2 Samuweli 19:11 - IBAYIBOLO 2024

¹¹ U mwene u Devedi akamutumila u Zadoki nu Abiyatala, sona na baputi amazyu aghakuti, “Mubalalusye abalongozi abaluko ulwa Yuda ukuti, ‘Nkimba choni chicho mukuzyelazyela bulo pakumunyosezya u mwene kunyumba yache iya bumwene, bo aba Izilayeli bosi bamutumiye kale amazyu aghakuti anyokele kunyumba yache?

2 Samuweli 19:11 Iomraidhean Croise

2 Samuweli 15:29

Po u Zadoki nu Abiyatala bakanyamula Ibokosi ilya Lufingo lila nukunyokela mu Yelusalemu nukwikala mulamula.

2 Samuweli 18:14

U Yowabu akati, “Ukunkabizya.” Po akasenda impalala zitatu munyobe yache, nukumulasa u Abisalomu pachifuba, bo atafuye, sona bo akulelemba mwikwi ilya mupandapanda lila.

2 Samuweli 18:15

Abantu 10 babo bakanyamulagha ivilwilo ivya Yowabu bakamwavwanila u Abisalomu nukumulasa mupaka bakamughogha.

2 Samuweli 19:10

U Abisalomu yuyo tukamupakazya amafuta ukuti abanje we mwene witu, afuye kubwite. Po nkimba choni chicho mutakunenapo nizya kumusenda u mwene u Devedi ukuti anyokele?”

2 Samuweli 19:41

Po aba Izilayeli bosi bakiza kwa mwene nukumulalusya ukuti, “Nkimba choni chicho abakamu bitu, abaluko ulwa Yuda bakamwiba u mwene na bamunyumba yache, poka na bantu bache nukwiza nawe kwisila ilya Yolodani?”

1 Abamwene 2:35

Po u mwene akamusala u Benaya umwana uwa Yehoyada ukuti abanje we songo uwa basilikali mubuzilo uwa Yowabu, sona ukuti u Zadoki abanje muputi mubuzilo ubwa Abiyatala.

Matayi 5:16

Momumo namwe ulukozyo lwinyu lulamaye pabantu, ukuti bennyanje imbombo zyinyu inyiza nukumupala Utata winyu uwakumwanya.

2 Aba Kolinti 5:20

Aswe twe bimilili ba Kilisitu, ngati po u Chala akubalambilizya ukwendela mumwitu. Tukubalaba mwitabwa ilya Yesu Kilisitu ukuti musayane sona nu Chala.

2 Aba Tesalonika 3:9

Kute kokuti tutakaba nu bulaghili ubwakulabila ubwavwilizi kukwinyu, awe. Loli tukalondagha ukuti tubanje chifwanikizyo kukwinyu.