala bulo mwene munyumba iya muyemba wache u Abisalomu.

2 Samuweli 13:33

Wee mwene wane, utakapasyanje ukuti abana bako bosi bafuye. Loli u Amunoni mwene weyuyo afuye.”

2 Samuweli 19:18

Po akabalobosya abamunyumba bosi abamwene nukubomba zyosi zizyo u mwene akalondagha. Bo u Shimeyi umwana uwa Gela aloboka ulusoko ulwa Yolodani, akisumba pasi pamaso pa mwene

Masalimo 32:2

Musayiwa umuntu yuyo u Mwene atakuzibelengela imbibi zyache, yuyo mumoyo wache ubuzimbuli butalimo.

Masalimo 79:8

Utakatufundaye pachifukwa icha mbibi izya banyenya bitu, po utupelelaye ichisa lubilolubilo, pakuti twisiwa nkani.

Umulumbilili 10:4

Nanti umulongozi akukalaliye, utakepayepo pabuzilo bwako ubwa mbombo. Pakuti ubololo bukumazya ukupuvya ukukulu nkani.

Yesaya 43:25

“Ane nene nkuhobokela imbibi zyinyu, sona pachifukwa icha nene, ntakwiza pakuzikumbuka sona imbibi zyinyu.

Yelemiya 31:34

Nayumoyumo umuntu yuyo akwiza pakumumanyisya umupalamani wache, pamo ukumubuzya umukamu wache ukuti, ‘Umumanye u Mwene.’ Pakuti bosi bakwiza pakummanya ane, abana abanandi na bantu abasongo bulo. Nkwiza pakubahobokela imbibi zyabo, sona ntakwiza pakukumbukapo nalumolumo ukunanga kwabo.”

Ukubelengiwa 12:11

Po akamubuzya u Mozesi akati, “Wee mwene wane, nalamba, utakatufunde pachifukwa icha mbibi yiyo twabombite mubupunganu.

Matayi 27:4

Akati, “Nananga pakumubika munyobe izya balwani umuntu umusita nongwa ukuti aghoghiwe.” Bakamula bakati, “Nkimba tuli nazyo ni mbombo?” Zyako zinizyo.

2 Aba Kolinti 5:19

ukuti u Chala akasayannyanga abantu bosi pachisu ichapasi nu Chala umwenecho ukwendela mwa Kilisitu ukusita ukwennya imbibi zyabo. Po umwene akatupa amazyu aghakunena nizya kusayana.

1 Samuweli 22:15

Nkimba nanda ilelo pakubuzikizya kwa Chala mubuzilo bwache? Awe, mwene! Utakampanje inongwa ne wambombo wako, pamo abamunyumba iya wise, pakuti ane ne wambombo wako ntamenyepo nachimochimo pazyosi zinizi.”

1 Samuweli 25:25

Mwene wane, utakamuteghelezyanje u Nabali umuntu umupunganu uyu. Ayanite bulo namumo itabwa lyache likung'anamulila, kokuti mupunganu! Loli ane ne wambombo wako, ntakabennya abantu bako babo ukabatuma.

1 Samuweli 26:21

Po u Sabuli akati, “Wee Devedi mwana wane, nananga nyokela! Ntakwiza pakukubombela sona nachimochimo ichintu ichibibi pakuti ubumi bwane wabupima pakuba bwapamwanya nkani. Naloli ane nkabomba ivyabupunganu, sona nkapuvya nkani.”