2 Samuweli 18:4 - IBAYIBOLO 2024

⁴ U mwene akamula akati, “Nkwiza pakubomba chosi chicho chingabahobosya.” Po u mwene akimilila papipi nu mulyango uwa kaya kala, bo abantu bosi bakubuka mutubukatila utwa bantu 100, sona nutwa bantu 1,000.

2 Samuweli 18:4 Iomraidhean Croise

2 Samuweli 18:1

U Devedi akababungannya poka abantu bache nukubagaba mutubukatila utwa bantu 1,000, nutwa bantu 100, po akababika abasongo aba basilikali mutubukatila tulatula.

2 Samuweli 18:24

Bo u Devedi ikaye pakasi pamulyango uwa mukasi nuwa kuzi, umulindilili akakwela palubumba nukwimilila pachisonje icha mulyango uwa kaya kala. Bo atalankannya, akamwennya umuntu ali pakuchimbila.

2 Samuweli 18:5

U mwene akamulamula u Yowabu nu Abishayi, sona nu Itayi akati, “Mumupelele ichisa umulumendo u Abisalomu pachifukwa icha nene.” Po abasilikali bosi bakamwivwa u mwene, bo akubalamula abasongo aba basilikali bala nizya Abisalomu.

Yesaya 28:6

Weyuyo akwiza pakuba mulongi uwabugholosu, akwiza pakubapa amaka abantu babo bakulonga, sona na basilikali babo bakulindilila pamilyango,

1 Samuweli 29:2

Bo abamwene aba ba Filisiti bakubuka nu tubukatila twabo utwa basilikali 100 sona nutwa 1,000 pakulwa ubwite, u Devedi na basilikali bache bakizagha kwisinda ukwa mwene u Akishi.