2 Samuweli 19:1 - IBAYIBOLO 2024

¹ U Yowabu akivwa ukuti, u mwene akumulila u Abisalomu.

2 Samuweli 19:1 Iomraidhean Croise

Ubwandilo 37:35

Abana bache bosi abanavuli na bakolo bakiza pakumupumizya. Loli akakana pakupumiziwa, nukuti, “Awe, nkwiza pakulila mupaka kwipumpa kuko ali.” Po uwise akendelela pakumulila umwana wache u Yosefu.

2 Samuweli 18:12

Loli umuntu yula akamula akati, “Pope nanti nkapokelagha isalabazya izya siliva 1,000, ngali intakamughogha umwana uwa mwene. Nkamwivwa u mwene akukulamula awe nu Abishayi, poka nu Itayi ukuti, Mumuzighililaye umulumendo u Abisalomu pachifukwa icha nene.”

2 Samuweli 18:14

U Yowabu akati, “Ukunkabizya.” Po akasenda impalala zitatu munyobe yache, nukumulasa u Abisalomu pachifuba, bo atafuye, sona bo akulelemba mwikwi ilya mupandapanda lila.

2 Samuweli 18:20

U Yowabu akamubuzya akati, “Utangabuka pakumupangila zinizi umusanya ughu, loli isiku ilinji. Utakachibombaye umusanya ughu, pachifukwa ichakuti umwana uwa mwene afuye.”

2 Samuweli 18:33

Po icheni icha mwene chikasulumannya nkani, umwakuti akabuka muchipinda icha pamwanya icha pamulyango nukulila. Bo akubuka akati, “Wee mwana wane, Abisalomu! Wee Abisalomu! Wee mwana wane. Chame chiza ngali nafwanga nene mubuzilo bwako, wee Abisalomu, mwana wane, wee mwana wane!”

2 Samuweli 18:5

U mwene akamulamula u Yowabu nu Abishayi, sona nu Itayi akati, “Mumupelele ichisa umulumendo u Abisalomu pachifukwa icha nene.” Po abasilikali bosi bakamwivwa u mwene, bo akubalamula abasongo aba basilikali bala nizya Abisalomu.

2 Samuweli 19:2

Po pisiku lilalila ulusekelo ulwa bupoti ulwa basilikali lukanduka pakuba chililo, pachifukwa ichakuti abasilikali bakivwa ukuti, u mwene akumulila umwana wache.

Ivyili 17:25

Umwana umupunganu akumupelela uwise ichitima sona akughuvulazya umoyo uwa nyina yuyo amupapite.

Zekaliya 12:10

“Po nkwiza pakubapungulila umoyo uwa chisa nuwa nyiputo pabanyumba iya Devedi sona napa bantu babo bakwikala mu Yelusalemu. Bakwiza pakumwenelezya umuntu yuyo bakamulasa, bakwiza pakumulila, ngati mumo umuntu akumulilila umwana wache mwene na mwene, sona akuba ni chitima nkani ngati mumo umuntu akubela ni chitima numwana wache ukatote.