2 Samuweli 18:9 - IBAYIBOLO 2024

⁹ Umwakuchenusya bulo u Abisalomu akakomana na bantu aba Devedi. U Abisalomu yula akakwela pampunda yache, sona bo impunda yache yikudumusannya muntende mwikwi ilya mupandapanda, umutu wache ghukalemiwa mutusamba utwa mwikwi. Po akalelembagha palapala, bo impunda yache yikubuka.

2 Samuweli 18:9 Iomraidhean Croise

2 Samuweli 13:29

Po abantu aba Abisalomu bakamubombela u Amunoni vivyo u Abisalomu akabalamula. Abana bosi abamwene bakavundumuka nukukwela abana aba mpunda, po bakachimbila.

2 Samuweli 14:26

U Abisalomu akamwanga isisi zyache lyoka bulo pamwaka. Nanti azipima, zikang'wamagha amakilogalamu mabili ukuyana ni chipimilo icha bumwene.

2 Samuweli 17:23

Bo u Ahitofeli ennya ukuti abantu bakitinkana ni fundo yiyo akababuzya, akakwela impunda yache nukubwela. Akakayannya akiza bulo akaya kache nukwipinyilila. Po akafwa nukusyiliwa mwipumpa ilya wise.

2 Samuweli 18:10

Bo umuntu yumo ennya zinizi, akamubuzya u Yowabu akati, “Namwennya u Abisalomu akulelemba mwikwi ilya mupandapanda.”

2 Samuweli 18:14

U Yowabu akati, “Ukunkabizya.” Po akasenda impalala zitatu munyobe yache, nukumulasa u Abisalomu pachifuba, bo atafuye, sona bo akulelemba mwikwi ilya mupandapanda lila.

2 Samuweli 18:8

Ubwite bukasata muchisu chosi chila, sona ivinyamana ivyakoghofya ivya mumusitu vikabaghogha abantu abinji nkani ukubachila babo bakaghoghiwa kubwite.

Yobu 31:3

Umukosi ghukumuwila umuntu yuyo mubibi, zyope intamyo zikubawila babo bakubomba ububibi.

Ivyili 20:20

Nanti umuntu akumutuka uwise pamo unyina, akwiza pakuba ngati nyale yiyo yikuzima muchisi.

Ivyili 30:17

Umuntu yuyo akumusamula uwise, sona na yuyo akumuchemela unyina umughosi, abachigobe bakwiza pakuzompola amaso ghache, sona abachipungu bakwiza pakughalya.

Yelemiya 48:44

“Umuntu wesi yuyo akuchimbila ichakoghofya, akwiza pakuwila muchiliba, wesi yuyo akwepamo muchiliba, akwiza pakulemiwa muchipingo, pakuti zinizi nkwiza pakumuwisizya u Mowabu, pakabalilo aka lufundo lwache. Ane ne Mwene nanena.

Matayi 27:5

U Yudasi akasumba indalama zila pasi mu Nyumba iya Chala nukubuka. Po akabuka nukwipinyilila mwene.

Maliko 7:10

Pakuti u Mozesi akalamula akati, ‘Chindika ughuso nu nyoko,’ sona ‘Umuntu wesi yuyo akumughuna uwise nu nyina aghoghiwanje.’

Aba Galatiya 3:13

U Kilisitu akatutabula ku nguno iya Ndaghilo umwene pakuba nguno mubuzilo bwitu, pakuti Amasimbo ghakuti, “Mughuniwa umuntu wesi yuyo apayikiwe pikwi.”

Ukukumbusya Amalamulo 21:23

umuvimba ghula ghutakaghone pikwi lila pabusiku. Mwenelezye ukuti mwaghusyila pisiku lilalila, pakuti umuntu wesi yuyo apayikiwe pikwi, aghuniwe nu Chala. Mutakachinyazyanje ichisu chicho u Mwene u Chala winyu akubapa ukuti chibanje mpyana yinyu.

Ukukumbusya Amalamulo 27:16

“Aghuniwanje umuntu wesi yuyo akumusamula uwise nu nyina.” Po abantu bosi bamule batinji, “Ameni!”

Ukukumbusya Amalamulo 27:20

“Aghuniwanje umuntu wesi yuyo akughona nu muchi uwa wise, pakuti bunubu akumukozya isoni uwise.” Po abantu bosi bamule batinji, “Ameni!”